SUMANDAK DUSUN TERAKHIR (Completed)

part 4

SDT4

Penulis Fuukye js
Bahasa sabahan baku
Genre komedi

Balarian butul Yalina membubut si Rumpina, nasib baik tu pompuan tangah bacakap di talipon, jadi lambat langkah kaki dia. 

"Oi Pina, tunggu kijap, adehhh!" tasungap sungap rabas Yalina mangajar sambil ditangan memigang palasitik berisi itu kutak set. 

"📱Oh,  bah sikijap lagi sa sampai sudah ni.  Bye!"

Turus Rumpina yang kehairanan butul memusing kapala meningu balakang dia. 
Kirop kirop mata dia sesudah Yalina sampai didapan. 

"Kanapa itu, Lina? Sa ada tatingal barang ka dirumah kau?" Rumpina tingu palasitik si Yalina pigang, kutak set yang dia jual tadi sama tu pompuan. 

"Nda!  Ini Bah!" Yalina angkat tinggi tinggi tu palasitik didapan muka Rumpina.

"Kau mau tipu sa kaini, Pina?  Jangan ooi, kau bulum kana lagi silat gayung yang tiagak ajar sa dulo tu!" Bilang Yalina lagi sambil marah yang malampau.

"Ah?  Apa baini kau cakap?  Tipu kau apa pula?" Rumpina kasi geleng kapala dia nda paham maksud si Yalina. 

"Ini!  Ini bah,  ini set. Ini set si Lisa bilang kasi basar masol,  bukan pantat!" Ok ok sudah Yalina dii,  dia bediri tagak di dapan Rumpina.
"Nunu?? Si Lisa ada baca ka surat didalam tu kutak?  Ko ada buka kasi tingu dia ka nda ni?  Kau pun teda baca tu kan?" Jawab Rumpina lagi. Kali ni, macam dia pula yang mau maradang sama Yalina.

"Teda, sa kasi tau dia apa yang ko cakap itu.  Skuat. Turus dia bilang, apaitu macam dredpool? Dumbpoll?  Ish!  Lebih kurang begitu laitu sound dia. " si Yalina bilang lagi.

"Ah?  Apa barang itu?  Ostogo!  Sa cakap squat!  Lapas makan buat eksesais squat, begini, " Bilang Rumpina buat contoh gaya gaya bersquat,  kaki kasi kangkang sikit, pastu duduk mencangkung buntut kasi lentik sikit naik atas, pastu bediri.  "Ulang balik sampai 20kali. Atau sampai panat!" Maradang si Rumpina sama ni dua urang anak baranak.

"kau paham sudah kaitu, Lina? Itu Squat, macam sa tunjuk tadi." Tanya Rumpina yang Bapaluh paluh lagi mangajar Yalina cara cara bersquat tadi. 

"Oooo, tulah sa heran Lisa cakap begitu tadi. Kasi basar masol debilang."

"Adui, ndada la begitu sa cakap. Nda kali dia paham inglis tu."

"Kitai butul ini anak,  kasi panat sa saja balari. Bah, siou la,  sa balik dulu!"

"Bah!"

'Basug butul, squat pun nda tau. Brombell kapala utak dia la Brombell.' Debilang Rumpina mamaki dalam hati. Nda pasal pasal lutut dia kebas sabab barsquat tadi.

'Cilakak butul ini sumandak,  kasi malu sa kasi lagi panat sa. Siap kau nerri sa lasing! Taik duku kau dorombell sana! Kababasug tomod!"