للكاتبه: ود الباشا
حبايبي اعتذر اتاخرت عليكم اليوم
والبارت جان قصير بس هذه الاكدر عليه والله واروح فدوه لكلامكم الحلو مثلكم وهذه بارت لعيونكم الحلوه وغلسو علئ السحگات ❤🌺
گولوله 😔
بـخير وأشـتم #الهـوى
ومــآحب بعد بس #روحي
مشـگور لآتـسأل #عـلي
داويــت ڰـل #جـروحي 💔.
ايلاف: مستحييل اربط نفسي برجال وعائله
الحجيه: مو بكيفج انطيتج خبر تحضرين نفسج مو اكثر
ايلاف: اني كلامي مو وياج اعرف بيج تكرهيني ومتحبيلي الخير وبعدين اذا هلكد خوش ولد وبعده عزابي زوجي وحده من حفيداتج
اني مطلگه مافيده
عفتها وكمت وبقيت تحجي عليه ماهتميت رحت لغرفه جدو دگيت الباب ودخلت شفته نايم كعدت يمه وبقيت ابجي
مو كافي الشفته تعبت مداكدر اتحمل اكثر يجي يوم واخلص من كل هل اذيه وارتاح
ماكدر احجي شي ضغطه صاعد واخاف يصير بي شي مسحت دموعي وطلعت
صارت بوجهي ام يوسف
ام يوسف: وافقي علئ ضياء وخلصينه من شرج الله ياخذج ونخلص منج طلعتيلنه تالي وكت وحرگتي البيت
ايلاف: ردت احجي وصار يوسف كدامي عفتهم وصعدت فوك
قفلت الباب وكعدت اشهك من البجي ليش حياتي نگلبت 180 درجه لو جنت سامعه كلام ماما وعايفه سالفه الشغل جان مصار كل هذه مجان شفت قيس ولا ياسر وعمي هيج سوو بيه ولا طلعولي هل ناس تالي وكت عساس همه اهلي
كله بسببي استااهل الخلل بيه اني من البدايه سويت البراسي وئذيت ماما ومسمعت كلامها تالي وگعت بحفره مداكدر اطلع منها
بقيت للعصر بلغرفه مره احجي ويا نفسي ومره افتر مثل المخبله علما اندگ الباب
ياسمين: ايلاف فتحي الباب
ايلاف: فتحت الباب ورحت كعدت
ياسمين: ليش هيج تائذين نفسج
شوفي عيونج وحالج
ايلاف سمعتي بيبيتج شدكوول تريدني اتزوج ضياء
ومسويتها منيه عليه عبالك كاتله نفسي عليه دگلي هوه عزابي وانتي مطلگه
ياسمين: ايلاف حبوبتي تريد مصلحتج
ايلاف: شنوو مصلحتي يم هل ناس فهميني اني البارحه مو تعاركت ويا عمج مو يكولي تربيه شوارع شون هسه يري ابنه يتزوج وحده تربيه شوارع
ياسمين: لا حبيبتي حشاج لا تحجين هيج
ايلاف: هاي الحقيقه يااسمين انتو ماخذيني بلعين الصغيره
وعمركم مراح تحسبووني وحده منكم
وحتئ جدوو هل عمر هذه كله مسئل عليه بس من وكع بلفراش رادني وجابني اهنا بس حتئ يريح ضميره
صدكيني محد ميت عليه كلها تريد مصلحتها
وانييي تعبببت مداتحملل اكثر والله تعبت
محد يحس بيه
شنووو ذنبي بكل الصار بس فهميني اني گلت الماما تشرد ويا بابا لو اني كتلهم يعوفوني يم الناس الغريبه ويرحون وبعد ميرجعون لو ماخذيني ويااهم ودافنيني وياهم مو احسن من كل هل عذذابب والله مو ذنبي كل الصار والله ارحموووووو بحاااالي اني هم حالي من حالكم بششر الشفته بحيااااتي مو قليل
فقدت بقيت احجي واشهگ وياسمين تبجي وياي اجتي حضنتني
أنت تقرأ
الخلل بيه
Romanceمرات الخلل بينه نتاذه من نفسنه من خطواتنه الخطيناها بدون حساب الخلل يكون من عدنه مو من احد ثاني لازم نحاسب نفسنه قبل لا نحاسب الغير ما حلل احد ياخذ قصصي بدون ذكر اسمي (ذمه)
