SUMANDAK DUSUN TERAKHIR (Completed)

part 13

SDT13

Penulis Fuukye js
Bahasa sabahan baku
Genre komedi

TUT TUTUTUUUTT...

BUNYI skuter Nonon bebunyi sapanjang tu parjalanan. Sikit sikit noh tu tanak wagu peres itu minyak skuter dia. Namao dia antar capat capat si Lisa balik rumah.  Banyak butul dia mau tanya ni sumandak baini. Jadi,,

"Lis, apa gia nama kiristian kau tu" Tanya Nonon kasi baranikan diri.

Lisa diam, dia tulak badan Nonon ke dapan sikit. Teundur Nonon sana handle skuter. Nga, dia kasi biar saja.  Mungkin Lisa nda selesa kali ta antak antak ehem dia di balakang Nonon. 

"Kanapa kau mau tau?" Reda suda kamarahan Lisa. Dia kasi butul tampat duduk dia dii. Tapi tangan dia,  masih pigang tawak si Nonon, kici gia handle balakang tu skuter. Amu kogongom longon.  :V

"Sa mau tau saja bah,  sa kan boifren kau. Bukan begitu kaitu kau bilang sama si David tuari?"

Komoluan si Lisa sana balakang tu tanak wagu.  Mau daa dia lumpat dari tu skuter, tapi takut nanti patah kaki. Jadi,  dia stay in the position saja lah. 

"Lisa Jessycca Gene," Debilang Lisa pindik.

"Eh,  Gene?  Gen ka? Haha!"

POK

"Aduiii! Adehh!"

"Jangan paranah paranah mengejek nama i!" Debilang Lisa pigi duntung kapala Nonon pakai HP dia.

"Sa heran baitu gen tu,  apa nama juga tu!?" Tanya Nonon mogusuk butul kapala dia. Opodos tomod notutukan HP tulu dauh mangan ih Lisa tinuu. 

"Geneviavie bah!  Haishh!"

"Oooo,  fuiiyo!  Santik juga nama kiristian kau kan?  Kalah kalah tu Jessica Alba!" Debilang lagi Nonon. Ilang turus tu sakit kana duntung tadi.

"Diam la kau,  capat sikit bawa ni moto bah!  10 km macam nodi 100 km jauh rumah sa.  kau singaja kaini non??"

"Eh?  Manadaa ooo,  sa bilang begini laini skuter, solow butul sa bilang tadi tu kan."

"Percuma saja sa ikut kau!  Kalau sa balari tadi tu,  sampai suda sa dirumah sa ni!"

"Bah, kau lari la kalau kau barani," Nonon kasi main main kawagu si Lisa. Poinrodus lagi muka tu sumandak di balakang dia.

Sunyi sepi sakatika...

"Butul kaitu, Lisa?" Tanya Nonon kedua kalinya. Nikali,  dia serius sudah mananya ni. 

"Apa yang butul!?"

"Tuari yang ko cakap sama David bah."

Tediam Lisa sikijap.  Mau kasi nda pun, salah. Mau kasi iya pun,  salah. Nanti kaciwa pula si ensomboi ni. Nda pasal pasal dia kana kasi turun sana simpang rumah ah Loi yang banyak anjing tu.

Tapi yang sabanarnya...

Si Lisa mimang minat butul bah sama ni DJ ni, tapi dia nda gia santik. Mau kasi banding sama sumandak dikampung, teda kaki bah Lisa mau lawan. Libih libih lagi si Lele, masam poh Agnes Monica muka dia tu.
Yang jadi ratu tuari si Lorena Sanchez, ah itu ada boifren suda.

Nda tau la kalau ni DJ suka sumandak lain, Lisa tarik diri dii daripada mau jadi attention seeker sama Nonon, libih baik dia low key.

Om, lagi lagi yang dia pigi umban sama tapap muka Nonon pakai salipar tuari,
Sabalah mata pun Nonon nda tingu dia kali.

Imbas kembali **

Time dia ikut Unduk 5 kali beturut turut pun,  mana si Nonon tingu dia. Tapi, yang last taun lalu, time dia bajalan di pantas, norulut itu tangkong dari tawak dia, tiga tiga jatuh bah sampai bawah kaki,  tapi,  si Nonon juga yang tulung pigi pungut itu biji tangkong yang bataburqn sana bawah lantai stage.

Pakamalu butul. Start sana,  Lisa nda mau suda tingu muka Nonon, apa lagi kalau tejumpa di mana mana. Balari si Lisa pigi betapuk. Malu basar dia tu time. 
Yang dia menumpang ni pun, terpaksa boh.Kula punya pasal laini dia stuck sama ni DJ.

Imbauan berakhir ***

"Ah Lisa?" ketiga kali sudah Nonon mananya dii. Mau nda mau Lisa cakap...

Baru dia mau buka mulut, durang kana horn dari balakang sama kana highlight banyak kali, turus Nonon kasi berenti skuter dia di siring jalan.

BAMM

Debilang tu pintu 4x4 kana ampas!

Tidak banyak cakap tu urang,  dia tarik baju Nonon turus dia tumbuk muka tu tanak wagu!

Tatariak Lisa!  Dia pigi tulung Nonon sambil tarik tu baju lalaki yang pigi tumbuk tu DJ. Mainodi,  Lisa kana pusus oleh dua urang lalaki, kawan tu si penumbuk tadi!

"Bangun non bangun! One by one kita! Tingu sepa kuat!"

Bersambung...  Hahaha