للكاتبه: ود الباشا
هلوو حبايبي بارت لعيون الطلبو مني بس هم غلسو علئ السحكات احبنكم 🌺
تـرڪت لــي وجـعاً
يڪـفيني ســبعون عــامـاً
أي ڪـرم هــذا💔
ايلاف: يوسف بقه يباوع مره عليه ومره علئ سيف
يوسف: ليش وين رايحين؟
الحجي: لدكتور شويه ايلاف تعبانه
سيف: اي البارحه حجزتلها
يوسف: ليش شبيج. كومي خليني اخذج قبل لا اروح
الحجيه: لا يمه عوفها وتوكل علئ شغلك سيف موجود هوه ياخذها
يوسف: سيف تعال وراي
ايلاف: عززه قطره دم مبقت بيه
مادري ليش صايره بيه خووفه منه بقينه واحد نباوع علئ الاخ دخلو هوه وسيف باوعلي بنظره مادري شونها مو مثل كل مره خزره وعصبيه حسيت بنظرته حنيه
ودعهم وطلع العجوز بقت تدعيله
الحجي: ايلاف اخذيني للغرفه
ايلاف: اخذته للغرفه كالي فتحي المجر يم السرير فتحته وجان بي فلوس
الحجي : اخذيهم خليهن جوه ايده اشتري اليعجبج
ايلاف: ممحتاجه فلوس جدو سديت المجر
الحجي اخذيهم ولاتعاندين يلا بنيتي
ايلاف: اخذتهم ورجعنه للمطبخ الكل رافع خشمه مني
الحجي: يلا توكلي حضري نفسج هم يلا الطريق طويل سيف دير بالك من الطريق مو تسوق بسرعه
ايلاف: ماما ورسل جااين لبغداد يعني روحتنه مو لاربيل
سيف: خير لعد سهله
ايلاف: عفتهم وصعدت غيرت ملابسي ولبست شال وفوكا العبايه
دخلت ياسمين ودموعها بطرف عينها اني هم مكدرت الزم نفسي بقيت ابجي وياها تعودت عليها
ياسمين: رجعي ايلاف والله تعودت عليج شلون راح اتحمل
ايلاف: اني هم تعودت عليج والله بس ادعيلي تنفتح بوجهي وانتي هم صيري قويه ودمعتج خليها غاليه حضنتها وبستها
اخذت جنطتي ونزلت بعدهم كاعدين نفس كعدتهم نزلت دموعي من شفت جدو جان حنين وياي كلش
حضنته وبسته بيده وبراسه
الحجي: لا طولين علينه بنتي رجعي قبل الاسبوع راح نشتاقلج
ايللف: ان شالله جدو تقربت علئ عمي بسته ودعتهم واحد واحد وطلعت يم الباب صاحتني مرت عمي وتقربت مني
ام يوسف: ااتمنئ مترجعين بعد ابقي بعيده من يوسف لا تخربين بيته
ايلاف: باستني وابتعدت اني رحت وره سيف وامسح بدموعي هسه يعني معقوله اني خربت بيت يوسف ركبت السياره ودموعي عشره عشره.
أنت تقرأ
الخلل بيه
Romanceمرات الخلل بينه نتاذه من نفسنه من خطواتنه الخطيناها بدون حساب الخلل يكون من عدنه مو من احد ثاني لازم نحاسب نفسنه قبل لا نحاسب الغير ما حلل احد ياخذ قصصي بدون ذكر اسمي (ذمه)
