للكاتبه: ود الباشا
هلوو حبايب گلبي
حبيت اكلكم النشر بين يوم ويوم هذه البارت لعيونكم احبكم كوومات
حينما تنكسر خواطرنا بسبب فقد "الثقه" و"الإحترام" من أقرب الناس إلينا من الصعب إسترجاعهما مجددا هذا إن لم يكن مستحيل.
ايلاف: باوعتلها صفح راحت وبديت اكل وجان يدخل جدي وسيف
ذبيت الخاشوكه من ايدي وگمت
الحجي: ليش كاعده اهنا بنيتي
ايلاف: احسن جدو ماريد مشاكل
الحجي: الوفه حبيبة جدها امشي ويانه اكعدي واكلي لگمه واليحجي وياج اني اعرف اتصرف ويا واطيحلج حظه
ايلاف: اني مرتاحه اهنا والله
سيف: يلا ايلاف تره عصافير بطني كامت تتطافر وانتي بعدج كاعد تتناقشين عبالك رايحين هجوم علئ اسرائيل
الحجي: يلا بنتي ارييد اكل من ايدج الحلوه
ايلاف: گمت رحت وياهم كلهم جانو كاعدين بس يوسف واكف علئ المنقله. يباوعلي نظراته تخوف كلش
كعدت يم ياسمين وسيف جاب جدو يمي
ياسمين: اي والله طلع مالي خاطر يمج
ايلاف: انجبي لا اطلع حرگت گلبي بيج
ياسمين: ليش يمه اني شكو
الحجيه: كاافي تبسبسين ياااسمين احترمي النعمه
ياسمين: صار حبوبه
ايلاف: بديت اسوي لفات صغار وانطي لجدو اخذت ماعون خليت بي دولمه وانطيتيها
الحجي: عاشت ايدج بنيتي
ايلاف: الف عافيه جدو
متضايقه بكعدتي وياهم كلش كلما ارفع راسي ضياء يبتسملي
كاعد اگبالي چنه عزرائيل
سلمان: اكول يابه شوكت ناووي ترجع هاي
منين ما جبتها
ايلاف: يحجي وياشر عليه اللگمه وكفت ابلعومي
الحجي: سلمااان مالك غررض بلبنيه كاعده بكاعك لو ماكله من جدرك
سلمان: ياابه مو قصدي بس انت تعرف اكوو شباب بلبيت وهيه مطلگه الناس شتحجي علينه
ايلاف: الدمعه واكفه بطرف عيني اذا حضرتك عمي ويطلع منك هل كلام مااعتب علئ الغربه بعد
الحجي: سلمااان ثمن كلامك
شنووو هل كلاام انت وبنتك مناوووين تعدووون هل يوم علئ خييير
ابويوسف: علكيفك يابه لا يرتفع ضغطك
الحجي: اسسممع اذا هذه حجيك يبقه هييج اني بيتي يتعذرك وماااريد اشوووف خلقتك طايح حظ
سلمان: اتهيني يااابه كدام احفاادك علمووود وحده. ساقطه تربيه شوارع متعرف اصلها من فصلها مادري منين جايبها
أنت تقرأ
الخلل بيه
Romanceمرات الخلل بينه نتاذه من نفسنه من خطواتنه الخطيناها بدون حساب الخلل يكون من عدنه مو من احد ثاني لازم نحاسب نفسنه قبل لا نحاسب الغير ما حلل احد ياخذ قصصي بدون ذكر اسمي (ذمه)
