دخان بقلم /لولو_محمد (كامله)

الحلقه ٥

#lolo #لولو_محمد
((((((دخان))))))
الحلقه الخامسه

احمد/ نعمه يا نعمه
نعمه/ ايوه يا سى احمد
احمد/ ليلى هانم نايمه ساعه كدا و خبطى عليها من بره متخشيش عشان بتدايق
نعمه / امرك يا احمد بيه
........
بعد شويه
ليلى/ نعمه النسكافيه بتاعى
شويه و تيجى نعمه بالنسكافيه
نعمه/ النسكافيه يا ست ليلى
ليلى/ مش قولنا الالقاب دى قدام الناس
نعمه/ مانا بخاف لسانى ياخد عليها و اعك
ليلى/ عكى كلنا بنعك ههههههه عندى صداع فظيع مش طايقه دماغى
نعمه/ سلامتك يا ست البنات
ليلى/ حد اتصل بيا
نعمه/ اه اميره مهيب
ليلى/ دى اللى هتنظم عيد ميلاد هانيا
نعمه/ كل سنه و هى طيبه انا خت رقمها و قولتلها ان حضرتك هتكلميها لما تصحى
ليلى / طب هاتيلى الموبايل
نعمه / حاضر
نعمه تجيب الموبايل
ليلى/ رف الصور مترب معلش نضفيه يا نعمه
نعمه توقع صوره ياسر تتكسر
ليلى/ معقول يا نعمه
نعمه/ معلش يا ليلى انتى عارفه انا بتلبش ازاى لما بشوف صورته
ليلى/ عدى سنين عالكلام ده
نعمه/ والله مبقيتش بعرف انام غير من ساعه مسافر مكنش سايبنى فحالى
ليلى/ خلاص  احنا اتكلمنا فى الموضوع ده و خلاص روحى هاتى برواز تانى حطى فيه الصوره و ارمى ده يلا على متكلم فى الموبايل
........
فى البيت
ليلى / حمدالله عالسلامه يا حبيبى
احمد/ ها يا قلبى زاكرتى
ليلى /ابدا بقالى ساعتين فى التليفون مع اميره بنتفق على تفاصيل عيد ميلاد هانيا
احمد/ مش عارف انتى غيرتى الناس بتوع كل سنه ليه
ليلى / زهقت عاوزه دم جديد و بعدين عيد ميلاد هانيا السنادى غير
احمد/ كل ده عشان ياسر هيحضره
ليلى/ دى اول مره يشوفنى انا و هانيا  لازم نبان فى احسن صوره
احمد/ على الله بس يصدق و يجى
ليلى/ طب يبقى ميجيش
احمد/ هتعملى ايه هتروحيله لندن
ليلى /انت عارف كويس انى عمرى مهروح لندن عشان ميشوفناش هناك هو لازم يجى هنا و يشوفنى
احمد. / انا كنت فاكرك هتكبرى عالموضوع ده بس من الواضح ان الموضوع بيكبر معاكى
ليلى /هههههههههههه استحملنى
احمد/ بقولك ايه انا يادوب اتغدى عشان فى عمليتين فى المستشفى
ليلى/ حتى يوم الجمعه
احمد/ يا حبيبتى انتى عارفه ظروف شغلى
ليلى/ بس انت واحشنى اوى
احمد / هخلص بدرى بدرى و الليل كلو بتاعك بس على الله تنيمى هانيا
ليلى / ههههههههه بس بقى حد يسمعنا
........

يوم العيد ميلاد
احمد/ انا هروح استقبل ياسر فى المطار
ليلى / انا عندى معاد عند الكوافير عشان اظبط شعرى خد هانيا معاك
احمد/ ماشى
تحت
ليلى/ بقولك ايه يا اميره انا رايحه الكوافير عاوزه ارجع الاقى كلو تمام
اميره/ متقلقيش يا ليلى هانم كلو هيبقى تمام
........
فى المطار
احمد/ عموا ياسر هناك اهو اجرى عليه
هانيا تجرى على ياسر و هو يقف و يستغرب و اول متقرب تنط تتشعلق فرقبته
ياسر / انتى مين يا شاطره
هانيا / متقوليش يا شاطره اسمى هانيا
احمد  / ايه مالك متفاجئ كدا ليه
ياسر / بنتك دى يا احمد
احمد/ ياعم دانا قولت انك هتعرف اول متشوفها دى شبهك بالحته مش عارف حظها المنيل ده مطلعتش شبه امها ليه
ياسر / اهو امها دى اللى هموت وا شوفها ايه ياعم لعب العيال و القمص ده
احمد  / هههههههههه لا دا هى عيله اوى اركب اركب
ياسر / خمس سنين يا مفترى متبعتليش صوره واحده
احمد. / مانا كنت بكلمك كام
ياسر / و اه تكلمنى و سامع صوت شبح واقف جنبك
احمد/ يا سيدى ادينا هنروح و تشوفها
ياسر / صحيح يا معلم انت قولتلى انك اتعرفت عليها فى المستشفى و بعدين قولتلى انها عندها امتحانات هى  زيك دوده كتب و لا ايه
احمد./ دى مبتكرهش فحياتها اد المزاكره هى لسه فى الكليه اخر سنه بكالوريوس تجاره
ياسر / يا راجل شوف كل ده و انا فاكرها زميلتك فى المستشفى
هانيا/ لا يا عموا بابا كان بيعالج ماما
ياسر /  يا سيدى يا سيدى
احمد/ ليلى اتعرضت لحادثه و فقدت الزاكره و انا كنت نبطشى يوميها
ياسر /  لا اله الا الله  حادثه ايه دى
احمد  / بعدين رويتر موجود
ياسر / اه اسف
......
فى البيت
اميره/ اهلا يا احمد بيه
احمد/ امال ليلى هانم فين
اميره / لسه مجتش
نعمه/ الغدى جاهز يا احمد بيه
ياسر / كبرتى يا نعمه معرفتكيش
نعمه/ شكرا عن اذنكم
ياسر/ هى لسه زعلانه منى و لا ايه
احمد  / لما تاكل ابقى صالحها يلا عشان الناس زمانهم جايين
ياسر / ماشى
يقعدوا عالسفره
احمد/ اهى ليلى جت هناك اهو
ليلى تقف ورا كرسى ياسر
ليلى/ تاكلوا منغيرى يا خونه اخص عليكوا
احمد / تعالى يلا اقعدى عشان مش هتلاقى حاجه
ليلى تروح تعد فى الكرسى قدام ياسر و تقلع النضاره ياسر يشرق
ليلى/ ايه شوفت عفريت عن اذنكم
احمد/ استنى يا ليلى استنى .... نشنت يا فالح
احمد و ليلى يطلعوا اوضتهم
ياسر / دى ماما
هانيا/ اه
ياسر  / بابا قال انها كانت فقدت الزاكره
هانيا/ اه  ماما بتقول ان اول حاجه فكراها هى بابا
.......
فى اوضه  احمد
ليلى/ شوفت و كنت عاوز تبعتله صورتى
احمد / ليه سوء الظن بس ميمكن شرق فعلا
الباب يخبط
ليلى تفتح تلاقى ياسر / نعم
ياسر يبصلها و يسكت
احمد  / اهدى بقى يا لولى كان سوء فهم
ياسر / هو ايه اللى حصل
احمد/ ليلى فكره انك شرقت عشان هى وحشه
ياسر  / ليه مش العكس
ياسر يحاول يدخل الاوضه احمد يمنعه
احمد. /تعال يابنى لحد متهدى شويه
.....
احمد/ متزعلش منى ليلى غريبه شويه اوضتنا مبتسمحش لاى حد يخشها انا و هى و هانيا و بس حتى بتنضفها بنفسها بتقول ان ده عالمنا الخاص
ياسر / مفيش مشكله انت دلعتها بايه جوه
احمد/ لولى هى بتحب الاسم ده اوى
ياسر / انت متاكد انها فاقده الزاكره
احمد/ ايه انت بتشبه عليها و لا ايه
ياسر / لا خالص بس اصل
نعمه  / احمد  بيه اميره عاوزه حضرتك
احمد/ روح غير هدومك انا هنزل اشوف فى ايه
ياسر  /نعمه
نعمه/ ايوه يا ياسر بيه
ياسر  / انا عارف انى عملت حاجات تدايق و انا صغير  انا بعتزر عنها انا اتغيرت
نعمه/ اللى فات مات يا بيه عن اذنك

......
فى اوضه ياسر الباب يخبط
ياسر يفتح يلاقى ليلى
ياسر / ليلى
ليلى/ انا جايه اعتزر انى كنت مافوره
ياسر / لا ولا يهمك اتفضلى
ليلى تدخل خطوتين / تعرف ان من يوم متجوزت دى تانى مره ادخل الاوضه دى
ياسر  يرتبك/ و المره الاولى امتى
ليلى / مع نعمه بنوضبها عشان انت جاى
ياسر / تعبتك
ليلى/ معرفش ان كان احمد قالك و لا لا بس دى كوستوم بارتى لو معندكش حاجه تلبسها قولى اوك
ياسر/ ماشى هلبس و انزل
ليلى/ عن اذنك انا بقى عشان اللبس
ياسر/ ليلى
ليلى / نعم
ياسر / و لا حاجه خلاص اتفضلى
ليلى / اوك باى
ياسر يقفل الباب
ياسر / بيضالك فى القفص يا بنت عبد المولى و لبستى الكعب العالى دا ايه الحظ المهبب ده
..........
فى الحفله
ياسر/ شوفتى يا هانيا جبتلك ايه
هانيا/ حطها هناك مع الهدايا
ياسر/ ايه الرد ده مبراحه علينا كلنا ولاد تسعه
هانيا / انا بنت سبعه عن اذنك بقى
هانيا تجرى تلعب
ليلى/ ايه هانيا زعلتك و لا ايه معرفش والله هى شقيه لمين انا و باباها هادين خالص
ياسر/ هو انتى اتجوزتى احمد بعد اد ايه مالحادثه
ليلى / شهرين
ياسر / و حملتى علاطول
ليلى / متفكرنيش مفيش سبع شهور و هانيا شرفت
ياسر / يادى الهنا
ليلى/ احلى حاجه فحياتنا 
ياسر / معلش بسال كتير انتى كنتى فثانوى لما اتجوزتى
ليلى / اه اتجوزته و عدت تالته ثانوى منازل و ولدت قبل الامتحانات بمفيش كام شهر مقولكش عشان كدا مجبتش مجموع سمعت انك درست بره اداره اعمال
ياسر/ اه فى لندن
ليلى/ كويس
ياسر/ ليه رفضتى تخلينى اشوف صورك
ليلى/ هتزعل
ياسر/ لا
ليلى/ خفت منك
ياسر / ليه
ليلى / اللى سمعته عنك خفت تقول تعليق لاحمد يخليه يغير رايه فيا
ياسر/ ازاى
ليلى/ انت شوفت بنات هنا و بره لكن احمد مشفش غيرى فخوفت تقوله انى وحشه او انك تعرف واحده احلى
ياسر/ بتحبيه
هانيا تيجى / يلا يا ماما نطفى الشمع
ليلى تروح معاها و يطفوا الشمع
ّ........