#lolo #لولو_محمد
((((((دخان))))))
الحلقة الرابعه
احمد/ ممكن ادخل طيب نتكلم كلمتين
محمد/ خير
احمد/ دانت صعيدى و ابو الواجب هتضايفنى عالباب
محمد / اتفضل ثوانى هسند البت عالاوضه
.......
نجاح/ اتفضل شاى
احمد/ شكرا
محمد/ خير يا دكتور
احمد/ انا جاى اطمن عليكوا و على ليلى
محمد/ والله كلنا كويسين كتر خيرك
احمد/ ليلى ملهاش اى ذنب فى اللى حصل دى ضحيه بلاش تحملها المسؤليه و تعاقبها لوحدها
محمد/ ماشى يا دكتور شكرا عالنصيحه
احمد/ انا كلمت الدكتور مصطفى و قال انه مستعد يتكفل بالحاله لحد متخف و يمكن لما تخف و ترجعلها الذاكره توصف الجانى و تاخد بتارك
محمد/ و دا هيرجع اللى راح يا دكتور
احمد/ خلى عندك ايمان بربنا
محمد / و نعم بالله بس قولى يا دكتور انت تقبل تربط حياتك بواحده زى بنتى
احمد/ قصدك ايه
محمد/ لو روحت تتقدم لواحده و ابوها قالك انها اتعرضت لاغتصاب هتكمل فى الجوازه
احمد/ الحقيقه
محمد/ الحقيقه يا دكتور انا مقدر تعاطفك مع بنتى بس هى خلاص قصه حياتها خلصت على كدا اكيد انا مكنتش اتمنى ان دى تكون النهايه بس كلو نصيب يا دكتور نورتنا
احمد / عن اذنك
احمد يوصل للباب يضير يلاقى ليلى واقفه على باب اوضتها يرجع لابوها
محمد/ خير يا دكتور
احمد/ الحقيقه انى يشرفنى اتجوز بنتك
محمد/ انا مقدر مشاعرك الطيبه بس الشفقه دى مش هتستمر
احمد/ انا المسؤل عن قرارى و انا اللى هتحمل مسؤليته زى مقرار موتها من حياتها مهو بايدك بس هى اللى هتتحمله
محمد/ و انت زنبك ايه تربط حياتك بواحده زى ليلى
احمد بزعيق / انت بتتكلم عن ليلى على انها اتمسكت فى شقه مفروشه ليلى ضحيه حيوانات انت ليه بتشيلها مسؤليه حادثه ملهاش اى ذنب فيها امال لو مكانتش بنتك يا اخى
محمد بزعيق / انت جاى تزعقلى فبيتى
احمد/ انا اسف بس حضرتك استفزتنى ...هاه نقرا الفاتحه
محمد / ادينى فرصه يومين افكر
نجاح/ لولولولولولولولولى
محمد/ جرا ايه يا وليه
نجاح/ ابوس رجلك يا محمد بلاش تكسر بخاطرى و ادى للبت فرصه تانيه
محمد/ اصلى استخاره وارد عليك
..........
فى اوضه ليلى
نجاح / الف مبروك يا ليلى انكتبلك عمر تانى على ايد الدكتور ده
ليلى/ و دى حاجه حلوه و لا وحشه
نجاح/ انا قلبى بيقولى انه هيصونك و يقدرك
ليلى/ ان شاء الله
.......
تانى يوم جرس الباب يضرب
محمد/ مين .... دكتور احمد خير
احمد/ جاى اخدكوا تشوفوا الشقه عشان لو عاوزين تغيروا اى حاجه
محمد/ شقه ايه يابنى انا مش قولت هفكر
احمد/ يلا يا عمى بقى خير البر عاجله
نجاح/ ثوانى هلبس و اللبس ليلى
محمد/ نجاح
نجاح/ لولولولولولى
احمد/ هههههههههههه
........
قدام فيلا ياسر
ليلى / احنا ايه اللى جبنا هنا
احمد/ بيتى
نجاح / انت عايش هنا لوحدك
احمد/ حاليا اه بابا متوفى و ماما مسافره و اخويا كمان
نجاح/ بسم الله ما شاء الله
احمد/ يلا اتفضلو اتفضلو .... نعمه يا نعمه
نعمه / ايوه يا سى احمد
احمد/ عروستى و اهلها عاوزين غدا حلو بقى على زوقك
ليلى/ مين نعمه
احمد/ نعمه دى عشره عمر هى و باباها و مامتها المسؤلين عن كل حاجه فى الفيلا و هيبقوا ايدك و رجلك فى البيت
ليلى / البيت ليه ساكت اوى كدا
احمد/ معلش من يوم ماوالدى اتوفى و الروح راحت منه
ليلى/ دول عيلتك اللى فى الصور دول
احمد / دا بابا الله يرحموا و دى ماما
ليلى تمسك نفس الصوره اللى كانت مسكاها يوم الحادثه/ دا اخوك
احمد/ ياسر اخويا الصغير بيدرس فى لندن الواطى مسلمش عليا اصلا انا معرفتش اى حاجه عن سفره غير النهرده الصبح لما قالولى انه مش موجود اتصلت بيه قالى انه فلندن وروحت خت عربيته مالمطار تخيلى فتحتها بالاستبن
ليلى/ ربنا يوفقه
نجاح / والله البيت شرح و برح و يرد الروح
احمد/ نطلع نشوف الدور اللى فوق
ليلى / لا ملوش لزوم
احمد/ ليه مش عاوزه تشوفى الاوض و اوضتى عشان نغير اى حاجه فى العفش
ليلى / مش قادره اطلع سلم جسمى واجعنى
احمد/ ماشى يا ام نعمه
ام نعمه/ ايوه يا سى احمد
احمد/ خدى حمايا و حماتى فرجيهم عالاوض فوق و خصوصا اوضتى عشان لو فى اى ملاحظات
نجاح/ يابنى ملاحظات ايه بس
احمد /معلش يهمنى رايكم
نجاح تطلع مع ام نعمه و محمدو احمد و ليلى يعدوا عالكنبه
ليلى/ مطلعتش معاهم ليه
احمد/ دى فرصه معرفش هتتكرر تانى ولا لا انا قاعد لوحدى معاكى
ليلى تبصله
احمد/ لا هعد بادبى والله بصى قبل اى حاجه فى حاجات لازم تعرفيها عنى عشان تقررى ان كنتى هتقبلى بيا و لا لا
ليلى / هقبل و لا لا
احمد/ طبعا مش يمكن لو عرفتى الحاجات دى تقولى الموت اهون انى اعيش مع واحد زيك
ليلى/ احكى
احمد/ انا والدى اتوفى و انا صغير و ماما اتجوزت بعدها بكام شهر و انا و اخويا اتربينا هنا فرغلى و مراته هما اللى ربونى انا و اخويا علاقتى بامى من يوميها تليفونات
ليلى / فرغلى مين
احمد/ الغفير و الجناينى و مدير البيت و ابو نعمه
ليلى/ و بعدين
احمد/ المشكله ان ماما كل فتره بتطلق و تتجوز يعنى اقدر اقولك انى بطلت اعد دا العريس رقم كام ياسر اخويا مبشوفوش خالص برده علاقتى معاه تليفونات فلهيت نفسى فى المزاكره و الشغل و قررت انسى ان ليا عيله
ليلى/ بجد
احمد/ نسب يشرف مش كدا
ليلى/ المهم انت ايه
احمد / بصى اوعدك انى عمرى مهقصر معاكى و لا هزعلك و لا فيوم هتكلم فى اى حاجه فاتت و هخليكى فخوره بيا كزوج
ليلى / ماشى
احمد/ ايه ماشى دى
ليلى/ طب اقول ايه
نجاح تنزل من فوق هى و محمد و ام نعمه
احمد. /ها تحبوا نجيب اوضه نوم جديده
محمد/ و الله الاوضه حلوه و زى الفل و ملهاش اى لزوم المصاريف
نعمه/ الاكل جاهز
احمد/ طب تمام اتفضلوا
......
فى البيت فى اوضه نجاح و محمد
نجاح /مكتوبلك العز يا ليلى شوفت ربنا عوضها خير
محمد / واد غنى و متعلم و ابن ناس و يبيعنا و يشترينا ليه يبص لليلى
نجاح / النصيب
محمد/ انا خايف يجرحها
نجاح/ لو فيوم ظلمها او اذاها هنطلقها و ساعتها تبدا حياتها من اول و جديد
محمد/ انتى مصدقتى و شبطتى
نجاح / البت اتولدت من جديد بلاش نبوظ فرحتها
........
بعد شهرين فى الفيلا فى اوضه احمد ليلى بفستان الفرح
احمد/ الف مبروك يا عروسه
ليلى / الله يبارك فيك
احمد / مالك
ليلى / مش عارفه مخضوضه شويه حاسه ان كل حاجه جت فجاه
احمد/ معلش بكره هعوضك عن كل اللى فات
ليلى / ممكن اتكلم معاك
احمد/ طبعا تعالى اقعدى
ليلى / انا اول حاجه فكراها فى الدنيا دى هى انت لما فتحت عينى و شوفتك و من ساعتها و انت بقيت كل حياتى كنت بتحجج عشان مروحش للدكتور او اخد اى دوا بعدت عن كل الناس اللى تفكرنى بزمان
احمد/ ليه
ليلى/ انا اتولدت يوم مشوفتك مش فارق معايا عمرى اللى عدى
احمد/ بس اكيد ليكى زكريات حلوه كتير
ليلى/ بس اكيد هفتكر اللى حصل و ساعتها اكيد هتعب انا لا عاوزه الحلو و لا الوحش انا عوزاك انت و بس هعتبر انى اتولدت على ايدك و هعيش عشانك انت بس
احمد/ متاكده من قرارك ده
ليلى/ بيتهيالى اه
احمد/ ماشى خلاص
ليلى / ليا طلب تانى
احمد/ خير
ليلى/ انا زعلانه من مامتك و ياسر اوى
احمد/ انا قولتلك انهم مش هيجوا قولتلك انهم بره حساباتى
ليلى/ بس دول عيلتك كان المفروض يجوا و يشرفوك يشوفوا عروستك و يباركولها
احمد / يلزمك حد غيرى
ليلى / لا طبعا
احمد/ خلاص
ليلى/ بس انا خت قرار
احمد/ اللى هو
ليلى / مفيش اى صور ليا هتروحلهم يكتبولى جميله و يشتموا فى سرهم اللى عاوز يشوفنى يجى يشوفنى و ش
احمد/ هههههههههه حاضر يا ستى اى طلبات تانى و لا ايه
ليلى / طلب اخير
احمد/ هى ليله باينه قولى
ليلى/ هههههههه عوزاك تحبنى
احمد/ ايوه بقى
........
بعد خمس سنين
بنت صغيره/ مامى اصحى اصحى
ليلى / هانيا اطلعى بره سيبينى انام
احمد/ اصحى يا كسوله الساعه ٨
ليلى / صحيت خلاص النهرده الجمعه اصحى بدرى ليه
احمد/ احنا هنروح النادى تيجى معانا
ليلى / لا عندى مزاكره
احمد / طب قومى ذاكرى احنا ماشين سلام يا قطتى
ليلى / سلام يا سبعى
......
احمد/ نعمه يا نعمه
نعمه/ ايوه يا سى احمد
احمد/ ليلى هانم نايمه ساعه كدا و خبطى عليها من بره متخشيش عشان بتدايق
نعمه / امرك يا احمد بيه
........
أنت تقرأ
دخان بقلم /لولو_محمد (كامله)
Romanceفتاه مراهقه تتعرض للاغتصاب و تقدم لها الحياه بدايه جديده فهل ستدوم تلك الحياه ام سينكشف الماضي
