للكاتبه: ود الباشا
الـكـل يـطـالـبـك أن تـقـاوم ،
ولـكـن لا أحـد يـعـرف كـم تـعـانـي ~💔
ايلاف: واذا خايفه شراح تسوي گضيت عمري كله خوف بخوف
قيس: اوووف ايلاف متعرفين البداخلي شنو
احجيلي شون شردتي من البيت شوداج الربيل
ايلاف: ياسر راد يجبرني اتزوجه
سمعته اتنهد بصوت
قيس: بس هذه مو سبب تشردين مخفتي من الدنيا كلشي بيها
ايلاف: شلوون مو سبب كاافي انت تعرف ياسر مميت عليه يريد يذلني من هوه صغير يكرهني واكثر شي يريد يتزوجني خاطر يكدر ياخذ بيت بابا من عدنا
قيس: شسويتي وحدج بنص ناس غربه
ايلاف: اسبوعين بقيت ابغداد بعدين رحت الاربيل
قيس: يم منو بقيتي ابغداد
ايلاف: خالة وخال رسل جانو اهنا ابغداد بقيت يمهم وراها رحت وياهم همه مقصرو وياي
قيس: ليش ماجيتي يمي ليش ماخابرتيني
ايلاف: مرات هواي ردت اتصل بيك
وهواي احتاجيتك بوقتها بس اكو شي بداخلي مقبل يمكن كرامتي مقبلت تتنازلك بعد كل السويته بيه
قيس: ايلاف اني مسويت شي ياذيج
انتي بعينج شفتي الوالده وصحتها مكدرت اكعد واتناقش وياها وهيه صحتها متسمحلها
ان شالله اعوضج. وتنسين كلشي بلايام الجايه
ايلاف: مطلبت منك تبررلي
واني باقيه وياك ايام بس علما تخلص هل مشاكل مستحيل نرجع مثل قبل
قيس: متقصده تحرگين بدمي
خليها ابالج يمكن تحصلين نجوم السما بيوم بس مستحيل يجي واعوفج
ايلاف : حجيت هل حجي هوواي من قبل وشسويت تخليت عني ووعشت حياتك مستحيل يجي يوم واصدك بكلامك انت كسرت ثقتي بيك
قيس: ان شالله الايام الجايه هيه التثبتلج
ايلاف: الله كريم منعرف الايام شضامتلنه
قيس: انتي تدرين بيوم الشفتج بلمطعم شصار بيه ولج براكين الدنيا كلها صارت بصدري
تدرين شحسييت من كال خطيبتي
حسيت الهوه ميطلع من ريتي الدنيا صارت سوده بوجهي لو جنت باقي بس دقيقتين جان دفنته بمكانه
اسبوع بقيت اسئل عليه يلا عرفت هوه خاطب وعلئ ابواب زواج
ومو انتي خطيبته اهنا ماي بارد نزل علگلبي
بنفس اليوم اجيت كتلج رجعي وياي البغداد بس انتي كلعاده مترتاحين اذا متعاندين
جان عندي واجب نزلت لبغداد وره يومين امج خابرتني وكلتلي الحگ علييها راح يموتوها تدرين شصار بحالي ولج درربي گمت ماندله شون وصلتلج ماعرف جنت خايف لا ياذيج
ايلاف: يعني مو انت الدليتهم علئ مكاني
قيس: من كل عقلج؟
أنت تقرأ
الخلل بيه
Romanceمرات الخلل بينه نتاذه من نفسنه من خطواتنه الخطيناها بدون حساب الخلل يكون من عدنه مو من احد ثاني لازم نحاسب نفسنه قبل لا نحاسب الغير ما حلل احد ياخذ قصصي بدون ذكر اسمي (ذمه)
