دخان بقلم /لولو_محمد (كامله)

الحلقه ٧

#lolo #لولو_محمد

((((((((دخان)))))))
الحلقة السابعه

احمد/ بص يا ياسر اى كان اللى عمل العمله دى فهو حيوان المفروض يتحط فمكان عام و يتجلد قدام الكل لحد ميموت لو تسالنى عن رايى المفروض يشيلو عنيه اللى بص عليها بيهم و يقطعوا اديه اللى اتمدت عليها و ...
ياسر/ كفايه هو كدا خد جزائه
احمد/ هههههههه
احمد يطبطب على ياسر و يقوم
ياسر/ سامحنى ياخويا
........
فى اوضه ليلى
احمد/ حبيبتى عامله ايه
ليلى/ كويسه الحمد لله اطمنت على ياسر
احمد / تخيلى انه كان عمال يعيط الاهبل افتكرك متى و ان هو اللى قتلك هههههه
ليلى/ هههههههه ياسر مش وحش زى محكتلى
احمد / اتغير كتير انا فرحان باللى هو فيه تعرفى انى جيت بالليل لقيته بيجرى عالتريدميل انا عمرى مشوفته بيعمل رياضه دا كان مدخن درجه اولى 
ليلى/ شكله بطل كل الحاجات الوحشه
احمد/ كويس مصلحه
ليلى/ ايه رايك ادورله على عروسه
احمد/ خفى انتى الاول و بعدين اعملى اللى انتى عوزاه
احمد نايم جنب ليلى عالسرير و هى لفه ايدها حوالين رقبته
باب الاوضه ينفتح فجاه
ياسر / احمد احمد .... انا اسف
ياسر يطلع بره و احمد وراه
ياسر/ انا اسف انا كان المفروض اخبط
احمد/ حصل خير فى ايه
ياسر/ نسيت اقولك ان الارض اللى ليلى وقعت فيها كانت متعاصه زيت
احمد/ يا ياسر انت بتقولى ليه متقول لنعمه تنضفها عادى
ياسر/ يا احمد افهم ايه اللى هيجيب الزيت عند حمام السباحه
احمد/ اش عرفنى برده ابقى اسال نعمه
ياسر/ حاضر
........
بعد فتره
ياسر نازل لقى ليلى و نعمه قاعدين بيدحكوا
ليلى/ خلاص يا نعمه روحى شوفى شغلك
ياسر/ ايه اللى نزلك
ليلى /زهقت و بعدين انا بقيت كويسه انت عامل ايه اخص عليك كدا تسيبنى مغمى عليا و تطير مش تطمن عليا يمكن بموت و لا حاجه تسيبنى غرقانه فدمى و تهرب يا ياسر ينفع
ياسر بارتباك / ايه
ليلى / ايه يا ياسر سبتنى غرقانه فدمى و فاقده الوعى و ركبت طيارتك و خلعت ينفع
ياسر/ عن اذنك
ليلى تمسك ايده/ استنى انا بهزر معاك
ياسر/ انا اسف
ليلى/ انا بهزر معاك متزعلش تعال اقعد جنبى
ياسر/ صحيح انا كل يوم بسال نفسى نفس السؤال و بنسى اسال
ليلى/ خير
ياسر/ كان بينى و بين اوضه احمد اوضه مش لاقيها ههههههههه
ليلى/ هههههههه اه قفلت الباب و فتحت باب من اوضتى و عملتها دولاب
ياسر/ اوضه بحاله لهدومك
ليلى/ يادوب
ياسر/ طب  انا هنزل اروح الشركه
ليلى / شركه ايه
ياسر/ المجموعه بتاعه بابا هفضل سايبها لغيرى يديرها ليه
ليلى/  انا بتابع المجموعه بنفسى و مجلس الاداره بيبلغونى بكل جديد متقلقش
ياسر/ طب تمام يبقى معندكيش مانع لو نزلت الشركه و بصيت عليها بدل قاعده البيت
ليلى / ابدا انا هتصل بالاستاذ نور الدين يجهزلك مكتبك
ياسر / شكرا... عن اذنك
ليلى تمسك التليفون
ليلى/ ايوه يا بابا ياسر جاى الشركه ....... بالظبط كدا
........
فى الشركه
موظف / اهلا ياسر بيه اتفضل
موظف تانى / ليلى هانم ادتنا خبر بزياره حضرتك
ياسر/ انا عاوز اجتماع لمجلس الاداره  فى اسرع وقت و عاوز اراجع الحسابات السنويه
الموظف الاول / الحسابات فى ايد الاستاذ محمد عبد المولى
ياسر./مين... طب ناديه
الموظف الاول / حاضر يا فندم
ياسر/ هو فين الاستاذ نور الدين باين معلش مدام ليلى قالتلى عنه
الموظف التانى / الاستاذ نور الدين دا يبقى  رئيس مجلس الاداره
ياسر/ معلش سؤال من خمس سنين الاستاذ نور الدين كان ماسك علاقات عامه صح
الموظف / انا مكنتش هنا من خمس سنين بس ممكن اسال لحضرتك فى العلاقات العامه
ياسر/ طب اتفضل انت
........
بعد شويه
محمد/ السلام عليكم حضرتك طلبت تشوفنى
ياسر  / كنت عاوز اراجع حسابات السنادى
محمد/ والله يا استاذ ياسر انا مقدرش اورى حضرتك او اى حد الحسابات غير باذن من رئيس مجلس الاداره
ياسر/ انت بتقول ايه
محمد/ انا بقول لحضرتك التعليمات اللى عندى
ياسر/ اطلبلى نور الدين ده اما نشوف ايه حكايته النهرده
صوت من بره / اهلا مدام ليلى
ليلى تفتح الباب/ مالك يا ياسر صوتك جايب للشارع
ياسر/ انتى ازاى جيتى هنا المفروض ترتاحى
يسندها تقعد
ليلى/ انا كويسه احكيلى ايه المشكله
محمد/ الاستاذ ياسر عاوز يراجع الحسابات السنويه
ليلى  / و ماله حقه جهزله الملفات و هاتها على ميشرب حاجه تهدى اعصابه
محمد/ حاضر
محمد يمشى
ياسر/ يا سلام بالبساطه دى
ليلى/ تشرب ايه
ياسر يبصلها
ليلى/ مستغرب ليه بابا عمره ميرفضلى طلب
ياسر/ و تعليمات نور الدين
ليلى  / لا متقلقش نور الدين ده مجرد موظف عندى
ياسر يبصلها باستغراب
ليلى/ ليك حق
ياسر  / انتى قولتى انك بتابعى اخبار الشركه صح
ليلى / طب مش هتطلبلى حاجه الاول
ياسر يقوم يقعد عالكرسى اللى قدامها  و يدخل الساعى
ليلى/ النسكافيه بتاعى يا عبده لو سمحت
ليلى/ اول متجوزت احمد الشركه دى كان رئيسها واحد عجوز كدا تقريبا اسمه سعيد المنصورى المشكله ان الشركه كانت بتخسر و اسهمها فى الارض
ياسر/ بس اللى اعرفه من احمد ان الشركه كويسه و بتحقق ارباح عاليه
ليلى/ دا حقيقى خصوصا السنادى انا بتكلم عن الموقف من خمس سنين
ياسر/ كملى
ليلى/ احمد كان محوش من شغله مبلغ كويس بابا اقترح اننا نشترى اسهم المساهمين اللى عارضينها للبيع و دا اللى حصل فعلا
ياسر / ممتاز و بعدين
الساعى يدخل بالنسكافيه
ليلى / شكرا هات لمون لاستاذ ياسر ..... و  عينت بابا مدير الحسابات و خفضنا مرتبات الموظفين طبعا معظمهم مشى و جبنا بدالهم شباب عاوزين يثبتوا نفسهم بربع مرتبات الناس القدام
ياسر / طب كل ده كويس
ليلى / انا جيالك فى الكلام
ياسر/ اتفضلى
ليلى / الاستاذ سعيد قدم استقالته و الحقيقه كان فاكر ان بكدا الشركه هتقع بس بالعكس هو الحقيقه خفف الحموله كتير و عينت مكانه الاستاذ نور الدين مع الوقت بدانا ننفذ مقترحات الشباب و وواحده واحده الاسهم بدات تزيد و الارباح كمان
ياسر/ برافو
ليلى/ انت طلبت اجتماع مع مجلس الاداره
ياسر / فعلا
ليلى / طب مانا قدامك اهو
ياسر/ نعم
ليلى / كلهم موظفين عندى تقدر تسالنى فاى حاجه
ياسر/ هو احمد يعرف حاجه عن الشركه و لا سايبلك المسؤليه
ليلى / طبعا عارف احمد قعد فتره طويله بيشتغل ليل نهار عشان يجيب فلوس توقف الشركه دى على رجليها
ياسر/ طب هو مين محامى الشركه
ليلى/ مكتب دكتور سليمان تحب اكلمهولك احددلك معاه ميعاد
ياسر/ ازاى حطيتى ايدك على كل الشركه فى الفتره دى
ليلى/ دى شركتى انا تعبت لحد موقفتها على رجليها
ياسر/ دى ورثى انا و احمد
ليلى/ معلش انت و احمد نصيبكوا مكنش جايب حتى خمسه و اربعين فى الميه حاليا نصيبى لوحدى خمسه و اربعين فى الميه
ياسر/ ازاى
ليلى/ انت مدايق اوى كدا ليه حقك محفوظ محدش بيجى جنبه و الارباح بتتحطلك فى حسابك فى البنك
ياسر/ انا مش فاهم اى حاجه
ليلى تقف / اسمع يا ياسر انا مقدره انك متفاجئ بس اخوك اتحايل عليك تيجى تدير الشركه و هى فعز ازمتها و انت رفضت و انا اتفرغتلها تمام
ياسر/ انتى اتفرغتى ازاى و انتى عيله
محمد يدخل
ليلى/ الحسابات جت راجعها براحتك انا هروح لو لقيت اى مشكله ابقى كلمنى
ليلى تمشى خطوتين / لو معاكش رقمى ممكن تطلبه من اى حد
.......
فى البيت عالاكل
احمد/ امال ياسر فين
ليلى/ فى الشركه
احمد / كويس انه قرر اخيرا يبص عليها
ليلى/ و ماله حقه برده
احمد/ مالك زعلانه من ايه
ليلى/ متشغلش بالك انت
احمد يمسك ايدها / لا بجد فى ايه
ليلى/ ياسر لما جه الشركه و عرف ان ليا نسبه عاليه اتنرفز عليا اوى الحق عليا يعنى
احمد يبوس ايدها / انا اسف حقك عليا يا روحى انا هكلمه
ليلى / كان فين هو و هى بتغرق جاى بعد موقفت على رجليها يتكلم و يقول حقى و نصيبى
احمد/ خلاص بقى متزعليش قولتلك هكلمه
ليلى/ اهو جه اهو
ياسر/ لو سمحت عاوزك يا احمد
احمد/ طب اقعد كل لقمه طيب
ياسر / مليش نفس عاوزك ضرورى
احمد/ اقعد بس انا عارف انت هتتكلم فايه اقعد
ياسر يقعد و يبص لليلى قدامه
ليلى بتاكل بهدوء و ترفع عينها و تبص لياسر
ليلى / مبتاكلش ليه دانا طابخه بايدى
ياسر/ كتر خيرك
هانيا /  مالك يا عمو مين زعلك
ليلى / خلصى اكل يا هانيا عشان معاد التمرين
هانيا/ حاضر
احمد/ خير يا معلم مالك
ياسر / لوحدنا
احمد/ طب اتغدى و نبقى نشرب الشاى فى المكتب كل بس كل
ليلى منتهى الهدوء و ياسر يبصلها
نعمه تدخل / تليفون يا ست ليلى
ليلى/ كنسلى انتى عارفه انى مبردش على تليفونات وقت الغدى
نعمه/ دا مكتب الدكتور سليمان المحامى
ليلى/ هكلمه بعدين
ياسر/ يااااه دانا عملت خناقه عشان اقابله و انتى بالبساطه دى تكنسلى عليه
ليلى/ معلش هو بس مكنش يعرفك
ياسر/ ماشى ماشى
ليلى/ انت مدايق اوى ليه كدا
احمد/ بعد الاكل لو سمحتوا
......،