#lolo #لولو_محمد
(((((((دخان))))))
الحلقة الثامنه
ياسر/ يااااه دانا عملت خناقه عشان اقابله و انتى بالبساطه دى تكنسلى عليه
ليلى/ معلش هو بس مكنش يعرفك
ياسر/ ماشى ماشى
ليلى/ انت مدايق اوى ليه كدا
احمد/ بعد الاكل لو سمحتوا
......،
فى المكتب
ليلى / انا هعملكوا الشاى
ليلى تخرج
احمد/ مالك يا معلم
ياسر/ انت بعتالها نصيبك
احمد/ كان هديه لما ولدت هانيا
ياسر/ انت مجنون يابنى انت ازاى تسلمها رقبتك بالبساطه دى
احمد / اهدى بس اولا ليلى مراتى انا مسلمها نفسى باكل من ايدها و بنام جنبها لو عاوزه تاذينى او تخلص منى مفيش اسهل من كدا بس هى مراتى و بتحبنى
ياسر/ اه بتحبك بنت عبد المولى
احمد/ الراجل ده هو اللى وقف الشركه على رجليها
ياسر/ حته محاسب لا راح و لا جه هو اللى انقذنا
احمد/ الشركه كانت بتخسر و كنا هنفلس و انا مش فاهم حاجه و ماما مش موجوده و انت سافرت كنت متوقع ايه الشركه كانت بتتسرق
ياسر/ و هى كدا مسرقتهاش
احمد/ بص انا مقدر عصبيتك بس ياريت تفتكر ان اللى بتتكلم عنها دى مرتى ام بنتى
ياسر / اسف
احمد/ انا كتبت لليلى نصيبى فى شركه خسرانه و بتفلس و هى وقفتها على رجليها هى و باباها
ياسر/ طب نصيبك حاجه وعشرين الباقى بقى جابتهم منين
احمد/ لما حمايا اقترح نشترى الاسهم و هى فى الارض
ياسر/ تكتبهم باسمها برده
احمد/ انا حر فلوسى و تعبى و برميهم فى الارض اديتهوملها و انا واثق انها هتنجح كان عندها شغف و حماس رهيب انها تنجح كان لازم اشجعها و نجحت
ياسر/ ناصح
احمد/ انا مباخدش جنيه مالشركه انا بصرف عالبيت ده من شغلى و حتى لو الشركه وقعت شغلى كان هيحافظ على نفس المستوى اللى انت فيه بس ساعتها انا اللى كنت هبقى بصرف عليك لكن ليلى انقذت ورثك و ثروتك لولا ليلى كان زمانك انت و ماما مش لاقين تاكلو
ياسر/ للدرجادى
احمد/ انت راجعت حسابات السنادى صح
ياسر/ ايوه
احمد/ طب اتعب شويه و راجع حسابات السنين اللى فاتت من قبل متسافر و شوف ليلى فى سنها الصغير ده قدرت تعمل ايه
ياسر/ ليلى ليلى
احمد/ ليلى دى مرات اخوك و اختك لو جرالى حاجه النهرده هتبقى هى و بنتى فرقابتك
ياسر / انت بتقول ايه
احمد/ انا عارف ان ليلى ميهمهاش غير مصلحه عيلتنا و عاوزك تقف جنبها و تساعدها
ياسر/ و ماله
احمد/ انا بحبها يا ياسر
ياسر يبصله و يهز راسه
ليلى تدخل / الشاى و لا استنى شويه
ياسر/ تعالى
ليلى/ انت مديونلى بعتزار
ياسر/ واضح انى مديونلك باكتر من كدا بكتير
ليلى/ شكرا
احمد/ كويس ان الموضوع خلص بدرى عشان عندى شغل
ليلى/ لا يا احمد حرام عليك انت وعدنى
احمد/ معلش والله غصب عنى هعوضك
ليلى/ طب اشرب الشاى دانا عملتهولك بايدى
احمد يمسك ايدها و يبوسها
احمد/ هعوضهالك ده وعد
ليلى تحضنه و تبوسه
ليلى/ ماشى و لا يهمك
ياسر مفقوع
احمد/ مع السلامه يا قطتى
ليلى/ سلام يا سبعى ههههههه
ياسر عينه تنور
احمد/ سلام يا ياسر .... ياسر ... انت يابنى
ياسر/ اه اه سلام
ليلى تعد زعلانه و احمد ماشى
ياسر/ قطتى و سبعى
ليلى / هههههه معلش كان موقف بنا اول متخطبنا قالى ياقطتى قولتله يا سبعى دحكنا من يومها و احنا بنقولها طول الوقت
ياسر/ سمعتيها فين
ليلى / و لا اعرف هى جت كدا
ياسر / انتى زعلانه منى
ليلى/ ابدا بس احمد
ياسر/ ماله
ليلى / كان واعدنى انه يحضر معايا درس التانجو المرادى بقالى تلت حصص بتمرن لوحدى و المدربه زهقت منى لانها قصيره فمش بعرف اخد الوضعيه صح اعمل ايه بس
ياسر/ هههههههه
ليلى تبصله
ياسر/ اسف انا كنت فاكرك هتشتكى ان وقته كله فى الشغل
ليلى/ دى اكتر حاجه بحبها فيه مع انى برده ساعات بدايق بس كدا احسن
ياسر/ احسن فى ايه
ليلى / متزعلش منى انا عارفه انك اتغيرت بس انا كنت بخاف لتطلع جينات و ...
ياسر/ فهمت
ليلى / بس الحمد لله انشغل بشغله و بس
نعمه/ مدربه التانجو وصلت يا ست ليلى و دخلتها الجيم
ياسر/ انا ممكن احضر درس التانجو معاكى لو عاوزه
ليلى / مش عاوزه اتعبك
ياسر/ لا مفيهاش تعب اهو ممكن تعتبريه اعتزار عن انفعالى
ليلى/ انا مقدره ليك حق برده انت متعرفنيش و مش سهل تثق فيا
ياسر/ طب يلا بينا
ليلى / يلا
.........
بالليل فى اوضه ياسر
احمد / ممكن ادخل
ياسر/ تعال يا معلم
احمد/ انا جاى اطمن عليك انك خلاص مش زعلان
ياسر / لا خلاص
احمد/ ليلى حكتلى انك حضرت معاها دروس التانجو
ياسر/ اه غريبه ليلى بترقص كويس بالرغم ان رجليها متعوره
احمد/ ياما دقت عالراس طبول ليلى عندها قدره رهيبه على تحمل الالم بشرط توصل للى هى عوزاه تعرف انها ولدت هانيا طبيعى منغير اى مسكنات او بنج دا غير ان سنها كان صغير
ياسر/ برافو
احمد / يوميها عمرى مكنت متخيل انها تطلع عايشه اصلا صوت صريخها لسه فودنى كانت ماسكه ايدى و بتقولى متسبنيش
ياسر/ لحظه صعبه
احمد/ على رايها عمر الشقى بقى هو فى اكتر من انها تنجى مالحادثه الاولانيه
ياسر/ هو مفيش اى اخبار ازاى حصلت
احمد / لا كل اللى نعرفه ان عربيه نقل لقتها نايمه فنص الطريق و هدومها متقطعه اللى عمل كدا حيوان كان سهل اوى اى عربيه تدوسها يعنى مش كفايه كميه الكدمات دى كان حد نزل على ضهرها و جسمها ضرب لما قال يا بس و فى الاخر اغتصبها و رماها فنص الشارع كانه بينتقم
ياسر/ طب اهدى بس
احمد / لو احط ايدى عليه هفرمه
ياسر/ طيب طيب اهدى
احمد / بقولك ايه يادوب اروح انام عشان الصبح عندى عمليات
ياسر/ مبتزهقش مالعمليات
احمد / اخوك بلا فخر قريب اوى هيبقى اصغر و اشهر دكتور جراح فى مصر
ياسر/ مفكرتش تسافر
احمد / لا طبعا انا بعمل نص العمليات ببلاش او اجور رمزيه للغلابه اسافر و اسيب ده لمين
ياسر/ ربنا يكتر من امثالك
ّ.......
بالليل خالص ياسر نايم هانيا تفتح الباب
هانيا/ عمو عمو
ياسر/ خير يا حبيبتى فى ايه
هانيا/ انا شوفت كابوس و ماما و بابا قافلين الباب ممكن انام جنبك
ياسر/ طبعا ياروحى تعالى
.......
تانى يوم ياسر و هانيا نايمين و احمد يدخل
احمد/ خلاص لقيتها
ياسر/ فى ايه يا احمد
ليلى تدخل / انت وصلت بيك للدرجادى دى عيله ابعد ايدك عنها
ليلى تشد هانيا مالسرير
ياسر/ هى ايه اللى وصلت انتى ازاى تكلمينى كدا
احمد/ اهدى يا ليلى ميصحش كدا
ليلى / لو حطيت ايدك على بنتى تانى هقطعهالك
ياسر/ انتى مجنونه انت. متخيله انى ممكن المس بنت اخويا
ليلى/ المريض اللى زيك يعمل اى حاجه
احمد/ خلاص يا ليلى امشى
ليلى تاخد البنت و تمشى
ياسر/ انت مصدق المجنونه دى قالت ايه دى لازم تتعالج
احمد/ ليلى حلمت بكابوس صحيت مالنوم على صوت عياطها بتنادى اسمك صحيتها و سالتها فى ايه مرضيتش تقولى بعد معاناه فهمت انها حلمت انك يعنى ...
ياسر / انى ايه
احمد/ قالتلى انك اغتصبتها
ياسر بيبرق/ ايه
احمد/ فى الحلم يعنى كابوس عشان كدا هى مش فى المود
ياسر يقعد عالسرير
احمد/ معلش هى برده اللى شافته مكنش شويه سامحها
ياسر ساكت و باصص فى الارض/ تعرف انا راجع لندن
احمد / انت بتقول ايه انا مصدقت انك رجعت
ياسر/ انت مش حاسس من ساعه مرجعت و كل حاجه هربت منها بتظهر تانى انا اتغيرت بس زمان مبيتمسحش
احمد/ مع الوقت كل حاجه هتتصلح
ليلى تدخل / انا اسفه
احمد/ شوفت اهى لما هديت عقلت اهو
ياسر يهزلها راسه و ليلى تمشى
ياسر/ انت مش زعلان مالكابوس بتاعها
احمد/ مهياش اول مره خلاص خدت على كوابيسها دى
ياسر/ هى علاطول بتحلم بكوابيس مالنوع ده
احمد/ لا مش علاطول كل فتره كدا بصحى على صوتها بس كترت الفتره اللى فاتت منكرش انى بدات اقلق عليها بس هى بتقول انه ضغط الشغل و كدا
ياسر/ انا هقوم اغسل وشى و انزل الشركه تقريبا فى انترفيو ليلى طلبت منى احضر
احمد/ احسن حل اشغل نفسك بالشغل دا مبدا ليلى
ياسر / ماشى
......
أنت تقرأ
دخان بقلم /لولو_محمد (كامله)
Romansفتاه مراهقه تتعرض للاغتصاب و تقدم لها الحياه بدايه جديده فهل ستدوم تلك الحياه ام سينكشف الماضي
