للكاتبه: ود الباشا
هلو حبايب گلبي شخباركم
اكو هواي ديكولون استعجلي وخلصي بسرعه لهل درجه صارت ممله؟
وتره مباقيلها شي بس كم بارت
صبركم وياي وان شالله استعجل بيها تدللون ❤
جانت تجربة وفزيت منهة وحيد ..
عدل بس طايح من عيون عذالي ..
عدل بس تارس الحيطان ذكرى وخوف ..
ونفس والسجن يبرد من يظل خالي ..
هية المشكلة جروح العزاز اعزاز ..
من تنلچم بيهن صيح هنيالي ..
ايلاف: بقيت اباوع علئ ياسمين. وهيه تباوع عليه وعيونها مدمعه مكدرت اسكت
عيب عليج تحجين هل حجي هذه وكدامي اذا جنت فعلا اني المخربه بينها وبين مازن جان قبلت بي واخذته بس لو يصبو ذهب لأن ياسمين مو بس بنت عمي هيه اخت الي مستحيل يجي يوم وائذيها
سميره: تالي وكت تجي وحده مثلج تررربيه شوووارع تعلمني علئ العيب
ايلاف: احترررمي نفسج متربايه احسن تربيه والدليل مداتجاوز عليج بس انتي حرامات بنت بيبي متستاهل بنيه مثلج
ياسمين: ايلاف كاافي
ايلاف: لااا مو كاافي مو كاافي لشوووكت يعني اسمع هل حجي وابلع واكوول ميخالف نسوان كبار بشنو مئذيتكم بس فهموووني شنوو مسويتلكم كاتله احد منكم بدوون مااعرف
الحجيه: يا ستار استرنه بسترك ايلاف ليش هيج صووتج شصاير
ايلاف: بيبي بس فهميني شاايفين عليه شي اجالكم واحد شكه مني ومن تربيتي مسويتلكم شي ياذيكم
الحجيه: شكو بنتي فهميني
ايلاف: بيبي والله ميصيير كل حجاايه احجيها دكلولي بنت شووارع جان لميتوني وكبرتوني بينكم انتوو سبب بلصار بيه كله وانتوو تعيرووني شنووو ذنبي وتره ربتني مره تخاف الله ربتني احسن تربيه
الحجيه: كافي مسحيي دموعج منو سمعج هل حجي هذه
ايلاف: كعدت علئ اول بايه مسحت دموعي والشهكه البچيه مدتروح مني
ياسمين: عمه سميره كل هاي الهوسه لأن تاخرت بلنوم
الحجيه: الضاهر اني الماعرفت اربيج
يجي ابو يوسف وهوه يعرف شغله ويااج مراح احجي شي اني الضاهر انتي تخبلتي علينه وصاايره براااسنه سلماان الثاااني طايحه حظ
سميره: والله محد كبر راسها غيركم جبتوها وزرعتوها اهنا وخلت الولد واحد يشد ويا الثاااني تاالي اني الترزل علمودها
الحجيه: ولج ولي من كددامي لا اجي ادميج واطيح حظج
ام يوسف: يمه تره حقها نايمه للضهاري وياسمين المكروده تخلص شغلها واحنه بلمطبخ
الحجيه: وانتي مگادره غير بس علئ هل مسكينه مادام رجلها راضي عليها هاهيه محد اله حق عليها وبس يجي اكله يطلعها ابيت ويخلصها من شركم
اعوووذ بالله منكم ما وراكم كل خير كومي بنتي تعاي يمي
أنت تقرأ
الخلل بيه
Romanceمرات الخلل بينه نتاذه من نفسنه من خطواتنه الخطيناها بدون حساب الخلل يكون من عدنه مو من احد ثاني لازم نحاسب نفسنه قبل لا نحاسب الغير ما حلل احد ياخذ قصصي بدون ذكر اسمي (ذمه)
