حب بين دفاتر المرض ( روايات ليبية )

حلقة 2

حلقة 2
و تعرفوا اول ما تلفت و جت عيني في عينه اني انصدمت معش قدرت
نور : لو سمحت دكتور عماد ممكن نطلعوا نحس في روحي بندوخ
دكتور عماد : حاضر حاضر
رفعني لدار و لقو ضغطي نازل أعطاني حاجة مالحة و نضت و لكن من الوقت يلي طلعت فيه من الممر لين حطوا في فمي الملح و اني نتخيل في حسام
📍من حسام
حسام صديق نور في أيام الجامعة من عائلة التاجوري عائلة كبيرة في مجال الطب النفسي و كانت تجمعهم قصة حب كبيرة و لكن للاسف هوا سافر و اختار قرايته و هي اختارت الأسرة
مواصفات حسام
ابيض طويل متوسط جسمه عضلات خفيفة و لحية و عيونه عسليات و شعره اسود
........
دكتور عماد : انتي تعرفي الحالة يا دكتورة
نور : لا لا 😑 بس اني مش فاطرة و تعبانة شوي
دكتور عماد : خلاص اليوم شفتي الحالات غذوا تعالي اختاري الحالة يلي بتعالجيها
نور : لألا اني كويسة بس ممكن تحكيلي علي الحالة الأخيرة
دكتور عماد : اي حالة
نور : حسام
دكتور عماد : اها حاضر حسام دكتور أمراض نفسية الدفعة يلي قبلي 2008
نور : ايه نعرف🤔
دكتور عماد : تعرفي 😯
نور : لا قصدي كمل 🤭
دكتور عماد : المهم تخرج حسام و لانه متفوق طلع يقراء برا سنتين و كمل تعليمه و رجع لكن لما رجع كل الناس حسوا انه تغير و بدأت مرته بس حسام ما أظن انه شيزوفرينيا
نور : حسام متزوج 😱
دكتور عماد : ايه حسام متزوج بعد ما تخرج علي طول مرته سيدة الأعمال الكبيرة ( ابتهال نصر الدين )
نور : 😱 به كمل كيف يعني مش شيزوفرينيا
دكتور عماد : يعني في ناس تقول صدمت موت مرته اترت فيه و فيه ناس تقول اعطوه حاجة كلاها قبل ما يجي لانه متفوق و في ناس و بدأت النساوين يقولو ساحرينه و مرضه غريب شوي بس الأكيد انه مش شيزوفرينيا و بعدين للعلم حسام حتي لو تعالج مش رح يتعرض لمسالة القانونية لان معنداش اي قضية
نور : باهي و وين مرته
دكتور عماد : مش مقايلك للاسف توفت
نور : انهار مسود 🙀كيف
دكتور عماد : سيدة أعمال كبيرة و مشهورة أكيد اغتالوها
نور : خلاص خلاص اسمع نبيك تعطيني كل أوراق حالة حسام و الأدوية يلي ياخد فيها و العلاجات يلي اخداها نبي معلومات كاملة
دكتور عماد : حاضر تعالي معاي للمكتب نعطيهملك
خشيت للمكتب متع دكتور عماد باش يعطيني الأوراق و البيانات
دكتور عماد : دكتورة انتي قداش عمرك
نور : اني 😐
دكتور عماد : في دكتورة غيرك في المكتب
نور : ايه صح 😕 عمري 28 سنة
دكتور عماد : واني 31 سنة
نور : واللهي كيف جت هادي مش أنت دفعة 2009
دكتور عماد : ايه بس كنت مشاغب شوي في التانوية فكل سنة نأخذها دبل
نور : اها كويس اتشرفنا
دكتور عماد : اني يلي اتشرفت
و لما أعطاني الأوراق اصوابعه قعدوا يمسوا في أيدي و عيونه دبلوا
نور : شكرا دكتور
و طلعت بسرعة بصراحة من اول ما شفته حسيته نسونجي
منال : شن صار
نور : خلاص اخترت حتي الحالة
منال : ولووووو
نور : اسكتي يا فضيحة شن هذا تزغرتي في المستشفي توا يشبحوك يدخلوك الداخل
منال : شن قصدك اني مهبولة
نور : لا اني المهبولة و راس بؤك اركبي
وصلت الحوش خشيت داري فتحت طول صندوق
الصور يلي عندي ملقيتش هلبا صور ليا اني و ياه لقيت بس 3 صور وحدة اني و هوا في رحلة صبراته و التانية لما دارلي عيد ميلادي و التالتة اني مصوراته في زوارة و هو يعوم في البحر قعدت نتخيل في الجمال هذا كله و يلي شفته اليوم مقعمز علي السرير و شن يلي خلاه هكي بالك من صدمة قتل زوجته او فقد شخص عزيز عليه المهم في شي