دخان بقلم /لولو_محمد (كامله)

الحلقه الاولى

#lolo #لولو_محمد
((((((دخان))))))
الحلقة الاولى

فى حاره فقيره فى بيت عادى
بنت / انا نازله يا ماما عندى درس مش هتاخر
راجل / انا مش عارف دروس ايه اللى متاخر كدا
البنت/ متاخر ايه يا بابا دا الساعه سته و نص لسه
راجل / و انتى يا ست ليلى لما تنزلى مالبيت ٦،٥ ترجعى امتى ان شاء الله
ست/ خلاص بقى يابو ليلى مهو كلو عشان مستقبلها و احنا فى فتره المراجعه
راجل / متتاخريش عاوزه فلوس
ليلى/ شكرا مع السلامه انا
......
قدام الدرس
ليلى واقفه فى الشارع و عربيه فيها شاب تيجى  قدامها
ليلى / اقسم بالله لو كنت اتاخرت خمس دقايق كمان كنت دخلت الدرس
الشاب / و اهون عليكى برده
ليلى / بص يا ياسر انا قولتلك ميت مره انى مبحبش اقف فى الشارع بتعاكس يا اخى
ياسر / معزورين يا لولى مهو محدش يقدر يشوف الجمال ده كلو و يقف ساكت
ليلى /بقى كدا
ياسر/ بهزر معاكى يا لوللتى ها تحبى تروحى فين
ليلى / اى حته معاك جنه
ياسر  /و انا بقى مش هيجى يوم و ادخل الجنه
ليلى/ اتجدعن انت التاخير من عندك
ياسر / ماما ترجع من بره بس و هاجى اطلبك علاطول
........
فى كافيه
ليلى / انا خلاص معدش فى حجج اخرج بيها مالبيت التلت ساعات اللى بهرب بيهم بحجه درس المراجعه مش هيطولوا
ياسر / طب اعمل ايه
ليلى / انت يتحبنى بجد يا ياسر
ياسر / و غلاوه ليلى عندى بحبك
ليلى تنكسف و تليفون ياسر يرن
ليلى/ مين
ياسر / احمد اخويا الكبير..... الو ... ازيك يا معلم ....
ياسر بغضب /لا والله فرحتلها اوى .... هى مش هتتهد بقى الوليه دى ..،.. و دا بقى العريس رقم كام .... بلا عيب بلا قرف .... تلاقيه عيل زى بتاع المره اللى فاتت غير السيره ....،انت فين.... نبطشيه .... يا عينى لا يا عم دانا فى الجنه هنا ..... نق نق سلام بقى نكدت عليا ربنا ينكد عليك
ليلى / خير فى ايه
ياسر / متشغليش بالك
ليلى/ شوف انا اعرفك بقالى اد ايه اول مره اعرف ان ليك اخ
ياسر / اه دكتور بس واد ابن لذينه دوده كتب
ليلى / ربنا يوفقه بس انت ليه مبتحكيش عنه خالص
ياسر / هو له حياته و انا حياتى و اصلا مبنتكلمش و لا بنشوف بعض غير فى المناسبات السعيده زى المكالمه دى كدا ههههههه
ليلى / انا كدا هتاخر يادوب اروح
ياسر / لا انا التلت ساعات دول مينفعوش مبلحقش اشبع
ليلى / معلش هانت
ياسر / على رايك هانت
.........
فى كافيه تانى شله شباب و ياسر يدخل عليهم
واحد/ ملك الحركات يا معلم
ياسر / هههههه اهو نقك ده اللى جايبنى ورا
واحد تانى  / متقولش انه لسه محصلش
ياسر / يحصل و لا ميحصلش اخرها الاسبوع الجاى
الاول / انت خلاص مسافر
ياسر / امال اقعد فى ام البلد الفقر دى اسوى ايه
الاول / يا بختك يا عم لندن و بنات لندن
التانى/ دانت هتخربها
ياسر / هههههههههه يلهوى دانا مش هعتق حد
الاول /هههههههههه يا بختك يا معلم
التانى / احسن يا عم اهو يخلالنا الجو مع بنات مصر
ياسر / ههههههه الباقى منهم
الاول /هههههههه على رايك المهم خلصت ورقك
ياسر / اه السفر السبت الجاى بالليل
التانى / و الحته هتسيبها كدا منغير متظبط الاداء
ياسر / عيب عليك و غلاوتك مهسافر و لا اخطى ارض المطار غير و هى متعلم عليها 
الاول / يا ياسر يا معلم ههههههههه
ياسر/ متطلبولى حجر اعدل دماغى
............
فى البيت
الست/ اتاخرتى ليه يا ليلى ابوكى على اخره جوه
ليلى/ متاخرتش يا ماما الساعة ١١  يادوب السكه
الراجل / من سته و نص لحداشر فى درس ليه يعنى
ليلى / يا بابا الدرس بيبدا الساعه ٧ و بيخلص ١٠ على مسلمت على صحباتى و جيت متاخرتش
الست/ اهدى يا محمد البت راجعه تعبانه
محمد/ الناس تقول ايه لما تشوفها مروحه الساعه ١١يا نجاح
نجاح/ مكل البنات كدا و الدروس و بعدين هى الثانويه العامه دى شويه
محمد/ خلاص بعد كدا انا هروح اخدها مالدرس بنفسى انا هوديكى كل يوم بنفسى و اجيبك و اهو بالمره اطمن على مستواكى من الاستاذ
ليلى / يا بابا ملوش لزوم دانا اتاخرت نص ساعه بس عن كل يوم
محمد/ خشى اتعشى و زاكرى و لا نامى انا خلاص قررت
........
ليلى تدخل اوضتها
تغير و تمسك الموبايل و تفتح الواتس  الحوار
ليلى / اللحق يا ياسر
ياسر / خير فى ايه
ليلى / بابا زعل انى اتاخرت و قرر يودينى ويجيبنى الدرس و كمان عاوز يسال المستر ان كنت بروح و لا لا
ياسر / للدرجادى
ليلى / هعمل ايه بابا لو عرف ان انا بتكلم معاك هيموتنى داحنا صعايده
ياسر / متخافيش يا بنتى انت هتصرف
ليلى / ازاى بس
ياسر / تدفعى كام لو خلصتلك الليله
ليلى / بطل غلاسه اعصابى بايظه
نجاح تدخل  و ليلى تقفل الموبايل بسرعه
نجاح / كدا يا ليلى قاعده تلعبى فى الموبايل و انا اللى فاكراكى بتزاكرى
ليلى / لا دانا بترجم كلمه
نجاح/ يا بنتى انا مش بخنقك بس الامتحانات قربت اتعبى شويه وارتاحى بعدين يا بنتى داحنا معندناش غيرك ارفعى راسنا يا ليلى
ليلى / ان شاء الله يا ماما
نجاح/ تعرفى انا بحبك اوى و كل محط راسى عالمخده بعد اتخيلك حاجه كبيره بشوفك دكتوره و لا صيدلانيه و بينادوا عليكى و انتى لابسه البلطوا الكحلى و الطقيه دى بتاعه التخرج و بيكرموكى و انا اقول للناس اللى قاعدين حوليا البت دى بنتى
ليلى/ ان شاء الله يا ماما هرفع راسك
نجاح / متزعليش من ابوكى انه شديد شويه معاكى
ليلى/ هو ليه مبيثقش فيا كدا
نجاح/ لا يا بنتى هو بيثق فيكى هو بس خايف اديكى شايفه الناس وحشين ازاى و الاخبار كل يوم حاله تحرش و حاله اغتصاب و انتى حلوه و فيكى الطمع
ليلى / يا ماما مانا كل يوم بروح و باجى لوحدى و فى بنات فى حارتنا بيروحوا متاخر عنى كمان و اهاليهم مبيعملوش معاهم كدا هو بس اللى مش قادر ينسى انه كان نفسه فولد
نجاح/ ايه الكلام ده يا ليلى
ليلى / متنكريش انه زعلان انه مخلفش ولاد
نجاح / يا بنتى الحاجات دى بايد ربنا
ليلى / قوليله هو و بعدين بكره ربنا يكرمه بالواد اللى نفسه فيه جوزى
نجاح/ ربنا يرزقك بابن الحلال اللى يصونك و يحاجى عليكى
ليلى /تعرفى يا ماما حتى المسكين اللى هيتجوزنى بابا هيعامله وحش حتى عيالى هيعاملهم وحش
نجاح/ بس يا ليلى بطلى هبل
ليلى  / عارفه ليه عشان مش هيشيلو اسمه
نجاح/ بقولك ايه قومى اتعشى عشان تزاكرى متاخدينيش فى دوكه
..........
عالقهوه
الاول/ يسوادك يا قرمط كدا المزه طارت و لا ايه
ياسر / طارت ايه فال الله و لا فالك دى حفله الوداع بتاعه مصر يرضيك اهاجر مالبلد كدا سكيتى منغير تحيه
الثانى / هههههههههه طب هتعمل ايه يا معلم
ياسر / هتشوفوا بكره هفاجائكم دانا ياسر يابنى
الثانى / صحيح يا ويسو انت قولت لاخوك انك مسافر
ياسر / احمد دا ملكوت لوحده طول الوقت حاشر نفسه فى الكتب و المزاكره و المستشفى و العيانين و حتى فى وقت الفراغ يطلع مع الجمعيات الخيريه قوافل طبيه يكشف عالناس ببلاش
الاول / ههههههههههه امال انت طالع صايع لمين
ياسر  / ياعم مالى انا و مال الملل ده و بعدين ادرس فى مصر فى تعليمها الفاشل ليه مدام ممكن ازاكر بره دا حتى المقررات بره زى الفل ههههههههههه
الثانى / على قولك بس برده مقولتش
ياسر/ لحد النهرده ميعرفش لو شفته من هنا لحد السفر هبقى اقوله مشوفتوش خلاص يبقى يعرف لما اسافر
الاول/ مش عارف مين هياخد باله مننا لما تسافر
ياسر/ قصدك يصرف عليكوا ههههههههه هى السهره هتفضل ناشفه و لا  ايه متشوفولنا حاجه تطريها
الاول/ متتصل بالبت زيزى
ياسر/ عندك موكنه
الثانى / ليه و البيت عندك مالو
ياسر/ لا الخدامين يعملولى فيلم و يقولو لاحمد و يعد يصدع نفوخى و بعدين العط لازم يكون فى الدرا
التانى / خلاص نروح للست ارواح تظبطنا كيف و نسوان
ياسر / هههههههه قشطه على اروح رايحين عطيطه بالملايين ههههههههه
...............
تانى يوم فى الدرس
ليلى تدخل مع باباها تلاقى واحد يخبط فكتفها طالع من السنتر
الشاب / اسف حقك عليا
ترفع عينها تلاقيه ياسر يغمزلها  و يمشى
محمد للسكرتيره/ هو الاستاذ موجود
السكرتيره/ ايه يا ليلى متاخره ليه النهرده ادخلى بسرعه الحصه بدات .... مين حضرتك
محمد/ انا والد ليلى كنت عاوز اشوف الاستاذ
السكرتيره/ انا اسفه بس تعليمات المستر ان مفيش اى حاجه تخرجه من الحصه دى فتره مراجعه ولازم يركز بس لو حضرتك عاوز حاجه ممكن تبلغنى و انا اقوله
محمد/ كنت عاوز اطمن على ليلى
السكرتيره / ليلى دى ممتازه بسم الله ما شاء الله دا دفتر الغياب مبتفوتش حصه و دايما عامله الواجب و درجاتها عاليه
محمد/ طمنتينى الله يطمن قلبك هى الحصه هتخلص امتى
السكرتيره / على ١٠ حضرتك
محمد/ ماشى بالاذن انا و ابقى اجى اخدها لما الحصه تخلص
السكرتيره/ مع السلامه
...........
بعد الدرس
محمد/ ياله يا ليلى نروح
ليلى/ ماشى يا بابا
تبص عالناحيه التانيه مالشارع تلاقى ياسر قاعد عالكبوت العربيه بياكل ايسكريم
تبتسمله و تمشى مع باباها