دخان بقلم /لولو_محمد (كامله)

الحلقه ١٥

#lolo #لولو_محمد
((((((دخان)))))))
الحلقة الخامسة عشر

تليفون ليلى يرن / الو .،،، ايوه وصل حالا .....  و انتى قلقانه كدا ليه ..... شويه كدا و تعالى .... يلا سلام
نعمه تدخل / خير
ليلى/  انا خايفه اوى يا نعمه
نعمه/ خايفه من ايه هو ضعيف اهو احنا نضرب بقى
ليلى/ اللى بيلعب بالنار اكيد هيتلسع بيها
.........
فى اوضه ياسر
ليلى/ ممكن ادخل
ياسر/ اتفضلى
ليلى/ انا رجعتلك الهدوم تانى الدولاب
ياسر/ تعبتى نفسك
ليلى/ انت كويس يا ياسر
ياسر/ اه
ليلى/ ممكن اقعد جنبك
ياسر / اتفضلى
ليلى/ احمد بيحبك اوى يا ياسر ارجوك عشان خاطر هانيا ساعده يرجع البيت ده زى مكان
ياسر/ هو اللى اتكسر ممكن يتصلح يا ليلى
ليلى / نحاول
ياسر/ يعنى لو مثلا مثلا يعنى انا كنت اللى عمل فيكى الحادثه و جيت بعد السنين دى كلها و قولتلك سامحينى هتسامحينى
ليلى/ لا
ياسر/ مفكرتيش حتى اللى انكسر عمره مبيتصلح و لو حاولت تصلحه هتنجرح و ممكن كمان تجرح اللى حواليك احسن حل انك تلمه و ترميه و حتى و انت بتلمه ممكن تنجرح
ليلى / و انت انجرحت و لا جرحت
ياسر/ الاتنين
ليلى / تحب تحكى
ياسر/ لا
ليلى/ انا هسيبك شويه بس عاوزه اقولك حاجه هى صعبه بس انت قدها لو عاوز الناس تسامحك  لما غلطت فيهم لازم انت كمان تسامح الناس اللى غلطوا فيك و الجروح بتداوى مدام احنا عايشين  فحاول تعالج الجروح اللى اتسببت فيها و اصحابها لسه عايشين عشان لو ماتوا مش هينفع يسامحوك ... اخوك دايما يقول كدا بس عمرى مقدرت اطبقها الصراحه
ياسر/ حافظى عليه يا ليلى مفيش زيه
ليلى/ عارفه  عن اذنك
......
فى اوضه ندى
احمد/ انتى ليه منشفه دماغك كدا
ندى/ انا حره فنصيبى
احمد  / طب اكتبيه لياسر
ندى / لا هكتبه لليلى هى سلفتنى الفلوس
احمد/ انا هدفعهم لليلى متشغليش بالك
ندى / خلاص روح ادفعهم انت لياسر
احمد  / بصى يا ماما انا عارف انتى بتفكرى فايه و عارف انك رافضه تاخدى منى اى فلوس او من ياسر بس احنا اولادك
ندى / كان المفروض انا اللى اديكوا مش اخد منكم
احمد / خليكى جنبنا دا كل اللى عاوزينه منك
ندى/ وجودى دايما سبب المشاكل ياسر هو اللى بيتضر
احمد/ انا تعبت اعملى اللى يريحك بس لو احتجتى لاى حاجه دا بيتك و احنا اولادك
ندى/ خد بالك من ليلى يا احمد البنت دى كويسه على قد مجواها اسرار بس هى كويسه انا عارفه
......
فى اوضه ياسر
نعمه/ سى ياسر انسه ياسمين تحت
ياسر/ ياسمين .... نازل حالا
......
فى المكتب
ياسر/ خير يا ياسمين انتى كويسه فى ايه
ياسمين/ انت كويس يا ياسر
ياسر/ عايش
ياسمين/ قلقت عليك قولت اجى  اطمن
ياسر يحاول يمسك دموعه / الدنيا صعبه يا ياسمين  و كل واحد بيجى على اللى اضعف منه انا اسف بجد على زمان
ياسمين/ زمان كان فتره و انتهت خلينا فى النهرده
ياسر/ انا عمرى مسامحت نفسى على اللى عملته معاكى انا بجد
ياسمين/ انا ماشيه
ياسر/ ارجوكى استنى انا بجد محتاجك
ياسمين/ عن اذنك يا ياسر
ياسمين تمشى و ليلى تدخل
ليلى/ هو ايه الحكايه
ياسر  / هى مدام ندى فين
ليلى/ فى اوضتها عاوز تتكلم معاها
ياسر. يتنهد  / لا
ليلى/ هو انت و ياسمين كنتوا
ياسر يبص لليلى / كنا سكشن واحد بس خلاص كان زمان
ليلى/ بتحبها
ياسر يبص لليلى/ لا ايه اللى بتقوليه ده
ليلى/ انت قولت انك بتحب واحده
ياسر/ ليلى ارجوكى سيبينى انا مش فمود اكلم حد
نعمه تدخل / دكتور احمد بيدور عليكى يا ست ليلى عشان نازل
ياسر/ روحيلو
.......
فى اوضه ندى
ياسر/ انت. ايه اللى رجعك
ندى/ وحشتنى
ياسر/ انا بالنسبالى امى ماتت
ندى/ ماشى بس ممكن تعتبرنى خالتك او عمتك
ياسر/ عاوزه فلوس
ندى / عوزاك انت يا ياسر عوزاك يا بنى سامحنى انا عارفه انى غلطت فى حقك كتير
ياسر/ لو كل واحده فحياتى جرحتها سامحتنى ساعتها هفكر اسامحك
ندى / هما كام واحده
ياسر/ بعدد عرسانك الا هما كانوا كام واحد
ندى / انت قاسى اوى يا ياسر
ياسر  / كلامى جرحك عادى بجمله الجراح
ندى / انت هترتاح لما امشى يعنى
ياسر/ ياريت و ياريت باقصى سرعه
ندى / حاضر همشى
ياسر  / شكرا
.........
تانى يوم
احمد/ انت طلبت من ماما تمشى
ياسر/ لو عاوز ياسر القديم ميرجعش تانى يبقى تمشيها من هنا
احمد/ دى امى يا ياسر
ياسر/ خلاص همشى انا
احمد/ انا تعبت بجد انت ليه مستكتر عليا ان يكون ليا عيله
ياسر. / انت عندك عيله فعلا مراتك و بنتك
احمد/ بنتى محتاجه عمها و جدتها
ياسر/انت عاوزنى اتجوز ليلى لما تموت يا احمد
احمد/ مش كل الرجاله واطيه زى عمك
ياسر/ الوطيان فى العيله دى مرض بيجرى فى العروق و اسالنى انا عنه
احمد/ لكل مرض علاج
ياسر/ ماشى يا دكتور عن اذنك ... صحيح مش شايف ليلى و لا نعمه
احمد/ ليلى خدت نعمه معاها الاسبا
ياسر/ وماله عن اذنك رايح الشركه
.....
فى الاسبا
ليلى/ ياسمين انتى تعرفى ياسر من امتى
ياسمين/ من اولى جامعه كان معايا فى السيكشن
ليلى/ لا صحاب علاقتكم بدات امتى
ياسمين/ كان فى محاضره مره و الدكتور سال سؤال و محدش رفع ايده فجاه ياسر رفع ايده و لما قام جاوب لدرجه ان الدكتور اندهش و افتكره بياخد كورس لان الاجابه مكنش الدكتور لسه شرحها
نعمه/ و دا اعرفها منين بقى
ياسمين/ ياسر كان شاطر جدا و بيحضر كل المحاضرات و السكاشن و كان مؤدب و مبيشربش سجاير و لا اى حاجه عارفه يا ليلى كان نسخه من احمد كنا صحاب فى الاول فى السكشن و المحاضره و نزاكر بس لما بابا اتوفى
نعمه/ ظهر على حقيقته صح
ياسمين/ لا يا نعمه معاش بابا كان بياكلنا عيش حاف بالعافيه و ماما مكنتش بتشتغل كنت بروح الكليه و اروح مشى بقيت بتاخر كل يوم و مكنش بيبقى معايا فلوس اشترى حتى اكل
ليلى/ و بعدين
ياسمين/ كنت بنكسف اقول انى معيش فلوس كنت بقول انى بتمشى عشان اخس و ساعات كنت بقول انى مليش مزاج اروح فهتمشى اى حجه كل محد يقولى بتمشى كل ده ازاى و طبعا الدايت و مش جعانه كانت كدبه الموسم لحد فيوم كان يوم طويل و لقيت ياسر جايب اكل و بيقولى انه جعان اوى بس ملوش نفس و قالى افتح. نفسى بالرغم من جوعى رفضت و قولت الدايت ساب الاكل و قال خلاص مش هاكل كل مروح لحد ياكل معايا يقولى مش جعان يلا هرمى و افضل جعان و اتحايل عليا كتير لحد مرضيت اكل
ليلى/ دا ياسر
ياسمين / ايوه يوميها عرض يوصلنى عشان الوقت اتاخر و بعد اللحاح وافقت و تانى يوم لقيته قدام البيت بيقولى انا بقالى ساعه واقف مش عارف بتنزلى تمشى امتى و قولت اللحقك
نعمه/ وقعك بسندوتش و توصيله
ياسمين/ مكنش فلوس كان حنين و بيهتم كان بيخاف عليا كان بيحس بيا منغير مفتح بقى من عينى كان بيزاكرلى و يهتم بيا عمرك مهتفهمى مفيش واحد بيلعب بواحده يفضل سنه كامله يقدملها اللى ياسر قدمهولى كان زهق
ليلى/ امال ايه اللى حصل
ياسمين/ ماما فجاه لقت شغل و كان فى ظرف حد بيوصله كل اول شهر فيه فلوس المهم مكناش بنعرف مين بيبعتها لحد فيوم استنيت الشخص ده و مشيت وراه لقيته موظف فى شركه عند ياسر لما واجهته انكر فى الاول بس لما قولتله انه شغال و جبتله اسمه كمان قالى انه مكنش عاوز يجرحنى و يدينى الفلوس حسنه و انه عارف ظروفى و مكنش عاوز يبقى ناقصنى حاجه انا عمرى مهنسه فرحته لما قولتله ان ماما لقت شغل و مستوانا اتحسن فرح اوى لدرجه عمرك متتخيلى ان هو اللى جايب الشغل ده
ليلى/ انت. بتحكى عن مين
ياسمين/ ياسر بحكى عن ياسر
نعمه/ امال ايه اللى حصل خشى فى الموضوع
ياسمين/ اللى حصل انى فيوم ضعفت لقيتنى بترمى فحضنه و اقوله بحبك يا ياسر بحبك متسبنيش
ليلى/ و بعدين و بعدين
ياسمين/ فضلنا مع بعض ست شهور كنت فى الجنه محستش ابدا ان ياسر مش جوزى و لا حتى شوفتها فعينه مكنش بيسمح لمخلوق يكلمنى نص كلمه بس فى الاخر بدا ياسر يتغير بدا يبقى عصبى كان بيعيط و هو نايم لو سالته كنت بتعيط ليه كان يتنرفز و فمره كان هيضربنى ياسر فاسبوع واحد بقى واحد تانى
نعمه/ تلاقيه زهق
ياسمين بتعيط/ لا فاتحته فى الجواز قولتله انى تعبانه مالحرام قالى بكل بجاحه دا اللى عندى و لو مش عاجبك الباب يفوت جمل و بكره ست ستك تيجى مكانك
نعمه/ واطى و ابن كلب
ياسمين/ ظهر الوحش ياسر معدش بيحضر. و قاطع كل صحابنا و اتلم على اخيب اتنين فى الدفعه شويه و بدا يشرب سجاير و كل يوم مع بنت و ردوده عالدكاتره و قله ادب و مشاكل بس كلها كانت بتتحل بفلوسه و مشوفتوش لحد متخرج
ليلى/ محاولتيش تكلميه تانى
ياسمين/ اكلم مين يا ليلى انا كل حياتى ادمرت فى ثانيه و فمره قولت اعمل عندى كرامه لما الظرف وصل روحت ارجعهوله قال يعنى مش عاوزه منك حاجه البيه المحترم بصلى بكل احتقار و قالى هو الموظف الحمار ده لسه بيبعتلك فلوس و خده منى و قالى كويس انى عرفت عشان ارفده يوميها كان هاين عليا اموت نفسى مين الحيوان ده
نعمه/ وبعدين
ياسمين/ و لا قبلين حطيت همى فمزاكرتى امى ملهاش غيرى لو عرفت الحقيقه هتموت بقيت اتامر عالعرسان كل واحد بعيب شكل و كملت فى الدراسه لحد مشوفن الاعلان و قولت عمرى مهشتغل عنده صحبتى كانت مقدمه قالتلى ان ياسر هاجر من مصر من زمان قدمت و انتى كلمتينى و قولت لازم اربيه و ادفعه التمن
نعمه./ معلش عشان تعرفوا اد ايه ياسر كان واطى
ليلى/ ياسر اتغير بسبب امه فى حاجه جواه اتكسرت
نعمه/ انتى هتبرريله ولا ايه
ليلى/ بالصدفه احمد لسه حاكيلى حاجه زى كدا امبارح
نعمه/ طب على كل مصلحه
ياسمين / ليه
نعمه / ان كانت امه هى اللى طلعت الوحش زمان اهى رجعت و تطلعه تانى
ليلى/ هتستفيدى ايه يا نعمه لما يطلع تانى بدل منساعده ان ربنا يهديه
نعمه/ انتى ايه حكايتك يا ليلى يكونش صعبان عليكى و لا ايه
ليلى/  لا هو غلط بس ياسر ضميره بيانبه
نعمه/ شالله يا ضمير هو الى زى ده عنده ضمير
ليلى/ محدش فينا ملاك ياسمين عملت علاقه مع واحد مش جوزها و انا صاحبت واحد من ورا اهلى و كدبت عليهم كان لازم ندفع التمن
نعمه/ و انا كنت غلطت فايه
ليلى/ مغلطتيش هو اللى اتهجم منغير سبب بس لما احمد زعقله مكررهاش
نعمه / قاله اهى عندك اشبع بيها انا اصلا مش غاوى خدم و تانى يوم كان مروح مع اتنين زباله و بيدحك و لا كانه عمل حاجه
ليلى / كل ده اتغير هو بيحاول يصلح نفسه متقولى حاجه يا ياسمين
ياسمين/ معرفش بس لما جالى امبارح حسيته ضعيف اوى حسيته عاوز يقول كلام كتير و مش قادر اول مره اشوف ياسر بيعيط اوى كدا
ليلى/ ياسر ضحيه
......