دخان بقلم /لولو_محمد (كامله)

الحلقه ٢٥

#لولو_محمد #lolo
((((((دخان))))))
الحلقة الخامسة و العشرون

ليلى/ انت بتحبنى يا احمد بجد
احمد/ طبعا
ليلى /خلاص خليك جنبى و متسيبنيش بلاش اخسر ابنى و جوزى فيوم واحد
احمد/ بس انا عاوز اعرف نعمه جت قالتلك ايه بالظبط
ليلى/ قالتلى انك اتخانقت مع ياسر
.........
احمد/ بس
ليلى/ و طلبت منى فلوس و الا هتوقع بينا
احمد/ مقالتلكيش كنا بنتخانق ليه انا و ياسر
ليلى / انت مش عاوز تقولى
احمد/ غيرى السيره
ليلى/ على عينى اشوفك كدا
احمد/ ياسر هيرجع لندن
ليلى/ و ياسمين هيسيبها
احمد/ دى مشكلته هو متشغليش انتى بالك
ليلى / بتحبنى يا احمد
احمد/ ايه السؤال ده
ليلى/ ايه الاجابه دى
احمد. / انتى مش عارفه يعنى اد ايه بحبك
ليلى/ من امتى بتبخل عليا انك تقولها
احمد/ انا لسه قايلهالك من شويه
ليلى / ماشى بس انا بحبك
احمد/ و انا كمان نامى بقى
احمد يروح عالكنبه و ينام
ليلى بصوت مخنوق / تصبح على خير
احمد ميردش و شويه
احمد/ نعمه طلبت منك فلوس
ليلى مبتردش
احمد/ انتى نمتى
ليلى/ لا
احمد/ مبترديش ليه
ليلى / طلبت تلت الشركه
احمد / ليه بقى ان شاء الله
ليلى/ لما تشوفها ابقى اسالها انا عاوزه انام
ليلى تضير
احمد/ تصبحى على خير
ليلى/ و انت من اهله
شويه احمد يقوم يبوس راسها
احمد/ انا اسف اتوترت استاخرى
ليلى تستاخر و احمد ينام جنبها و يتغطى
احمد/ طول السنين اللى فاتت مكنليش غيرك مش عاوز اخسرك مقدرش اخسرك
ليلى/ عمرك مهتخسرنى اطمن و نام
احمد / بتحبينى يا ليلى
ليلى تضيرله / طبعا بحبك
احمد / ممكن تسامحينى على اى حاجه اى كانت
ليلى/ اوعى تكون خنتنى
احمد  / ههههههههههههه
ليلى/ بتدحك ليه
احمد/ هو ده اقصى خوفك انى اخونك
ليلى/ ممكن تسامحنى لو خنتك
احمد/ ا تكسبى
ليلى/ حتى لو سامحتك اكيد الثقه هتتهز
احمد/ انتى واثقه فيا
ليلى/ انا ائمنك على حياتى
احمد/ طب لو عرفتى انى خبيت عنك حاجه خطيره ممكن تغير حياتك هتسامحينى
ليلى/ الحاجه دى هتغير حياتى لاحسن و لا الاسوء
احمد/ مش عارف
ليلى / انت ممكن تسامحنى لو عرفت انى كدبت عليك
احمد/ كلنا بنكدب بس
ليلى/ احيانا بنضطر نكدب عشان نعيش و مبنقدرش نواجه الناس بالحقيقه و نتمنى انها لو كانت حقيقه و ساعات بنصدقها و نعيش فيها
احمد/ مش فاهم
ليلى بتعيط/ خوفك من انك تخسر الناس اللى حواليك بيخليك تستمر فى الكدب بس اكيد فيوم الحقيقه هتبان
احمد/ بتعيطى ليه يا ليلى
ليلى/ صحيح هتعيش عمرك كلو خايف ماللحظه دى خايف لما يعرفوا الحقيقه ياترى هيسامحوك و لا هيخاصموك و لا هيسيبوك
احمد/ انا مش فاهم بس اللى بيحبك عمره مهيسيبك
ليلى/ و انت بتحبنى يا احمد
احمد/ طبعا
ليلى بحرقه / عمرك مهتسيبنى انا محتاجاك دلوقت اكتر من اى وقت فات
احمد  يحضنها / انتى بتعيطى ليه كدا بس اهدى
ليلى/ انا بحبك اوى و غلاوه هانيا بحبك و غلاوتك عندى بحبك
احمد/ بس يا ليلى كفايه عياط مالك فى ايه
ليلى تمسح دموعها / خلاص خلاص انا شكلى مش طبيعيه يمكن عشان المود او معرفش نام بقى نام
ليلى تضير و احمد باصصلها و مسهم
.........
تانى يوم فى الشركه
ياسمين/ الشركه صرفت مرتب شهر كامل بمناسبه نجاه ليلى و تقريبا كل الموظفين بعتولها ورد عالبيت
ياسر ساكت
ياسمين / مالك يابنى مسهم ليه
ياسر/ مخنوق و بفكر اسافر و ارجع لندن
ياسمين/ و ماله مع السلامه عن اذنك
ياسر/ ياسمين
ياسمين/ نعم حضرتك
ياسر / مش ناقصك انتى كمان
ياسمين / و مين فينا ناقصك متبص حواليك كل الناس تعبانه بسببك و اخرتها عاوز تهرب تانى
ياسر/ عوزانى افضل لحد امتى كفايه اوى اللى حصل بسبب رجوعى
ياسمين/ دا قرارك يعنى ماشى ربنا يوفقك
ياسر/ انا مش عاوز اسافر منغيرك
ياسمين/ و انا مش جبانه عشان اسيب ليلى لوحدها فى الظروف دى و اهرب معاك
ياسر/ وجودك هيفيدها فايه ليلى كانت زى الفل لحد مانا رجعت
ياسمين/ لو مكنتش رجعت كنا هنفضل فى نار انتقامنا منك و كانت هتفضل نعمه مسيطره على البيت و يمكن كانت كل حاجه انكشفت برده و انت بعيد و مكنتش اتصالحت مع ولدتك و لا معايا
ياسر/ و مكنتش خسرت اخويا يا ياسمين
ياسمين/ طب لو انت  زعلان اوى كدا انك خسرته هتستسلم بسهوله ليه و تهرب
ياسر/ عشان خايف
ياسمين/ انا مش هسافر يا ياسر لو بتحبنى حارب عشان تصلح اللى انكسر بسببك صالح اخوك و راضيه رجع البسمه اللى راحت من بيتكم
ياسر/ ازاى
ياسمين/ معرفش فكر
ياسر/ تفتكرى اكلمه
ياسمين / جرب تروحله احسن
ياسر/ خايف
ياسمين/ دا اخوك عمره مهياذيك
ياسر /طيب بقولك ايه كلمى ليلى شوفى هو فين
........
فى المستشفى
نجاح تدخل و معاها هانيا
احمد/ انا هنزل اشوف شغلى بقى
ليلى/ بس انت معكش موبايل اوصلك ازاى
احمد/ متقلقيش انا هروح البيت اجيب الموبايل الاول
ليلى/ ابقى طمنى عليك
احمد/ سلام يا حبيبه بابا اجيبلك حاجه معايا و انا جاى
هانيا/ هاتلى شوكليت
احمد / اسمعى كلام ماما و انا اجيبلك يلا سلام يا ماما
نجاح/ سلام يا حبيبى
تليفون ليلى يرن / ايوه يا ياسمين ..... لسه ماشى ....راح الفيلا هيجيب موبايله ..... بلاش يا ياسمين هو حالته زفت ... خلاص اللى تشوفوه ربنا يستر .....يلا سلام
نجاح/ فى ايه خير
ليلى/ مفيش حاجه يا ماما احنا كويسين طمنينى هانيا عملت حاجه معاكى امبارح
نجاح/ دى نسمه
ليلى / طب الحمد لله
احلام تفتح الباب / ممكن ادخل
ليلى/ اتفضلى يا دكتوره احلام
احلام/ انتى هتحطى بينا اللقاب و لا ايه
ليلى/ لا ازاى و دى تيجى
احلام/ امال دكتور احمد فين
ليلى/ كنت فكراكى جيالى
احلام/ طبعا انا بس قلقت لما ملقتهوش
ليلى/ و تقلقى ليه
احلام/ مش مهم خلاص المهم انتى عامله ايه
ليلى/ كويسه الحمد لله اتفضلى اقعدى
احلام / لا مره تانيه عشان مفيش وقت
ليلى/ لو كنتى جايه للدكتور احمد تقدرى تكلميه عالموبايل هو راح يجيبه و لوكنتى جايه ليا فتقدرى تيجى فاى وقت
احلام/ عن اذنك
ليلى/ اتفضلى
نجاح/ مين دى
ليلى/ دى زميله احمد هنا بس مش قادره ابلعها
نجاح/ متحطيهاش فى دماغك
ليلى / مش عارفه اخرجها منها يا ماما
.......
فى البيت
ندى / احمد حبيبى ازيك
احمد/ كويس يا ماما الحمد لله
ندى/ عملت ايه امبارح
احمد/ خلص الحمد لله
ندى/ اخوك يا احمد
احمد/ الله يرحمه عن اذنك اجيب موبايلى عشان ورايا شغل
ندى / انا هرجع دبى
احمد/ بتلويلى دراعى ولا ايه ياما اقبل الحيوان ده فحياتى ياما تسيبينى
ندى  /دا ابنى زيك بالظبط
احمد/ بجد والله روحى اطمنى على ليلى قبل متسافرى و قوليلها هتسافرى ليه
ندى/ طب متقولها انت هتتخانق مع اخوك ليه
احمد/ و انا ادفع تمن اخطاء غيرى ليه
ندى / مانت دفعت لما قررت تتجوز ليلى مالاول
احمد/ بس مكنش اخويا المجرم
ندى/و تاب
احمد / ازاى بتطلبى منى اسامحه على حاجه زى دى
ندى / زى مسامحتنى و زى مبتسامح الكل
احمد/ دى مراتى
ندى/ مكنتش مراتك و لو فكرت فلحظه انها لو كانت ماتت مكنش مخلوق عرف حاجه و مكنتش انت و اخوك هتتخانقوا قضى اخف من قضى اهو على الاقل ليلى عايشه
احمد / صح بدل مكان مغتصب كان هيبقى قاتل فعلا قضى اخف من قضى
ندى / عشان خاطرى ياحمد اتقى الله و فكر فيا امك
احمد / حاضر هتقى ربنا عن اذنك بقى عشان متاخرش على الشغل
احمد يطلع فوق يبص فى الطرقه ميلاقيش الموبايل
احمد/ هو وقع منى فين ده
احمد يبص عالهول / ماما ممكن ترنى على موبايلى اما اشوف وقع فين
ندى / حاضر
تليفون احمد يرن
احمد يروح اوضه ياسر يلاقيه واقع جنب الدولاب
احمد/ خمسه و تلاتين مسد يا خبر
احمد يطلع مالاوضه و ينزل تحت يلاقى ياسر قدامه
.......