حلقة 8
هذي فرصتي نقرب لحسام قربت عليه وقربت وجهي لوجهه
نور : حسام حسام
غمض عينه
نور : غزال غزال 😍
و ضحكت في وجهه
حسام : عيونك حلوات دكتورة
نور : انت خيرك علي عيوني خليك معاي اني
اني كيف بندخل الشيطان ما بيناتنا خش عماد
دكتور عماد : قتلك نور شن قتلك المرأة
نور : قتلي عنده سحر و علاجه مش بأدوية
دكتور عماد : قتلك اني المرأة هادي تعرف كل شي
نور : ايه باين هلبا 😒 اني جيت قلت نطمن علي حسام شن صار في حالته
دكتور عماد : اطمني درتله تحاليل شاملة علي كل شي
نور : وليش التحاليل
دكتور عماد هكي باش واحد يطمن 😂
نور : ايه صح 😑 هي اني ماشيا باي
دكتور عماد : باي
طلعت من المستشفي كلمت منال و اللهي تحشمت منها البنت كل يوم ماشية جاية و زيادة تأكل في تهزيب
كلمتها جتني
منال : وين تبي روحي
نور : نبي الحوش يا عسل
وصلت الحوش نزلت معاي منال
رويدة ( أخت نور ) : تعرفوا مدايرا مكرونة برشميل تجنن شن رأيكم نعطيكم
نور : هاتي اني و منال علي لحم بطنا من أمس
منال : ايه و الله
جت المكرونة كانت تجنن
نور : وين بابا
رويدة : عند أصحابه مدايرين جلسة عربية في حوش واحد منهم
نور : اوكي
كلينا و تعشينا و حلينا بلشاهي و الحلويات و روحت منال و اني كيف بنرقد جاني أتصال من عماد
نور : الو
دكتور عماد: الو
نور : دكتور عماد ان شاء الله خير
دكتور عماد : مش قتلك معش تقوليهالي
نور : باهي حاضر
دكتور عماد : نبي نطلب منك طلب و ياريت تقبليه زي ما اني قبلت طلبك
نور : ان شاء الله يكون سهل
دكتور عماد : لألا ساهل
نور : قول
دكتور عماد : اني غدوا عازمك علي عشاء في مطعم
نور : اوكي عادي
دكتور عماد : عادي 😮
نور : ايه ليش لا
دكتور عماد : اني نحلم صح
نور : لا اني يلي بنحلم بعد دقيقة 😒
دكتور عماد : اوكي نستناك غدوا
نور : ان شاء الله
رقدت نضت الصبح لبست و طلعت جتني منال
نور : صباح العسل يا عسل
منال : صباح الفروبي يا باناني شدي هادي حصتك
نور : شني هاذا
منال : مكرونة شن تشبحي فيها اكيد بريوشة بلشكلاته
نور : يعطيهالك يا منال
منال : اللطف عليا
نور : قتلك منال دكتور عماد عازمني اليوم علي عشي
منال : بلحقاء
نور : ايه بلحقاء
منال : وشن قلتي
نور : ايه عادي ليش لا
منال : ايه هكي نور يلي نبيها
وصلت المستشفي خشيت لقيت المدير قدامي
نور : صباح الخير و ان شاء الله خير
مدير المستشفي : يا نور شن صار في الحالة يلي بتختاريها
نور : اطمن اني مش رح نختار حالة خلاص اني بنقعد انعالج حسام اني و دكتور عماد و رح نلغي اوراقي من المشاريع
مدير المستشفي : ليش
نور : راحة اكتر و بعدين غيرت رايي في تحضير الدكتوراه
مدير المستشفي : ديري يلي تبيه
نور : شكرا أستاذ
ركبت نسال علي دكتور عماد لقيته مهناش مشيت لحسام و اني كيف بنخش لقيت شخص من الأمن واقف علي الباب
نور : ترا شوي لو سمحت
الراجل : دكتور عماد قال ماحدش يدخل للغرفة
نور : و ليش
الراجل : عاطي للمريض منوم باش مفعول العلاج ياخد فيه
نور : اها اوكي
نزلت لوطة مشيت للمخزن نسال علي أدوية طالبتهم مني اختي لام صاحبتها مسكنة للآلام
المهم رجعت ركبت لنفس الممر ملقيتش الراجل يلي كان واقف علي الباب فا منعرفش ليش جاني احساس اني لازم نخش
خشيت لحسام لقيته راقد فا قربت عليه اني كيف بنغطيه و هوا كان لابس تيشرت نص كم لكن شفت شي قلب راسي قلب
إيدين حسام كانوا زرق و من غير عيونه كانوا لونهم اسود هلبا و وجهه اصفر فا وجهي ملامحه تغيرت و حسيت ان دماغي وقف طلعت من الدار طول مشيت جبت يبرة و خشيت شديت ايده و خديت منه دم و طلعت نجري علي المعمل
موضفة في المعمل ( رنا ) : نور وينك ليك غيبة
نور : رنا حبيبتي هذا جرعة دم نبي نتيجة التحليل امتعها فورا
رنا : حاضر نور قعمزي نجيبلك شاهي
نور : ما نبي شي نبي بس نتيجة التحليل
رنا : حاضر حاضر
المهم قعدت نستنا حوالي ساعة و اني نفكر و متوترة و عقلي كانه اتشل
...
رنا : طلعت نتيجة التحليل
نور : شني فيه قولي
رنا : هو هذا التحليل لي مني
سحبت الورقة من أيدها و قريت التحليل انصدمت
الدم عنده 6 و من غير ان كرات الدم البيضة و الحمراء ناقصات و جسمه متعرض بمخدرات تقيلة و حبوب هلوسة و اني نقراء دمعتي نزلت علي عيني معش عرفت شي
طلعت من المستشفي و عيوني كلها دموع اتصلت بمنال
منال : الو نور
نور : تعالي منال اني نستنا فيك
منال : هاني جاية
مسحت دموعي و درت روحي طبيعية و كأني ما شفت شي و خديت الورقة معاي وصلت منال ركبت و وصلت الحوش طلعت القفطان يلي بنلبسه و درت مكياج و ناديت منال
منال : ايوا الاحمر علي من يطلع
نور : منال
منال : تبي الحق القفطان يجنن لكن عريان شوي من جهة الصدر
نور : توا خلاص لبسته وبعدين معاه فرو
منال : تجنني
و مع الساعة 7 اتصلت بعماد يجيني وصل عماد طلعت لقيته واقف جنب الباب و شاد ورد.....يتبع
أنت تقرأ
حب بين دفاتر المرض ( روايات ليبية )
Romanceتدور الاحدات الرواية علي دكتورة أمراض نفسية ( نور سالم التواتي ) التي تعرضت الي ماساء عائلية توقفها عن العمل وهي موت زوجها و ابنها و تدخل في عزلة تامة فتقرر بعد سنة من العزلة الرجوع الي العمل و تحضير الدكتوراه في مرض الشيزوفرينيا او الانفصام و تختا...
