دخان بقلم /لولو_محمد (كامله)

الحلقه ٢٧

#لولو_محمد. #lolo
((((((((دخان)))))))
الحلقة السابعه و العشرون

نعمه  / و برده هروح لياسر زينه الشباب و اقوله على اتفاقى معاكم و ازاى رجعتى لحياته و رجعتى ليه و كنتى ناويه تعملى ايه لولا انه تاب و قرر يصلح غلطه معاكى
ليلى/ روحى قوليلهم و محدش هيصدقك مش هتعرفى تثبتى حاجه  بصى يا شاطره اعلى مفخيلك اركبيه اه انا مكنتش فاقده الزاكره و اه اتفقت معاكى انا و ياسمين اننا ننتقم من ياسر  بس لو جدعه اثبتى
نعمه تقفل الموبايل و احمد مسهم
.......
نعمه / سمعت بودانك الست هانم الملاك مثلت عليك انها فاقده الزاكره عشان تحط ايدها عالشركه و عينت ابوها و ياسمين و لو مكنتش كشفتهالك كانت خدت الفيلا كمان
احمد/ خلصتى
نعمه/ انا نصحتها كتير بس تقول ايه هى اصلا مبتسمعش لحد
احمد/ خلصتى
نعمه / اه خلصت
احمد/ طب اتفضلى اطلعى بره
نعمه تخرج و احلام تدخل و احمد يتهبد عالكرسى
احلام/ اخيرا لقيتك انت بقيت عامل زى الزئبق يا احمد
احمد سرحان
احلام/ اه على فكره انا شكلى وقعتك فى مشكله بس والله منغير مقصد
احمد سرحان
احلام/ احمد ... احمد
احمد / ايوه يا احلام خير
احلام/ مالك يابنى انت مش معايا خالص بكلمك
احمد/ مفيش تعبان شويه
احلام/ لا سلامتك امال هتشتغل ازاى
احمد/ مش هشتغل هاخد اجازه كام يوم اعمار الناس مش لعبه
احلام/ اجازه من امتى دانت عمرك معملتها
احمد/ و تعبت و قررت اخد اجازه حد له عندى حاجه
احلام/ ان بهزر معاك اتعصبت كدا ليه
احمد / انتى فاضيه يا احلام موراكيش شغل
احلام/ لا ورايا عن اذنك
احمد/ احلام انا اسف بجد انا مش عارف كلمتك ازاى كدا بس بجد تعبان
احلام/ باين عليك عن اذنك
احلام تمشى
تليفون احمد يرن يكنسل و يتصل بحد تانى
احمد/ ايوه يا عمى ازيك ..... لا انا كويس الحمد لله .... ماله صوتى مش مشكله المهم ..... كنت عاوزك تجيبلى هانيا عالفيلا لو مفيهاش عطله ...... ماشى شكرا كتر  خيرك مع السلامه
احمد يقفل تليفونه و يحطه فى الدرج و يقفل عليه و يمشى يروح عالمدير
المدير / اهلا دكتور احمد اتفضل اخبارك ايه و اخبار المدام ايه
احمد/ انا هاخد اجازه مفتوحه من النهرده
المدير / انا عارف انك صعب تشتغل فى ظروفك بس
احمد/ كويس ان حضرتك متفهم و شكرا انك وافقت عن اذنك
المدير / احمد استنى انا بتكلم معاك
احمد/ انا اسف بس انا مش فى مود كلام خالص ارجوك اعزرنى
المدير / خلاص ماشى انا هوافقلك عالاجازه لحد متبقى كويس ربنا يعينك على اللى انت فيه يابنى
احمد يخرج مالمكتب يلاقى احلام فوشه
احمد/دكتوره احلام دكتوره احلام
احلام/ ايوه يا احمد خير
احمد/ انا بعتزر مره تانيه
احلام/ لا انا مقدره الى مريت بيه مش سهل
احمد/ شكرا على تعاطفك معايا
احلام/ انت بتهزر اهو
احمد/ اهو حلاوه روح انا خدت اجازه مفتوحه زى مقولتلك
احلام/ ماشى اهو ترتاح
احمد/ وراكى شغل النهرده
احلام/ فى عمليه كمان ساعه بس بعد كدا انا فاضيه
احمد/ طب ممكن اقعد معاكى فاى مكان
احلام/ انت غريب اوى النهرده بجد اول مره تطلب طلب زى ده
احمد/ اه او لا سهله
احلام  / مفيش مشكله ابقى عدى عليا خدنى
.......
فى المستشفى
ياسمين و ياسر يدخلوا
نجاح/ اهلا يابنى ازيك يا بنتى
هانيا/ عموا ازيك
ياسر/ ازيك يا حبيبتى عامله ايه
هانيا / الحمد لله بس ماما بتاخد حقنه عشان مبتسمعش الكلام
ليلى / خلاص مش احنا اتفقنا انى هشرب اللبن و اخلص الهوم ورك بتاعى و مش هزعل ماما و بابا يا هانيا يا حبيبتى
هانيا/ اه و هتبقى شاطره زى هانيا
ياسر/ حبيبه قلب عموا انتى
ليلى / عاملين ايه
ياسمين/ اخبار متسرش
ليلى / ماما معلش خلى هانيا معاكى فى الكافتيريا شويه عشان يعنى انتى عارفه هانيا هاتيلها اى حاجه حلوه عشان هانيا حبيبتى شطوره و بتسمع كلام تيته
نجاح/ ماشى يا بنتى حاضر
نجاح تاخد هانيا و تطلع بره
ياسر/ كويس انك وزعتيها
ياسمين/ نعمه سجلت الحوار بتاع المستشفى و لعبت فيه كمان
ليلى/ مش متفاجاه الصراحه خلاص معدش فى حاجه بتحوق فيا
ياسر/ انا اسف يا ليلى
ليلى/ على ايه
ياسمين/ انا حكيتله على كل حاجه
ليلى/ كل حاجه كل حاجه
ياسمين/ كل حاجه
ياسر/ انا غلطت فحقك و ظلمتك و كدبت عليكى
ليلى / خلاص يا ياسر اللى انت عملته خلص خلينا فى المصايب اللى جايه
ياسر/ افهم من كدا انك سامحتينى
ليلى/ مفيش واحده فى الدنيا ممكن تسامحك على اللى انت عملته بس المشاكل اللى عندى اكبر بكتير من انى افكر  فى الماضى احمد هيروح منى و ساعتها هموت بجد
ياسر/ طب يبقى لازم نلحقه قبل منعمه توصله التسجيل ده
ليلى/ زمانها وصلتله خلاص و ممكن كمان تكون وصلتله  قبل متجيلكوا
ياسمين/ طب متكلمى احد تشوفهيه هو فين
ليلى/ تليفونه مقفول
ياسمين / و انتى هاديه كدا ازاى
ليلى تدمع/ انا تعبانه يا ياسمين مش قادره اتحرك حتى مستنيه منى ايه
محمد يدخل
محمد/ ازيك يا ليلى امال امك و هانيا فين
ليلى/ فى الكافيريا اتفضل يا بابا اقعد
محمد / لا انا ورايا شغل يادوب اخد هانيا اوديها لاحمد طلب منى اجيبله هانيا عالفيلا معرفش عاوزنا فايه
ليلى/ ثوانى هتصل بماما تجيب هانيا و كلنا هنيجى معاك عالفيلا
ياسر/ انتى اتجننتى ازاى هتخرجى و انتى كدا
ليلى / لازم اروح لازم اكلمه
ياسمين/ اى حركه غلط ممكن تاذيكى يا بنتى
ليلى/ يبقى تساعدونى متقفوش تتفرجوا عليا انا كدا كدا هروح
ياسر/  انا هروح اشوف الدكتور يكتبلك خروج
.....
شويه و احلام تدخل 
احلام/ فى ايه يا ليلى ايه اللى حصل صحيح عاوزه تروحى
ليلى/ معلش جو المستشفيات هيجيبلى اكتئاب
احلام/ بس انتى تعبانه و حالتك الصحيه متسمحش انك تخرجى
ليلى/ مش اول مره و عشت عادى واخده على كدا
احلام/ انتوا بتتصرفوا غلط احمد ياخد اجازه مفتوحه و انتى عاوزه تسيبى المستشفى فى ايه
ياسر/ احمد خد اجازه امتى
احلام/ من حوالى ربع ساعه كان هنا و لسه ماشى هو معداش عليكوا و لا ايه
ليلى / انا لازم اروح حالا
احلام/ يا بنتى كدا غلط
ليلى/ بصى يا ابراهيم انتى انا هروح و مفيش قوه فى الوجود هتمنعنى انتى فاهمه
احلام/ ابراهيم .... براحتك
ياسر يجيب كرسى متحرك و يدخل لليلى
ليلى / خلاص
ياسر/ ايوه بعد معاناه وافقوا
ليلى/ طب يلا بسرعه
.........
ياسر يركب العربيه و ليلى جنبه وورا محمد و نجاح و ياسمين و هانيا على رجلها
محمد/ انا مش فاهم حاجه يعنى احمد كان فى المستشفى مخدش هانيا معاه البيت ليه و لا هو غاوى يشحططنى
ياسر/ معلش يا عمو على كل انا هوصلك الشغل بعد موصل ليلى البيت
ليلى/ لو عاوز نوصلك انت الاول يا بابا مفيش مشكله
محمد/ لا احمد ماكد عليا اجيب هانيا بنفسى و مقدرش اخاف يزعل منى
نجاح/ بس انتى مكنش المفروض تخرجى يابنتى انتى تعبانه و جسمك وارم
ليلى/ هخف فبيتى يا ماما
نجاح/ تقومى بالسلامه يا بنتى
.........
فى البيت احمد يتكلم فى الارضى ندى تدخل عليه المكتب
احمد/ طب مع السلامه هكلمك بعدين اشوف وصلت لايه
ندى/ ايه اللى جابك بدرى يا حبيبى
احمد/ انا اتصلت بمكتب تخديم بكره الصبح هيحط اتنين سيكيورتى عالباب بره و اتنين فلبنيتين جوه هنا عشان يخدموكى
ندى/ شلت من على قلبى هم دانا كنت مرعوبه و انا لوحدى 
احمد/ و كلمت كمان المستشفى فى الامارات  اللى كانت عرضت عليا اشتغل هناك
ندى / انت قولت انك رفضتها
احمد/ الظروف اتغيرت ووافقت و هسافر
ندى/ و هتسيبنى
احمد/ مانا بقولك اهو عشان لو عاوزه تيجى معانا انا و هانيا
ندى / انت بتتكلم جد طب وليلى
احمد / حلال عليها اللى خدته تعويض مناسب عن اللى ياسر عمله فيها
ندى/ انا مش فاهمه اى حاجه انت هتطلق ليلى
احمد/ مين قال كدا بس ليلى هتفضل على زمتى
ندى / انت شارب حاجه يابنى و لا ايه فوق هنا و كلمنى
احمد / نعم عاوزه تعرفى ايه
ندى/ قولى مالك
احمد / تعبت خلاص تعبت مش قادر اتحمل كل حاجه فحياتى كدب اخويا و مراتى كلو كدب فكدب مستنيه منى ايه هعد اعيط جنب الحيط و اندب حظى زى الولايا لا مش انا
ندى/ انت ايه اللى بتقوله ده
احمد/ انا اتخنقت بيقولك اعمل خير يتردلك خير و اديكى شايفه بشتغل ليل نهار و بعالج ناس غلابه فى المستشفى الاستثمارى على حسابى و عمليات ببلاش و مطلع فوق نص رزقى لله اعمل ايه تانى عشان الاقى خير مش شايفه كميه الشر اللى انا فيها شوفتى
ندى/ وحد الله يا احمد عيب كدا
احمد/ انا اسف انا فعلا اسف اسف انى قولتلك ارجعى و اسف انى قولت لياسر يرجع اسف انى حلمت بعيله كبيره اعيش وسطيها اسف انى اتجوزت ليلى و شيلت هم مكنش ليا فيه اى دخل
ندى/ عاوز تشوف الخير يااحمد قصاد اللى عملته انا هوريهولك اولا ربنا رزقك باجمل بنت فى الدنيا هانيا و زوجه بتعشقك و بتموت فى التراب اللى بتمشى عليه
احمد  / كلو كدب
ندى/ لا مش كدب انا شوفتها بتبصلك ازاى بتكلمك ازاى عنيها بترقص ازاى لما بتشوفك او حتى تسمع اسمك شوفتها و هى سهرانه تستناك لحد مترجع شوفتها و هى مدايقه بعد مبتمشى و هى طايره زى العيال الصغيره برجوعك بلاش ليلى اخوك اللى ربنا هداه و رجع من سكه الادمان و النسوان و الخمره و القرف اللى بعد سنين طويله اتعدل
احمد/ ياريته مرجع ياريتنى معرفت حقيقته و حقيقه ليلى
ندى/ بلاش اخوك انا اللى كنت تايهه و بتشقط من واحد لواحد يلعب بيا و رجعتلك كل ده من الخير اللى كنت بتعمله ربنا بعتلك الناس اللى بتحبهم و يحبوك جنبك
احمد/ بتهزرى صح
ندى/ كلنا بنغلط و مدمنا عايشين لازم نسامح زى مسامحتنى و بتعرض عليا اجى معاك لازم تسامح اخوك و مراتك لازم ليلى تعرف انك هتسافر حرام عليك تحرم بنتك من امها علشان ذنب مهياش فكراه اصلا
احمد/ كل ده كان تمثيل خمس سنين بتستغلنى عشان تحط ايدها عالشركه و تنتقم من ياسر
ندى/ اللى شوفته عمره ميكون تمثيل ابدا
احمد/ امال تفسرى ده بايه
ندى/ قعدت معاها و كلمتها سمعت دفاعها و لا حكمت عليها و خلاص
احمد/ انا مش هسمحلها تكدب عليا تانى
ندى/ يابنى انا و اخوك لما غلطنا مكنش عندنا اللى يوجهنا انت لا احنا بنحاول توجهك بلاش تخلى الغضب يعميك عن الناس اللى بيحبوك هتخسر يابنى بلاش تحس باللى انا حساه بلاش تبيع الغالى بالرخيص يابنى
صوت بره
احمد/ هانيا شكلها وصلت انا طالع اسلم عليها
احمد و ندى يطلعوا مالمكتب يلاقوا الكل بره
احمد/ الله دا العصابه كلها هنا
.........