للكاتبه: ود الباشا
هلو حبايبي اعتذر علئ التاخير بلكوه كملت البارت والله 🌺 احبكم كومات
حينما لا يدركُ أحداً حجم توجعك
ولا يعلم أحد قدّر تخوّفك وحزنك وغصّتك!
طبطب على قلبِك ورتّل عليه ...
" أَوَلَيْسَ اللَّهُ بِأَعْلَمَ بِمَا فِي صُدُورِ الْعَالَمِينَ "💔
ايلاف: اندگت الباب رحت فتحته كلت منو مجاوب فتحت الباب ونصدمت
قيس واكف بكشخته ونظارته وحاط ايده بجيوبه ردت اطبگ الباب لزمه بسرعه
قيس: سمعت بيج اهنا كلت اجي اسلم عليج هيج تردين سلامي
ايلاف: عمري كله مشفت احد بحقارتك
شنو التريده مني؟
قيس: رايد سلامتج عبالج راح اسكت من تتزووجين صاحبي الي هوه اخ الي وتردين تنتقمين مني
ايلاف: بشنوو انتقم منك فهمني شنو التريده مني انت دمرتني
قيس: رجعيلي ايلاف والله اعيشج ملگه بزمانج انطيني فرصه اخيره
ايلاف: صدگني انت مو صااحي مرريض روح عالج نفسك ابتعد مني عووفني بحاالي اني كرهتك ومستحيل ارجع افكر بيك اني اعشق يوسف هوه الجنت عمري كله اتمنئ واحد مثله
قيس: لا تجيبين طاريه يمي تعررفين شجاان يصير بيه من يكعد كدامي يكول اني هسه شفت الراحه لو من يكعد يصفن بصورتج لو من يعوفنه ويتگتر خاطر بس ينتصل بيج
لج جنت احترك احترگ بدمي انتي الي ومتصيرين لغيري لو اعرف امووت
ايلاف: انت انسان مررريض روح عالج نفسك وابتعد مني ومن حياتي ومن كلشي يخصني
خليك بنفسك وبعائلتك لا تخسرها وتخسر نفسك وميبقالك احد انت واحد اناني متفكر الا بنفسك ويوسف لو اموت ماعوفه مفهووم خليك بعيد عني ولا تخليني اسووي مصيبه بنفسي وابتليك تره اني مو ايلاف القديمه تجي تقشمرها بكلمتين وتاخذها ترجعها لذلتك واهانتك واهانه اهلك
قيس: تردين تقنعيني انتي ابيت يوسف مرتاحه يعقدون الميتعقد
ايلاف: ذولي التحجي عليهم اهلي عمامي من لحمي ودمي وازيدك تره همه محافظين علئ نفسهم واهل بيتهم مو تعقيد هذه بل عكس انت المعقد كل الصفات الموزينه بيك والله ثم والله اذا مره ثانيه طلعت كدامي راح تندم عمرك كله خليك بعيد عني كااافي الشفته منك لهنا وبس عفته واكف صافن يمكن مصدوم من ردت فعلي عباله راح اركض لحظنه ميعرف كارهته كره الاعمى
طبگت الباب بوجه ودخلت للبيت شسوي شلون اتصرف اريد اروح لمكان مابي احد محتاجه ارتاح بمكان وحدي بس وحدي الدنيا تعبتني ومداكدر اتحمل اكثر طاقتي يوم بعد يوم دتخلص بس اني هم غبيه ليش هيج اسوي بنفسي محد يستاهل يوسف لو يحبني جان سئل عليه وحاول يعرف اخباري وقيس اخ يا قيس غلطت عمري وراح ابقئ طوول عمري متندمه علئ هل غلطه
اخذت الموبايل مره اكول اتصل بسرمد يدبرلي شغل اريد الهي نفسي اذا ابقئ هيج اتخبل عقلي احسه راح يوكف اجوي ماما والبنات من السوك جايبيلي ملابس بيت راحن سماح ورسل رحت كعدت يم ماما
اريد احجي وياج بسالفه ماما اسمعيني للاخير. ولا تقاطعيني اريد نبيع البيت البغداد ونشتري بيت صغير اهنا ونفتح بلباقي مشروع نطلع مصرفنه منه ونرتاح
أنت تقرأ
الخلل بيه
Romanceمرات الخلل بينه نتاذه من نفسنه من خطواتنه الخطيناها بدون حساب الخلل يكون من عدنه مو من احد ثاني لازم نحاسب نفسنه قبل لا نحاسب الغير ما حلل احد ياخذ قصصي بدون ذكر اسمي (ذمه)
