دخان بقلم /لولو_محمد (كامله)

الحلقه ١٢

#lolo #لولو_محمد
((((((دخان))))))))
الحلقة الثانية عشر

احمد/ لا متخافيش مفيش مقارنه بينك و بين اى ست تانيه فعينى اصلا بشوفهم كلهم بشنبات
ليلى/ احلف
احمد/ هو مش بشنبات اوى يعنى بس محدش منهم ممكن ينافسك فى قلبى
ليلى / اقعد بقى احكيلى رحلتك بالتفصيل
ليلى و احمد يقعدوا يتكلموا لحد الصبح
.........
تانى يوم احمد و ليلى و هانيا نايمين  عالسرير نجاح تدخل عليهم
نجاح/ احمد انت جيت امتى يابنى
احمد/ صباح الخير يا ماما
نجاح/ حمد الله عالسلامه يا حبيبى
ليلى/ هانيا اصحى يا حبيتى عشان تلحقى المدرسه
محمد يدخل / صباح الخير الله دا الغالى هنا
احمد/ اهلا يا عمى
هانيا/ مش عاوزه اروح المدرسه النهرده يا ماما
احمد/ خلاص بلاش النهرده
ليلى/ بتقول ايه يا احمد
احمد/ مش مشكله النهرده بس و بكره تروح
ليلى / طب يلا انا هقوم اللبس و نروح بيتنا
نجاح / خليكى يا بنتى
ليلى / معلش يا ماما عشان احمد يرتاح
محمد / طب انا هروح اللبس عشان متاخرش عالشغل
......
فى البيت
نعمه / حمدالله عالسلامه يا ست ليلى
ليلى / طمنينى
نعمه / مفيش جديد يا ستى
احمد / طب روحى شوفى شغلك احنا هنطلع ننام محدش يصحينا
ياسر/ يا سيدى عالحب و انا اقول روحت فين
احمد / عقبالك متاخدونيش فدوكه انا بسقط و انا واقف عاوز اناااااام
ليلى / طب اطلع نام انت يا حبيبى و انا هظبط شويه حاجات عشان ماما لما تيجى
احمد يطلع
ياسر/ هى جايه النهرده طب مجتش معاكوا ليه
ليلى /  لا جايه بكره روح الشركه خلص كل حاجه عشان انت بكره اجازه
ياسر / تمام يا فندم
ليلى/ ياسر معلش انا طلبت من ياسمين تجيبلى ورق هنا ابص عليه معلش يعنى عشان هتروح مش هتلاقيها
ياسر / مفيش مشكله باى هانيا
هانيا/باى عمو
ليلى/ روحى يلا اللعبى يا حبيبتى
......
عند البوابه
ياسمين/ صباح الخير
ياسر/ صباح النور ليلى مستنياكى جوه
ياسمين/ دخلالها اهو
ياسر/ تحبى استناكى ترجعى معايا
ياسمين/ مفيش داعى انا هخلص و امشى علاطول
ياسر/ اوك باى
.......
فى البيت
ليلى/ نراجع الوضع اللى احنا فيه ياسر لا بشرب سجاير و لا بنات و لا اى حاجه من بتاعه زمان
نعمه/ مستحيل تلاقيه بس مراعى اى حاجه او مش لاقى حافز
ليلى/ جربنا كل حاجه رقصت معاه و خليته يشيلنى و كنا لوحدينا
ياسمين/ و كان معايا لوحدى كمان و محاولش اى حاجه
نعمه / خلاص فهمت مش هنقدر نثبت انه لسه زباله
ياسمين/ خلاص نطلع ماضيه القديم
ليلى/ كلو الا ده
ياسمين/ انتى حطيتى ايدك عالشركه هتخافى من ايه
نعمه / صح نطلع الكشكول
ليلى/ قولت لا الكشكول لا
نعمه/ ليه  خايفه من ايه
ليلى  / لولا الكشكول مكنتش هعرف اوصلك يا ياسمين
ياسمين/ عارفه بس ايه احتمال ان واحده تقدم السى فى بتاعها و تعرفيها من صورتها تانى بعيد جدا
نعمه/ و بعدين انتى خايفه احمد يشوف صورتك مانتى فاقده الذاكره هو هيلوم اللى فاكر و خبى عنه
ياسمين/ و بعدين ياسر لو كان اتغير فعلا كان قطع الكشكول اول موصل مصر
ليلى/ ممكن يكون ناسيه
ياسمين/ لا و انتى الصادقه دا مستنى يطلعهولك فى الوقت المناسب صيديه قبل ميصيدك
ليلى / انا مقدرش اعمل كدا فاحمد مقدرش
نعمه/ بصى كدا علينا شايفانى كويس شايفه ايه عيله صغيره كان بيستغل انها شغاله عنده و متقدرش تقول لابوها لولا احمد دخل عليه الاوضه اليوم ده كان زمانى بقيت زيك و مكنتش هقدر افتح بقى و اقول لابويا حاجه
ليلى / طب احمد ساعدك بلاش انتى تجرحيه
ياسمين/ انا بقى كلو كان بمزاجى ههه كان زميلى فى الكليه كان بيخاف عليا مالهوى ظهر فاكتر وقت كنت محتاجاه فيه كان حنين اوى ابن الايه حبيته و عمرى مكنت اتخيل انه هيسيبنى قال ايه انا مش بتاع جواز لو عوزانا نكمل مع بعض كدا ماشى غير كدا لا
ليلى/ متنسيش ان نفسيته كانت وحشه انتى قولتيلى انه كان بيعيط كتير و كان خايف لما تموت تروحى تتجوزى غيره كان خايف يكون اب و عياله يشوفوا اللى هو شافه
ياسمين/ انتى بتدافعى عنه و لا ايه طب  انا كنت اول بنت فالكشكول كل القصص اللى بعدى ايه حجته نعمه و انتى ايه مبرره
ليلى/ انا كنت يوم فرح مامته
نعمه/ انتى لسه بتحبيه يا ليلى و لا ايه
ليلى / انا مبكرهش فى الدنيا قده بس مش عاوزه اضر الانسان اللى بحبه فى السكه
ياسمين/ فوقى هو لو كان ياسر اتحرش بيكى و لا اغتصبك مكنش هتبقى نفس النتيجه
ليلى/ طب شوفوا حل تانى اجلو الكشكول للاخر
ياسمين/ هى مامته جايه بكره صحيح
ليلى/ ايوه
ياسمين/ هتعرفى تقنعيها تبيعلك نصيبها
ليلى/ معرفش
نعمه/ لو باعت نصيبها لياسر هتزود نسبته و هتوقفه على رجله
ليلى/ دا لو قررت تبيع اصلا
ياسمين / هى مش سالفه منك فلوس فى سفريتها الاخيره
ليلى/ ببساطه تقول لاحمد عاوزه فلوس هيبيع هدومه و يديها و باظت الخطه
ياسمين/ احمد ملاك عالارض
ليلى/ الحمد لله لولاه كان زمانى ميته و نعمه كمان
ياسمين/ ربنا يخليهولك
نعمه/ هو انتوا مفكرتوش انه يمكن عشان جربنا كلنا ملوش مزاج
ياسمين/ يعنى نجيبله بنت جديده يعنى مثلا
نعمه/ مثلا
ليلى/ ههههههههه
نعمه / بتدحكى ليه
ليلى/ بصوا انا فكرت فكلامكم
ياسمين / و النتيجه
ليلى/ انتى فى الشركه زى مانتى تراقبيه و كل شويه تديله كلمتين حلوين على كام زكرى
نعمه/ و انا
ليلى/ انا و انتى بقى هنظبطله كان موقف كدا بس لما ماما توصل
ياسمين/ زى الكوبايات
ليلى/ متفكرنيش كان ايه لزمته الزيت يا نعمه رجلى اتعورت بجد
نعمه/ انتى فكراه اهبل هيقفش تمثيلك علاطول كان لازم يكون واقعى
ليلى/ تقومى تموتينى يعنى
نعمه/ ههههههههههه
ياسمين/ انا لازم امشى
ليلى/ انا هطلع اطمن على احمد  و لو فى جديد نبقى نتفق عليه
نعمه/ ماشى
.......
ليلى تنام جنب احمد و احمد يحضنها
ليلى/ ايه ده انت صاحى
احمد/ لا صحيت لما جيتى جنبى
ليلى/ اخص عليا صحيتك
احمد/ دماغى هتنفجر مالتفكير
ليلى/ خير
احمد/ ماما جايه بكره هعمل ايه
ليلى/ انا قولت لياسر و كلو هيبقى تمام
احمد/ تمام طمنتينى
ليلى/ انت عندك مستشفى النهرده
احمد/ بالليل
ليلى/ طب تمام نام و ارتاح بقى عشان تركز فى العمليات
احمد / هانيا فين
ليلى/ بتلعب فى الجنينه و نعمه معاها نام انت بقى
احمد/ طب  تمام حاضر
.......
فى الشركه
ياسمين/ انا جيت يا فندم تؤمر بحاجه
ياسر/ لا شكرا
ياسمين واقفه فى مكانها
ياسر/ فى حاجه يا ياسمين
ياسمين/ اصل انا كنت محتاجه.... خلاص مش مشكله عن اذن حضرتك
ياسر/ ياسمين خير كنتى عاوزه ايه
ياسمين/ كنت محتاجه سلفه مالمرتب لاول الشهر
ياسر/ ماشى هخليهم يصرفولك نص شهر مقدم
ياسمين/ انا والله كنت هكلم مدام ليلى بس احرجت
ياسر/ حصل خير انا هتصل بالحسابات و ابلغهم يعملوا كدا مع كل الموظفين الجداد كمان
ياسمين/ كتر خيرك يا ياسر بيه
ياسر/ بيه !!!!
ياسمين/ امال اقولك ايه
ياسر/ ولا حاجه روحى شوفى شغلك
ياسمين/ حاضر يا فندم
........
شويه و محمد يدخل
ياسر/ ازى حضرتك
محمد/ الحمد لله خير حضرتك طلبتنى
ياسر/ اه كنت عاوز اصرف نص مرتب الشهر ده للموظفين الجداد و اول الشهر يقبضوا باقى المرتب عشان لو عندهم ظروف او حاجه
محمد / الشهر ده بس
ياسر/ ايوه بعد كدا يستلموا مرتبهم كامل اخر الشهر
محمد / حاضر يا فندم
ياسر/ معلش هو مرتب الانسه ياسمين كام
محمد/ فى تلت شهور تدريب تحت الاختبار بنص اجر و لو اتثبتت هتقبض مرتب كامل
ياسر / اعتبرها اتثبتت قولى مرتبها كام
محمد/ الفين جنيه
ياسر/ خليهم اربعه بقرار منى
محمد/ انا مش عاوز  اكسر كلامك بس فى رنج للمرتبات هنا ليلى و مجلس الاداره متفقين عليه لو حضرتك رفعت مرتبها للضعف هنا من اول شهر ناس كتير هتدايق لان بقالهم سنين
ياسر/ اعمل اللى بقولك عليه
محمد/ حاضر بس ليلى
ياسر/ سيب ليلى عليا انا هكلمها
محمد / حاضر
........
فى البيت
تليفون ليلى يضرب
ليلى/ الو .... ايوه يا ياسر خير .... مينفعش يا ياسر كدا الموظفين هيعملوا انقلاب علينا و يدايقوا اشمعن هى يعنى ...... والله ان كان كدا ماشى .... حاضر هكلم بابا و ابلغه .... سلام
ليلى تقفل المكالمه و تضير تلاقى احمد
احمد/ خير فى ايه
ليلى / ياسر قرر يضاعف مرتب سكرتيرته تخيل هيديها اربع تلاف من اول شهر
احمد/ و ايه المشكله
ليلى / ازاى يعنى و فى ناس اقدم منها مبياخدوش الرقم ده
احمد/ طب اتفقتوا على ايه
ليلى / هيدفع الفرق من معاه
احمد/ غريبه تصدقى ليه يعنى اشمعنى
ليلى / اصلها كانت دفعته و على فكره حلوه اوى
احمد/ يا شيخه طب مش هيعرفنى
ليلى تبرق
احمد/ بهزر والله
ليلى/ انا جعانه موت
احمد / ماشى يلا ننزل نشوف حاجه ناكلها
...........