#lolo #لولو_محمد
((((((دخان))))))
الحلقة الثالثه
ياسر يركب العربيه و يطلع على طريق مهجور
ياسر / يلا يا مزه اخر الخط انزلى و خدى نصيبك بقى سلام
يرمى ليلى عالطريق و يطلع عالمطار يخلص الاجراءات و يسافر
ياسر / باى باى يا مصر
........
فى البيت عند ليلى
محمد/ الساعه حداشر و نص و البت لسه مرجعتش انا هنزل اشوفها فين
نجاح/ بطلبها عالموبايل غير متاح مداهيه ليكون جرالها حاجه
محمد / انا قولت اوديها و اجيبها انتى اللى قولتى سيبها
نجاح / استر يارب قلبى مقبوض عالبت اوى
.....
فى الدرس
محمد/ ليلى مروحتش بعد الدرس يا استاذ متعرفش ايه اللى حصل
الاستاذ / ليلى مين
محمد/ ليلى محمد عبد المولى
الاستاذ يفتح دفتر الغياب / ليلى مجتش النهرده اصلا
محمد / يمصيبتك يا محمد مجتش ازاى دى نزلت من بدرى
الاستاذ / انصحك تبلغ البوليس
محمد/ يا وقعتك السودا يا محمد البت جرالها ايه
......
فى القسم
الظابط / انا اسف مقدرش اعمل محضر قبل اربعه و عشرين ساعه مالغياب و هى بقالها خمس ساعات و نص بس غايبه
محمد/ يعنى ايه يا باشا يعنى هستنى كل ده دا ممكن يكون جرالها حاجه
الظابط / انا مقدر موقفك بص احنا هناخد اوصافها و هنبلغ بس دا كلو ودى مش فمحضر رسمى
محمد / ماشى انا معايا صوره ليها فى المحفظه
الظابط / انا رايى انك تسال فى المستشفيات يمكن تلاقيها
محمد / دى صورتها يا باشا بالله عليك لو عرفت اى حاجه تطمنى
الظابط / على كل سيب بياناتك هنا و انا هحاول اعمل اللى اقدر عليه
......
فى البيت الساعه ٣
نجاح / فى ايه يا محمد البت فين
محمد/ دخت عليها السبع دخات فى المستشفيات ملهاش اثر
نجاح/ و الظابط مقالكش حاجه
محمد/ قالى انه مفيش اى خبر عنها و انه ميقدرش يعمل اى محضر رسمى قبل الساعه سته و نص
نجاح/ يلهوى احنا هنستنى كل ده سترك يارب
محمد. / البت راحت يا نجاح ياريتنى مسمعت كلامك ياريتنى وصلتها و جبتها
نجاح/ لا يا محمد البت بخير قلبى بيقولى انها بخير ليلى بخير
محمد/ خلاص يا نجاح راحت
نجاح/ متقولش كدا يا محمد هيلاقوها باذن الله
محمد/ يلاقوها فين يا نجاح مش شايفه البلد زمان عصابات الاعضاء خدوها و لا سواق ميكروباص شامم خطفها بنتك ماتت يا نجاح ماتت
نجاح/ لا يا محمد متقولش كدا ان شاء الله خير
محمد/ انهى خير انا بدعى ربنا انها تكون ماتت عشان متجبرنيش اموتها بايدى
نجاح/ انت بتقول ايه يا محمد
محمد / امال هعيش بعارى لازم اغسل شرفى
.........
عالطريق عربيه نقل معديه
التباع/ اللحق يا معلم اقف اقف
المعلم / يا ساتر يارب
ينزلوا مالعربيه يلاقوا ليلى غرقانه فى دمها
التباع/دى لسه فيها الروح يا معلمى
المعلم / شيل ياض نوديها المستشفى
التباع/ بدل ميشيلولنا الليله يا معلم
المعلم / اعمل الخير ياض احنا عندنا ولايا هنسيبها تخلص عالطريق كدا تلاقى اهلها مرعوبين عليها
التباع/ اه والله يا معلم شكلها بنت ناس
......
التباع / دى اقرب مستشفى وقف يا معلمى
المعلم / دى استثمارى ياض مش هيرضوا ياخدوها
التباع/ نجرب يا معلم البت بتخلص
........
فى المستشفى
الاستقبال/ اسفه احنا مبنقبلش طوارئ
دكتور معدى / مالها الحاله دى
التباع /اللحقنا يا دكتور البت دى لقيناها عالطريق بتخلص
الدكتور / دخليها عالطوارئ بسرعه
الاستقبال/ ايوه يا دكتور بس حضرتك عارف ان لازم يتساب عشر تلاف جنيه تامين
المعلم/ يا بيه نجيب منين المبلغ ده
الدكتور / حطيها على حسابى و دخليها
الاستقبال / حاضر يا دكتور
المعلم/ كتر خيرك يا دكتور بالاذن احنا بقى
الدكتور/ استنوا لما البوليس يجى و ياخد اقولكم اطلبى البوليس يا منه
الاستقبال(منه) / حصل يا دكتور
.........
فى البيت عند ليلى
نجاح/ انت هتفضل حاطت ايدك كدا على خدك النهار طلع
محمد/ عوزانى اعمل ايه انزل اللف فى الشوارع واقول بت تايهه يا ولاد الحلال
نجاح/ و ماله بس ترجع
تليفون محمد يضرب / الو ... ايوه انا محمد عبد المولى .... حاضر حالا حالا
نجاح/ خير يا محمد
محمد/ بيقولوا فى بنت لقوها بمواصفات ليلى فى مستشفى و هيروحوا يتعرفوا عليها و عاوزينا هناك
نجاح/ انا جايه معاك
.......
فى المستشفى
ليلى فاقده الوعى و نجاح بتعيط جنبها و محمد واقف باصص فى الارض فركن
و الدكتور بيكشف عليها
ليلى تفتح عينها تلاقى الدكتور بيضرب الكشاف فعينها / انا فين
محمد بعنف / مين اللى عمل فيكى كدا انطقى مين اللى جاب الطين فوق راسى
ليلى بتصرخ/ انت مين ... انت مين ... الحقونى الحقونى
الدكتور / انتى مش عارفه مين ده
ليلى/ لا انا مش عارفه حاجه انا فين
محمد/ انتى هتستهبلى يا بت انطقى
ليلى للدكتور / ارجوك ابعده عنى انا معرفوش
الدكتور / من فضلك اهدى او اطلع بره .... انتى اسمك ايه
ليلى / اسمى .... معرفش ... مش فاكره .... انا مين
نجاح/ يا مصيبتى
الدكتور للممرضه / خديها اوضه الاشاعه و اتصلى بالدكتور مصطفى خليه يجى حالا
الممرضه / حاضر يا دكتور احمد
ليلى /متسيبنيش ابوس ايدك انا خايفه انا معرفش الناس دول
نجاح/ انا امك يا ضنايا انتى نسيتينى
ليلى/ مش فاكراكى مش فاكره اى حد
........
مصطفى / واضح ان فى تضرر فى الجزء ده من المخ ممكن وقعت عليه او حد ضربها بحاجه قويه عليه
الظابط/ يعنى مش هنعرف ناخد اقوالها فى حادثه الاغتصاب
مصطفى / من الواضح ان اكيد لا البنت مش فوعيها نهائى و مش متذكره حتى اهلها
محمد/ و ممكن تخف يا دكتور
مصطفى / طبعا كلو بايد الله مع العلاج هنشوف
محمد/ يا وقعتك السودا يا محمد يا خراب بيتك يا محمد
احمد/ اهدى حضرتك ان شاء الله هتبقى كويسه
محمد/ احنا صعايده يا دكتور و الشرف عندنا غالى و افتكرت و لا مفتكرتش ملناش عيش فى الدنيا من غيره
الظابط / انا بحزرك انك تتخذ اى اجراء ناحيه البنت انا بنفسى اللى هحاسبك
محمد / ضربوا الاعور يا بيه
......
فى غرفه ليلى فى المستشفى
احمد/ انتوا واخدينها على فين
محمد/ هنروح يا دكتور
احمد/ نقلها فى الحاله دى ممكن يعمل مضاعفات خطيره
ليلى / متخليهومش ياخدونى انا معرفهمش انا خايفه منهم
محمد / انجرى يا بت
ليلى تترمى فحضن الدكتور / ابوس رجلك يا دكتور انا خايفه منهم متودنيش معاهم انا معرفهمش
محمد / اتلمى يا بت يلا
ليلى تمشى مع ابوها و امها
الممرضه/ مسكينه يلا اجلها لحد هنا
احمد/ قصدك ايه
الممرضه/ شكله صعيدى و هيفسحها
احمد/ يفسحها ازاى يعنى
الممرضه/ ههههه يفسحها يا دكتور يعنى يموتها الصعايده اهم حاجه عندهم الشرف
احمد / بس دا تخلف هى ذنبها ايه
الممرضه/ ذنبها انها معرفتش تحمى نفسها يا دكتور عن اذنك
........
فى البيت عند ليلى
نجاح/ ابوس ايدك يا محمد البت عيانه
محمد/ امال استنى اما سيرتنا تبقى على كل لسان
نجاح/ دى بنتنا الوحيده يا محمد ابوس رجلك
محمد/ اعمل ايه يا نجاح اعمل ايه مانتى شايفه خشى اديها الدوا و خليها تاكل لقمه
........
فى الاوضه نجاح تدخل و ليلى تتفزع
نجاح/ متخافيش يا بنتى اهدى انا امك
ليلى / لو انتى ماما بصحيح متخليهوش ياذينى انا سمعتكوا و عارفه انه هيموتنى
نجاح/ متخافيش ابوكى مش هيعمل حاجه تضرك
ليلى/ انا مش فاكراكم انا اضمن منين اصلا انك امى و لا هو ابويا
نجاح/ دا اللبون الصور تعالى افرجك
ليلى/ مين دى
نجاح / انتى و انتى صغيره
ليلى/ مفيش صور و انا كبيره
نجاح/ فى اهو شوفتى ... ها اتاكدتى انى امك
محمد/ يلا يا ليلى عشان نخرج
نجاح/ البت تعبانه يا محمد ابوس ايدك
محمد /يلا يا ليلى
نجاح/ طب خليها لبكره عشان خاطرى
محمد / خلاص بقى يا نجاح قومى يا ليلى
ليلى/ هنروح فين
محمد/ مشوار صغير و راجعين قومى يا بنتى
.....
محمد بيفتح باب الشقه وهو مسند ليلى يلاقى الدكتور احمد فوشه
احمد/ الحمد لله دانا دوخت على موصلت للعنوان
محمد / خير يا دكتور
احمد/ كنتوا رايحين فى حته حركه ليلى غلط فى حالتها دى
محمد/ كتر الف خيرك شكرا عالنصيحه عن اذنك بقى
احمد/ ممكن ادخل طيب نتكلم كلمتين
محمد/ خير
احمد/ دانت صعيدى و ابو الواجب هتضايفنى عالباب
محمد / اتفضل ثوانى هسند البت عالاوضه
.......
أنت تقرأ
دخان بقلم /لولو_محمد (كامله)
Romanceفتاه مراهقه تتعرض للاغتصاب و تقدم لها الحياه بدايه جديده فهل ستدوم تلك الحياه ام سينكشف الماضي
