دخان بقلم /لولو_محمد (كامله)

الحلقه ٦

#lolo #لولو_محمد

((((((دخان))))))
الحلقة السادسة

ليلى/ انت شوفت بنات هنا و بره لكن احمد مشفش غيرى فخوفت تقوله انى وحشه او انك تعرف واحده احلى
ياسر/ بتحبيه
هانيا تيجى / يلا يا ماما نطفى الشمع
ليلى تروح معاها و يطفوا الشمع
ّ........
بعد الحفله و الناس مشيت
احمد/ انا همشى بقى
ليلى /متقولش فى عمليات
احمد / غصب عنى والله انتى عارفه ظروف المستشفى و دى حاله طارئه
ليلى/ اوك ماشى روح
احمد يبوسها / مش هتاخر
ليلى/ هستناك
ليلى تضير تلاقى ياسر فوشها / خضيتنى
ياسر/ اسف هانيا نامت
ليلى/ اكيد من بدرى
ياسر/ انا مش جايلى نوم
ليلى/ تحب تشوف فيلم
ياسر/ ياريت
.......
ياسر/ الليفنج اتغير خالص
ليلى/ عجبك
ياسر/ انتى مبتقلعيش الكعب
ليلى/ انت غريب
ياسر/ انتى اغرب
ليلى/ ليه بقى ان شاء الله
ياسر/ احمد مش بتاع بنات ازاى خليتيه يحبك
ليلى  / اساله
ياسر/ انتى مش فاكره اى حاجه من الحادثه
ليلى/ انهى حادثه
ياسر / احم ... احمد كان قالى انكوا اتعرفتوا
ليلى./ اه لا مش فاكره و مش عاوزه افتكر
ليلى تفتح علبه سيلفر جواها سجاير و تعزم على ياسر
ياسر/ شكرا مبدخنش
ليلى/ كداب
ياسر/ و عرفتى منين انى بكدب
ليلى/ كل اللى فالبيت قالولى انك مدخنه
ياسر./ انتى واخده عنى فكره وحشه بقى
ليلى/ فوق متتخيل
ياسر/ و قاعده معايا ليه
ليلى تتعدل فقعدتها / تصحيح بسيط انت اللى قاعد معايا
ياسر/ هههههههه ماشى على كل انا بطلت التدخين من زمان
ليلى /  good for you )كويس عشانك)
ياسر/ الحقيقه انا بطلت حاجات كتير اوى لما سافرت
ليلى/ معقول زى ايه
ياسر / بطلت تدخين و شرب و حتى البنات
ليلى/ انت بتحول تصلح الصوره اللى رسمتهالك و لا ايه
ياسر/ ابدا والله دى الحقيقه
ليلى/ بس غريبه اوى انت رايح تتوب بره
ياسر/ ههههههههههه ليكى حق بس اصلى قبل مسافر كنت عملت حاجه كدا مقدرتش انساها
ليلى/ عملت ايه
ياسر/ حبيت
ليلى / ههههههههههههه انت تحب طب قول كلام غيردا
ياسر/ بتتكلمى بثقه كانك عرفانى
ليلى/ استنى لما احمد يجى و اقوله الحوار ده صدقنى هيموت مالدحك ههههههههه
ياسر/ براحتك
ليلى / طب جد بقى احكيلى حبيت ازاى
ياسر / بصى هو انا معرفتش انى كنت بحب غير لما سافرت تصدقى لو قولتلك انى كنت بشوفها فكل بنت بكلمها كل مبص فى المرايه بفتكرها
ليلى / ممكن اشوف الID بتاعك الباسبور او البطاقه اصل مستحيل تكون ياسر اللى اتحكالى عنه
ياسر/ عندك حق انا اتغيرت كتير
ليلى/ بس الواضح انه للاحسن
ياسر / و انتى كمان
ليلى/ انا ايه
ياسر/ اكيد اتغيرتى
ليلى/ معرفش انا مش فاكره انا كنت ازاى اصلا
ياسر / طب ليه مش عاوزه تفتكرى
ليلى/ مبحبش اقلب على نفسى المواجع تعرف انى بعمل نص ساعه يوجا قبل النوم
ياسر/ كويس
ليلى/ احمد قالى ان جلسات التامل دى بتخلى الواحد اهدى و يتحكم فى الصراعات الداخليه جواه و يتصالح مع ذاته
ياسر/ هبقى اجرب
ياسر يفتح بومبونيره / شيكولاته
ليلى/ مباكلهاش شكرا
ياسر/ من امتى
ليلى/ هو ايه اللى من امتى انا بقالى سنين مباكلش الشيكولاته عشان الدايت
ياسر/ اه اصل عمرى مشوفت بنت مبتحبهاش
ليلى / سؤال معلش هو حاجبك كدا استايل و لا تعويره اصل مفيش الفرق ده فاى صوره
ياسر/ لا جرح قديم
ليلى/ خناقه
ياسر/ قصه طويله و مفتكرش عاوزه تسمعيها
ليلى/ فعلا انا تعبانه هطلع انام جنب هانيا لحد ماحمد يجى اصلى مبحبش انام لوحدى
ياسر/ اتفضلى
........
تانى يوم
ياسر/ صباح الخير يا نعمه
نعمه/ صباح النور يا سى ياسر
ياسر/ هو احمد فين
نعمه / راح المستشفى من صباحيه ربنا
ياسر/ و ليلى و هانيا فين
نعمه/ هانيا فى المدرسه و ست ليلى قاعده عند حمام السباحه
ياسر/ طب روحى شوفى كنتى بتعملى ايه
.......
ياسر/ ممكن ارخم عليكى
ليلى/ نموسيتك كحلى
ياسر/ بقالى تلت اربع ساعات بتقلب فى السرير لحد مروحت فى النوم
ليلى/ ليه بتفكر فايه
ياسر/ مفيش
نعمه تدخل / النسكافيه يا ست ليلى اتفضلى تؤمر بحاجه يا سى ياسر
ياسر / لا شكرا يا نعمه
ليلى / خدى الكوبايات دى معاكى يا نعمه لو سمحتى
نعمه / حاضر
نعمه تشيل الكوبايات و تمشى شويه و توقعهم ينكسروا فى الارض
ليلى / نعمه انتى كويسه
نعمه/ حقك عليا يا ست ليلى
ياسر/ هاتى حاجه و لمى الازاز ده بسرعه
نعمه /حاضر
نعمه تمشى
ياسر/ تعالى يا ليلى بعيد عن الازاز ده
ليلى حاضر اتفضل
ليلى لسه بتتحرك خطوه كعب الجزمه يتكسر و تنزل عالازاز يدخل فى رجلها
ليلى /  ااااه
ياسر/ ينهار ابيض انتى كويسه
ليلى بتصرخ / مش قادره رجلى وجعانى اوى
ياسر/ ايه ده الارض عليها زيت
ليلى/ مش قادره  اتصل باحمد
ياسر / طب اتسندى عليا ادخلك جوه
ليلى تحاول تقف متقدرش / مش قادره ادوس عليها وجعانى
ياسر/ طب تعالى هشيلك
ليلى تتعلق فرقبته و تحضنه اوى/ مش قادره يا ياسر رجلى بتوجعنى اوى
ياسر يحطها عالكنبه / الو ايوه يا احمد ليلى دخل فى رجلها ازاز اعمل ايه ياض .... طيب حاضر خليك معايا .... يا نعمه انتى يا بت يا نعمه
ليلى بتعيط / خليه يجى مش قادره
نعمه/ يا مصيبتى ايه اللى حصل
ياسر/ جرى تجيبى صندوق الاسعافات مالمطبخ
نعمه/ هوا
ياسر/ ايوه يابنى اعمل ايه .... وبعدين .... حاضر .... سبرتوا ازاى يا عم .... حاضر حاضر .....ماشى اقفل و تعالى بسرعه سلام
ليلى بتعيط/ هو قالك ايه جاى و لا ايه
ياسر/ بطلى دلع دى تعويره صغيره
نعمه/ الشنطه يا سى ياسر
ياسر/ هاتى المقص و قصى رجل البنطلون
نعمه/ لا مقدرش اشوف الدم انا اعفينى
ياسر/ طب اوعى هاتى
بلال يفتح رجل البنطلون و يشد بالملقاط اجزاء الزجاج الظاهره و يمسك ازازه السيبرتوا
ياسر/ بصى هتوجعك شويه امسكى نفسك
ليلى تمسك فى ياقه قميص ياسر و تهز راسها
ليلى/ لا يا ياسر حرام عليك لا يا ياسر
ليلى تفقد الوعى
ياسر يفتكر و هى بتقولهاله و هو بيغتصبها و يتوتر و يقوم و يجرى
نعمه/ يالهوى ماتت فوقى يا ست ليلى فوقى
احمد يوصل / مالها اغمى عليها مالوجع  هاتى برفان
ليلى تفوق / احمد انا رجلى وجعانى اوى
احمد /طب اهدى نعمه هو ياسر فين
نعمه/ معرفش طلع يجرى
احمد/ طيب ناولينى شنطتى
يطلع بنج و يرش على رجلها و يبدا ينضف الجرح و يخيطه و يلفه
احمد/ تعالى اسندك لاوضتنا
ليلى/ تعالى
تبدا واحده واحده تطلع معاه
...........
فى اوضه ياسر وهو منهار بالعياط
احمد/ مالك ياض بتعيط كدا ليه
ياسر/ ليلى عامله ايه
احمد/ كويسه زى الفل
ياسر/ طب الحمد لله
احمد/ انت بتعيط عشان خفت على ليلى
ياسر يسكت و يبصله و يمسح دموعه
احمد/ انا فخور بيك اوى يا له انا اول مره اشوف الحته الحلوه اللى فيك
ياسر/ انت ليه مخلتش ليلى تتعالج عشان تفتكر اللى حصل
احمد/ و لما تفتكر هعمل ايه
ياسر/ معرفش
احمد/ بص يا ياسر اى كان اللى عمل العمله دى فهو حيوان المفروض يتحط فمكان عام و يتجلد قدام الكل لحد ميموت لو تسالنى عن رايى المفروض يشيلو عنيه اللى بص عليها بيهم و يقطعوا اديه اللى اتمدت عليها و ...
ياسر/ كفايه هو كدا خد جزائه
احمد/ هههههههه
احمد يطبطب على ياسر و يقوم
ياسر/ سامحنى ياخويا
........