للكاتبه: ود الباشا
هنيالهم
عدهم گلب❤️
ما يلتفت لحبابهم
مو مثلي اغصن بالنفس
لو طاري... واحد...... جابهم
ياهو... .اليوصللهم... .خبر
ياهو... اليدلي ابابهم
انفض.. اگوامه عله الهوى
بس ....كون اشم اترابهم
ايلاف : بقيت صافنه عليها يا عمي ويا ابن كلبي كام يدك سريع
سماح: عمج ابو يوسف وابنه بس ماعرف زوجج او اخو
ايلاف: مادري شصار بيه اريد امشي ماكدر معقول اجه ويريد يشوفني
لبست حجابي ونزلت اسحب نفسي سحب
دخلت للصاله شفت عمي كاعد ويا سيف حاولت ابتسم ومابينلهم كسري رحت بست عمي وسلمت علئ سيف كعدت يمهم جانو ماما وسماح كاعدين رسل بلمطبخ
ابو يوسف: والله عمي تعودنه عليج والبيت فرغ علينه هم انتي ماكو وهم ياسمين
ايلاف: متروس بيكم عمي اننو الخير والبركه بيبي شلونها شون صحتها
ابويوسف: اني اليوم جاي بهاي شيباتي اجي اخذج بنتي وارجعج لبيتج وحبوبتج مريضه كلش وهيه دزتني عليج دكول اريد اشوفها قبل لا يصير بيه شي
ايلاف: اسم الله عليها شبيها خوفتني عمو
ابويوسف: والله بنتي ضغطها مدينزل ومتقبل تاكل شي كلتلي تريدني اصير زينه تروح تجيبلي ايلاف وهاي اني اجيت اخذج واتمنئ مترديني
ايلاف: عمو شلون اجي وياك هوه طردني وميريدني
ابويوسف: بنتي انتي جايه لبيت عمج يعني بيتج ميعجبه هوه يطلع
ايلاف: لا عمو فدوه ماريد مشاكل خليني اهنا راسي بارد
سيف: ايلاف بيبي محتاجتلج ودووم تسئلني عليج لا تائذيها صدگيني راح تفرح من تشوفج وممكن تصير زينه
ايلاف: سيف اني شلون ادخل لذاك البيت
سيف: انتي مجايه يم يوسف جايه يمنه ميعجبه بكيفه
ايلاف: ماكدر والله اعذروني وبيبي بعد شويه اخابرها واسئلها علئ صحتها
ابويوسف: بنيتي هيه ممحتاجه تسئليها علئ صحتها هيه محتاجه شوفتج
ام ايلاف: عوفها كم يوم يمنه وخلوها علئ راحتها
ابويوسف: صارلها شهر اهنا واحنه باجر نريد نمشي منكدر نبقى اكثر
ام ايلاف: بسلامه ان شالله والحجيه مابيها غير العافيه
ابويوسف: الله يسلمج خيتي
اتمنئ تحجين ويا ايلاف ودتفهميها تره ماكو مره ورجال ميصير بينهم مشاكل وكلام
ايلاف: عموو ياريت صاير بيناتنه كلام هوه مرادني وطردني وممتقبل وجودي بلبيت شلون تريدني ارجع حتئ مگلف نفسه واتصل بيه
ابويوسف: بنتي معليج بي اني چاي ومتعني اخذج علمود حبوبتج تعبانه وتريد تشوفج
وحتئ يوسف ميعرف اني چاي خاطر ارجعج
أنت تقرأ
الخلل بيه
Romanceمرات الخلل بينه نتاذه من نفسنه من خطواتنه الخطيناها بدون حساب الخلل يكون من عدنه مو من احد ثاني لازم نحاسب نفسنه قبل لا نحاسب الغير ما حلل احد ياخذ قصصي بدون ذكر اسمي (ذمه)
