أحببتك أنتي
بقلم نور الهدى علي
بعد مرور 3 ايام وتحديدا يوم الثلاثاء ...
ابو مريم : ام مريم شوفي احنه سألنه عليهم كلها تحمد بأخلاقهم وأخلاق الولد وحتى على صلاته سألته وبخصوص الدراسه كال اتكمل دراسه واني مسئول عن كلامي....
ام مريم : ايي بس بعد روح لمحل ابوه أسأل يمهه ....
ابو مريم : اول شيء خلي اشوف علي ابن اختي كال ربعي جوارينهم ويعرفون المنطقه راح يسألوهم ويمر عليه يكلي...
ساره : بابا باجر السفره مالتي بس اذا اجه علي كله خاف ساره من تطلع يجي عليه لان ابو الخط يكول مااكدر اجي عليكم العصر لان عنده شغل....
ابو مريم : هسه من يجي علي اني أكله وباعي خاف يدزلج امير خبر علمود يحجي وياج لو يسمع شنو رأينه لو يدزلج هدايا انتي تعرفين ميحتاج اوصيج بس حبيت اذكرج...
ساره:ان شاء الله بابا اني تربيتك بست رأس ابويه واني فرحانه واخيرا راح اطلع واغير جو ويه صديقاتي ....
مريم : ساره والله لو ما الامتحان جا رحت وياج غيرت جو بس بختج بلامتحان....
ساره: همزين جا هناك صرتي عليه حارس لاتروحين منا ولاتجين منا ....
مريم : حظري اغراصج علمود تسوي عشى حبي....
ساره: ايي هسه اسوي عشى ودور أحظر اغراضي..
مريم : صدك شصار على سالفت امير هم تدرين....
ساره: اليوم علي راح يسال اصدقائه يصيرون جوارينهم وبابا اولت البارحه من راح يسال بلمنطقه شايف امير وكايله شو اهلكم كايلين لاهلنا متكمل دراسه...
مريم: ايي وشكايله أمير وعلى البيت هم كايله...
ساره : يكله اخذه حجايه مني تكمل دراسه واني اطلع بيت وحدي احسن....
مريم: ها خوش يله اروح اكمل دراستي....
*******************************
أمير: مرت 3 أيام يعني بعد يومين ويرجعون خبر كلش متحمس ...رحت على قصي ...
قصي: يا اهلا وسهلا شدعوه صار يومين ماكو خير ياطير..
امير : يعني ملتهي اعذريني نبقى واكفين بلباب لو تفوتني...
قصي: فوت البيت بيتك يالله يالله.... ايي شكو ماكو ردولك خبر اهل البنيه....
أمير: لا بعد يومين هو مال الجمعه اردولكم خبر اني اتصل الخميس واكلهم احنه سألنه....
قصي: زين انته تبقى على ذيج المره من سألنه ....
أمير: ايي مبينين خوش ناس وابوها تحطه على الجرح يطيب....
قصي: ان شاء الله خير ابوك شكال اقتنع...
امير : مصيره يقبل لشوكت ابقى اسمع كلامهم حتى شريكة حياتي ميصير اختارها مو عيشه هاي....
أنت تقرأ
أحببتك أنتي ...
Misterio / Suspensoقصه حقيقيه 100/100 مَنِذّ أنِ رأّيِّتّ عٌيِّأّنِګيِّ أّلَنِرجَِّسيِّأّتّ وِقِعٌتّ فِّيِّ غٌرأّمَګ مَنِذّ تّلَګ أّلَلَحٌظّهِ ، وِأنِأّ أنِ تّهِتّ فِّيِّ أفِّګأّريِّ فِّأنِتّيِّ مَحٌوِرهِأّ وِلَأّتّصٌدِقِيِّنِ أنِ قِلَتّ أنِګ بِجِأّنِبِيِّ وِأنِأّ...
