للكاتبه: ود الباشا
"افتقد النسخة القديمة منك، حينما كنت تهتم لأمري و حديثك معي لا ينتهي."
افتقدك جدا 👑
سماح: ماعرف بس دائما يكول ماريد اتزوج وحده تغيرني عليج
ايلاف: مو كل البنات هيج تفكيرهن بنات الحلال اهواي وان شالله يحصل وحده منهن
سماح: الله يسمع منج
كومي نروح للسوك نشتري شويه ملابس
ايلاف: بس اخاف نتاخر
سماح: عادي الناس موجوده
ايلاف: بقينه نفتر بلسوك اشتريت شويه ملابس اخاف احتاجها بس سماح مخلتني ادفع فلس واحد دكول حسبيهن من اختج كلش خجلتني رجعنه للبيت ويا دخلتنه رجع سرمد
سرمد: شنو هسه راجعين
سماح: اي رحنه شويه للسوك اشترينه كم شغله
ايلاف: عفتهم وصعدت لغرفتي اريد اخابر ماما بس اخاف يعرفون بيه كل مره رسل تخابر خالتها وتحجي وياها بيناتهم اشاره اذا اكو واحد يمها ماكدر احجي وياها وكل هل مخابرات اكو احد واكف فوك راسها
ثاني يوم كعدت وكلي نشاط للشغل سبحت ولبست بنطرون جينز وبدي اسود لفيت شالي لبست حذا رياضي وطلعت سرمد جان كاعد بلمطبخ منتضرني صباح الخير
سرمد: صباحج نور يلا امشي
ايلاف: طول الطريق جنه ساكتين احسه متحملني علئ اعصابه وصلنه للمطعم راح لمكتبه رحت ويا
سرمد: روحي يم رشا خليها تعلمج شسوين
ايلاف: هزيت راسي ورحت يم وحده تطلع بعمري سبحان الخالقها تخببل بقيت صافنه بوجها
رشا: انتي ايلاف صح
ايلاف: اي استاذ سرمد دزني عليج
رشا: تعاي لبسي هاي الصدريه
ايلاف: كلش حبيتها كعدت تعلمني شسوي وشلون اتعامل ويا الزبائن
بقيت بين الطلبات والمطبخ لليل احس اعضامي تكسرت
شو بس اني بين الطلبات والمطبخ الباقي كلهم شغلهم ثابت لو طلبات لو غسل مواعين
بس كلت يلا ميخالف احس من كعدت البيت علئ الاقل احصل كم فلس ادزهم الماما
كعدت علئ الكرسي واحس ضهري يريد يطگ من ساعه ب 6 وهسه ب 5 العصر
مر باقي اليوم ومشه عادي ورشا هم ساعدتني اي شي ماعرفله اروحلها واسالها خطيه مقصرت
ل 10 رجعنه للبيت صعدت سبحت وتمددت علئ السرير نفتحت الباب
سماح: اي عيني بعد محد بحالي
ايلاف: والله اشتاقيتلج اليوم
سماح: حبيبتي تشتاقلج العافيه شونج باول يوم شغل
ايلاف: كلش متعب بس زين حلو الشغل احسن من كعده البيت
سماح: حبيبتي الله يوفقج دووم
أنت تقرأ
الخلل بيه
Romanceمرات الخلل بينه نتاذه من نفسنه من خطواتنه الخطيناها بدون حساب الخلل يكون من عدنه مو من احد ثاني لازم نحاسب نفسنه قبل لا نحاسب الغير ما حلل احد ياخذ قصصي بدون ذكر اسمي (ذمه)
