حب بين دفاتر المرض ( روايات ليبية )

حلقة 13

حلقة 13
الحفلة كانت في الجردينة الخلفية متع الحوش
منال : هذا شني تقول عرس في مسلسل تركي
نور : 😂 خشي خشي
اول ما خشيت قعد يشبحلي حسام
نور : ☺️
شبحتنا أمه جتنا
ام حسام : انعرفكم للدكتورة نور التواتي و هي كان السبب الرئيسي في علاج حسام
انعرفك نور هذي العائلة قعدت تعرف فيا علي الناس كلها و ولد عم حسام نعجب في منال لكن هوا سمين حبتين او ممكن حتي 3
منال : شوفي نور هادي شن لابسة
نور : وينها
منال : اهيا
نور : تعرفي هذي منو
منال : منو بنت خالته
نور : هذي الشغالة يا بهيمة
منال : محلا قونتها
نور : 🤣 مهبولة
منال : اسمعي نور اني ماشية للبوفيه الباين فتحوه
نور : اسمعي متاكليش هلبا فكينا تبدي بطني بطني
منال : سكري فمك
و مشت
جاني حسام
حسام : أهلين نور
نور : أهلين حسام
حسام : اتغيرتي كا شخصية لكن الشكل نفس ما انتي بزبط
نور : ☺️ حتي انت
حسام : اني عرفت و حكولي كل شي و علي صار معاي و نشكرك علي كل شي درتيه
نور : لا شكر علي واجب
حسام : احكيلي نور عليك متزوجة
نور : لا اني ارملة زوجي و ولدي توفوا
حسام : زيني يعني
نور : لا انت الحمد الله ربي كرمك بنور بس اني ربي حرمني من ايسر
حسام : ولدك كان اسمه ايسر
نور : و كنت امدايرا ندر لو جبت ولد تاني رح انسميه حسام 😂
حسام : نور قاعدة متذكرة
نور : شني
حسام : الحب يلي كانت بيناتنا و ممكن ربي كان يبي ايعاقبني علي دارته فيك وخليتك
نور : مش وقت الكلام هذا انسي
حسام : و اللهي قاعدة حلوة
نور : و اللهي انت احلي
🔥 انتقال الي منال 🔥
منال : لوسمحتي يا أخت البوفيه وين
الخدامة : في الجهة هادي
منال : ميرسي كوبو
مشيت للبوفيه و كان ما شاء الله معبي من كل شي خديت صونيا لقيت حد واقف
منال : لو سمحت يا اخ حطلي من الطاجين هذا
الأخ : حاضر
و قعد يشبحلي
منال : 😌
الأخ : اني منعم التاجوري ولد عم حسام
منال : أشرفنا
منعم : وأنتي
منال : منال علي موظفة في الصحة و لو سمحت أعطيني الطاجين
مواصفات منعم
سمين شوي و ابيض و عنده لحية و مش طويل و مش قصير لكن انيق
أعطاني الطاجين
منال : مير سي
منعم : العفو
منال : لو سمحت هذا شني
منعم : هذا سوشي
منال : استغفر الله العظيم هذا حاجة حرام
منعم : لا لا هذا حوت
منال : حوت ترا جيب نشوفه
لما جابهولي
منال : اف أف هذا شني ماعرفتوش اطيبوه حطيتوه ني
منعم : لا هوا هكي
منال : حاشة النعمة
منعم : نعطيك عصير
منال : ايه هات
منعم : شن تبي كولا او سفن صودا او برود
منال : 😕 اي حاجة مش حرام
منعم : 😂
......
🔥الرجوع الي نور 🔥
حسام : شوفي صاحبتك باين عليها ولت صديقة ولد عمي منعم
نور : قداش عمره منعم
حسام : بألك 34
نور : الحمد الله يا ربي المهم اكبر من 32 😂
حسام : تعالي نمشولهم
مشينا
حسام : شني يا منعم تعرفت علي منال
منال : ☺️
منعم : ياريت نعرفها من زمان
منال : احم 🥺
منعم : الحق معرفة طيبة
حسام : مافيش من اخف من دم منعم يا منال
منال : باين ☺️
نور : 😂 محتشمة يا فاس...ة
منال : احم احم ☺️
ام حسام يا نور تعالي
مشيت لامه
ام حسام : انعرفك يا نور
نور : وهذا يبي تعريف وزير الصحة السابق رؤوف الجيلاني
الوزير : 😂 باهي كويس حد متدكرني
نور : وفي حد ينسي نجاحاتك علي مدار 4 سنين الأخيرة في مجال الطب
الوزير : هذا شرف ليا و شهادة اعتز فيها
نور : واللهي اني اكتر
الوزير : هذا رقمي و اي شي تحتاجيه اني تحت امرك و للعلم سمعت علي درتيه مع حسام كله و اني يلي امرت جريدة النهار انها تكتب عليك لانك تستحقي
نو. : شكرا من ذوقك ☺️
الوزير : و ياريت اول ما تحضري المشروع متعك تكلميني لأني لازم نكون موجود
نور . ان شا الله هذا شرف ليا
حسام : نور نور
نور : ايوا حسام
حسام : نور نبي رقمك
نور : اتفضل هذا رقمي
حسام : وأنتي هذا مكاني في الشركة متعي نبيك معاي
نور : شوف حسام اني بعد رسالتي هادي متع الدكتوراه اني رح نقعد في المستشفي العام و هذا قرار نهائي
حسام : اوكي اوكي رأيك يحترم
نور : يعني لا تقولي اشتغلت معاي و لا شي
حسام : حاضر
جت نور الصغيرة ماشاء الله لابسة قفطان ابيض اتجنن
الطفلة : نور نور
نور : تعالي يا عسل انتي
شديتها بستها معش طلقتها قداش تجنن
حسام : تعرفي كانك أمها
نور : 😚
حسام : سبحان الله احلي عيون حبهم بوها جو في بنته
نور : واللهي
حسام : وحق ربي 😒😂
اسمع اني اتاخرت و لازم انروح بس وين منال
🔥 انتقال الي منال 🔥
منال : قتلي وين تخدم
منعم : اني دكتور أمراض نفسية
منال : انتم العيلة كلكم دكاترة أمراض نفسية
منعم : ايه
منال : باهي معمركش حبيت مرة
منعم : ايه ولا عمري
منال : زيني سبحان الله عمري ما حبيت حد
نور : هي منال اتاخرنا
منال : سبحان الله
منعم : نبي رقمك
منال : سجل عندك 092 و لا هات نكتبهولك
نور : هيا منال
منال : هي باهي اسمع الرقم مفتوح من 10 الصبح الي 10 فليل و المسنجر مفتوح من 10 فليل الي 10 الصبح و الفايبر ناشط ديما
نور : هيا
منعم : عندك وتس اب
منال : لا آسفة هذاك لي نادر بس
منعم : من نادر
منال : من نادر
منعم : انتي قلتي نادر
منال : لا اني قتلك الوتس اب نادر في ليبيا
منعم : اها
نور : هيااااااااا
منال : أتفوه عليك و علي جاي معاك
طلعنا من مكان الحفلة و ركبنا السيارة
نور .وين الكعب متعك
منال . نكسر
نور : 😱 يا حشمة
منال : حسستيني نكسر العمود الفقري
نور : باهي بري بري
وصلنا الحوش و فتحنا الباب
رويدة : احكولي علي كل شي
منال : حاطين حوت ني في السفرة
رويدة : 🤭 بلحقاء و ليش
منال : منعرفش بالك يلي يبي يشوي يشوي بروحه و يلي يبي يقلي يقلي بروحه
رويدة : 🤣🤣🤣
نور : 😂😂😂😂 قصدها سوشي
منال : ايوه اسمه شوشي
خشيت نحيت المكياج و اللبسة و درت حمام جيت اني و منال و رويدة قعدنا نشربوا في شاهي بحدا التلفزيون
نور : شن صار بينك و بين منعم
رويدة : من منعم
نور : منال تعرفت علي ولد عم حسام
رويدة : ايوا ايوا
منال : خلاص يا بنات بتحرجونيش
نور : غير احكي احكي
منال : قالي من لما شفتك حسيت ان ما فيش بعدك و انتي احلا وحدة شأفتها عيني و عيونك فيهم سحر غريب و اني معجب فيك من اول نضرة ( طبعا هذا كله كذب )
رويدة : وأنتي شن قلتيله
منال : قتله اني بنت عيلة و بنت ناس و كان تبيني تعالا من الباب
نور : ايه زي ما دار نادر
منال : لو سمحتي نور نادر حالة خاصة
نور : 🤣
رويدة : اتعشيتوا
منال : اني خديت شوية دوب ما حطيت الماكلة في فمي ( طبعا هذا كله كذب و هي قعمزت علي البوفيه واكله اكتر من ألفين قطعة طاجين )
رويدة : انديرلكم ماكلة
نور : لألا اني مخاطريش
منال : ممكن اني ناكل نسايرك
رويدة : 😒
نور : اسمعو اني تعبت هلبا بنمشي نرقد
خشيت داري قعمزت جاني اتصال من حسام
نور : الو
حسام : الو
نور : من معاي
حسام : حسام
نور : اها تفضل حسام
حسام : نور اني نبيك غدوا في الشركة عندي
نور : حسام اني قتلك
حسام : لألا مش خدمة نبيك في موضوع
نور : خلاص حسام غدوا الصبح نكون عندك
طلعت من الدار
نور : منال . رويدة
منال : شن فيه شن فيه
نور : كلمني حسام
منال : خيره أمه ماتت
نور : 😒 منال منكلمش فيك
منال : نعتبرها إهانة
رويدة : باهي خيره
نور : قالي غدوا نبيك في الشركة عنده
رويدة : عنده شركة
نور : عنده شركات تبع أدوية أمراض عقلية و نفسية
رويدة : ما شاء الله
نور : تتوقعوا شن يبي
منال : اكيد منعم قاله اخطبلي منال فا يبي يسألك
نور : تتوقعي
رويدة : لالا اكيد بيخطبك او بيعترفلك بحبه
نور : خلاص خلاص معش نبي توقعات غدوا ساهل
....
🔥 اليوم التأني 🔥
نضت لبست و مكيجت
نور : رويدة نوضي منال و راس بؤك
رويدة : منال نوضي
منال : نحي أيدك اني متادبة
رويدة : اللطف 😕
جتني رويدة تجري
رويدة : نور نور منال باين عليها ملبوسة
نور : كيف عرفتني
رويدة : قلتلها نوضي قتلي نحي أيدك اني متادبة اكيد لابسها جن عاشق
نور : لا هادي لابسة نادر عاشق
رويدة : 😂😂😂😂😂😅
نور : نوضيها خير ما نجيها بعصات المكنسة
ناضت منال و مشينا للشركة
نور : هي انزلي منال
منال : لالا اسمعي بري بروحك هاني نستنا في السيارة
نور : باهي
خشيت للشركة
نور : السلام عليكم اني نور التواتي عندي موعد مع حسام التاجوري
موظفة : اتفضلي استريحي
خشت الموظفة لحسام و جتني قالتلي تفضلي
و خشت
نور : السلام عليكم
حسام : تفضلي نور تفضلي
نور : يزيد فضلك
حسام : شن تشربي
نور : قهوة سادة لو سمحت
شدت التليفون و طلب قهوة سادة
حسام : شن رأيك في الشركة
نور : الله يزيدك يا رب
حسام : كيف حالك كيف عايشة
نور : الحمد الله زي الناس
حسام : حقا مسالتكش كيف حالك عمي سالم بؤك
نور : كويس الحمد الله
المهم قعد يهدرز عليا و علي حياتي و كيف اشتغلت
و بعدين
حسام : نور اني سمعت انك بديتي تحضري في الدكتوراه و انك ممكن اتسافري لكندا لعرضها غادي
نور ؛ ايه ان شاء الله
حسام : باهي ياريت يلي بناعطيه تعتبريه هدية و مش مساعدة بكل
نور : شن يلي ابتعطيه
حسام : هذا شيك مني ليك تساعدي نفسك بيه و تسافري و تحضري الدكتوراه و اعتبريه هدية
نور : 😌 اولا خلي الشيك عندك و تانيا اني حقي اتجاهك وصلني من الدولة و بعدين انت تعرف معزتك عندي يا حسام اكيد و إذا علي المشروع و السفر فا اطمن اني المشروع بنديره هني و اول ما انوتي المشروع أتأكد انك اول شخص لازم تكون حاضر
نستادنك
شد أيدي
حسام : نور اني ماكنش قصدي
نور : لا انت مغلطش
حسام : باهي خيرك زعلتي اعتبريهم سلف
نور : الواضح انك فهمتني غلط يا حسام
حسام : نور نسيتي يلي بينا
نور : للاسف الواضح انت يلي نسيت
حسام : نور نور
و طلعت
الواضح ان حسام نسي كل شي يلي كان بيناتنا و الواضح ان يبي يبني حياة جديدة
مسحت دموعي و ركبت السيارة
منال : شن صار
نور : للاسف اليوم مجاش و كلمني اعتذر مني
منال : ما اوقحه
نور : شن بديري هي
روحت الحوش و اني مش عارفة انفكر اني نحب حسام لكن منقدرش تطلع مني لازم هوا يقولها لازم نحسه قاعد يحبني مش يتعاطف عليا
معش عارفة شن اندير
🔥 بعد مرور أسبوع🔥
مع الساعة 9 فليل و اني قاعدة انحضر في مشروع الدكتوراه
نور : منال ساعة اطيبي في كاكاو
منال : تي باهي
رن تليفوني اني انحضر و كان من حسام و كانت الساعة
متاخرة انشغلت
نور : الو
حسام : الو نور
نور : الو حسام
حسام : نور اني نبيك في موضوع
نور : ان شاء الله خير
حسام : لا خير بس كنت نبي انهدرز عليك شوي
نور : اتفضل احكي
حسام : ما ينفعش في التلفون
نور : حاضر وين تبي نتلاقوا
حسام : انزليلي لوطة
نور : قصدك توا انت لوطة 🤭 ....يتبع