للكاتبه: ود الباشا
مرآت اگو بگلبک حچي
بس تنجبر ما تحچي
ومرات عينگ ما تصب؟
بس تلگه گلبک يبچي
ايلاف: طفر عليه رجلي مسيطرت عليها من الخوف حسيت نفسي راح اوكع من طولي لزمت الحايط
وكف گبالي وعيونه تطلع منها شراره
قيس: وووين تردين تووصلين فهمييني
ليش ملفلفه نفسج كدامي ممشتاقتلي
ايلاف جنتي تشمرين نفسج بحظني اذا تاخرت يومين
ايلاف: بده يتقررب اكثر دفعته لزمني من ايدي شمر الحجاب من راسي
وخررر شدتسوووووي
قيس: لا تصرخيين
ايلاف: بقه يباوع علئ رگبتي الكلاده ليهسه منازعتها اتمنيت لحظتها اگطعها واشمرها مادري ليش هذه الشعور البداخلي
قيس: شنو هذه؟ رگبتج دكول عكس كلامج
وين تردين توصليين ولج مشتاقلج حسي بيه
ايلاف: بده يتقرب مني ويبوسني برگبتي مادري ليش مادفعته ماحجيت ماصرخت بعدني احبه واريده ماعرف حب لو يمه اشعر بامان. رحت ويا لعالم ثاني نسيت كلشي نسيت الايام العذبني بيها نسيت الايام المانمت بيها للصبح واني افكر بي
حظني كل قوته حسيت ضلوعي طگن بين ايده
محبيت يحجي شي ردت انام بحظنه وميروح مني هل شعور هذه وفعلا نمت لثاني يوم كعدت الصبح نايمه علصدره
بقيت اباوع عليه واسئل نفسي شمنتضرني وياك وشمنتضرني بعد بهل دنيا لاعندي اخ يوكفلي سند ولا اخت تسمعني ولا ام بيها الحيل توكفلي وتحميني
قيس: صباحج ورد حبيبتي
ايلاف: صباح النور
قيس: شنو حليان وهيج صافنه بوجهي
ايلاف: لا مصافنه
قيس: شو تعااي
ايلاف: مجوعان
قيس: كلش جوعان وراح اتريك بيج
ايلاف: كافي قيس عوفني
قيس: يروحلج فدوه قيس وعشيرته
اني شون جنت عايش بدونج بس فهميني
ايلاف: مشه اليوم كله ضحك وشقه بس احس غصه بكلبي ماعرف ليش ماحس نفسي فرحانه من كل گلبي اكو بداخلي احساس فارغ
هاي مرت شهرين اياام قيس مكابلني
وكاعد ايام يروح يشوف اهله ويرجع ثاني يوم احساسي بارد من هل ناحيه ماكو ذاك احساس الغيره من شفتهم سوه بلمطعم گلبي احترك بيومها
اليوم يروح للدوام سويتله گليجه وكيك اخذهم ويا
ضل ساعه يوصيني لا تفتحين الباب ولا طلعين هوه دوم قبل لا يروح يتسوك مسواك گامل بحيث علما يرجع ماحتاج شي وجابلي ملابس بيت من شافني البس ملابسه وضايعه بيهن بيومه التصنيف صار بفلس وكام يمشي ويضحك عليه ويكول هلابخويه هلا بزود والحميه
أنت تقرأ
الخلل بيه
Romanceمرات الخلل بينه نتاذه من نفسنه من خطواتنه الخطيناها بدون حساب الخلل يكون من عدنه مو من احد ثاني لازم نحاسب نفسنه قبل لا نحاسب الغير ما حلل احد ياخذ قصصي بدون ذكر اسمي (ذمه)
