حب بين دفاتر المرض ( روايات ليبية )

حلقة 12

حلقة 12
مشيت و ذخلوني ليه
نور : تفضل يا دكتور عماد
دكتور عماد : نور نبيك تعرفي حاجة
نور : نسمع فيك
دكتور عماد : ممكن انتي عرفتي كل شي و من غير ما اني نعلم بس يلي فيه حاجة مقدرتيش تعرفيها و هي اني من اول ما شفتك و اني هايم بيك
نور : 😕
دكتور عماد : اني نحبك نور 😭 نحبك نور متخليشي زي ما خدي مني ابتهال يأخذك مني
نور : دكتور عماد 😢 انت غلطت و لازم تتعاقب و اكيد بعد ما تتعاقب رح تتعلم درس حلو و ترجع تبني حياة جديدة
دكتور عماد : شن بنبني إذا نحبست 30 سنة نور خلاص التهمة تبتت فيا و لكن نبيك تعرفي حاجة وحدة اني و اللهي و اللهي و اللهي نحبك و ياريت متنسينيش
نور : 😭
شديته من يده و انت اكيد ربي معاك و مش رح يخليك و اني و اللهي و اللهي و اللهي ما رح ننساك و إذا في يوم رجعت لحياتك الطبيعية يا عماد اذكر ان عندك أخت اسمها نور و اكيد مش رح تخليك
و طلعت و دموعي في عيني هو صح غلط لكن غلط لان حب حياته طاعت منه من غير قصد 😢😣 ربي يفك أسره
طلعت لقيت منال
منال : خيرك نونو
نور : لا شي
منال : باهي حبيبتي وين تبي
نور : نبي الحوش خلاص المستشفي يوك توا بنحضر الدكتوراه متاعي باش انقدمها
منال : حبيبتي حسام طلع مش مريض من الأساس علي شني الدكتوراه ان شاء الله 😕
نور : 🤣🤣🤣 يعطيهالك و بعدين مش لازم تكون رسالتي طبية ممكن تكون رسالة معنوية هي اطلعي
🔥❤️ بعد مرور شهر تقريبا ❤️🔥
جاني اتصال من ام حسام ان حسام ولا ينوض و حاله باهي و عرف بيته و أمه و حتي اذكر مرته و قتلي تعالي خليه شوفك كلمت منال باش تجي معاي
نور : الو منال وينك
منال : هاني وصلت نشبح فيك
نور : أها شبحتك
ركبت في السيارة
نور : جبتي الورد
منال : ايه هذا عباس عطلت تعرفي حقه 43 جني و حق ربي
نور : وواااك. عليا اني
منال : خلاص خلاص ايوا علي اللبسة الحلوة
نور : منال 😌
منال : ايوا علي تتحشم 😂😂😂
وصلنا العيادة و ركبنا
طقينا الباب متع الغرفة
نور : السلام عليك
منال : السلام عليكم
ام حسام و حسام : وعليكم السلام
نور : ان شاء الله لابأس
حسام : الله لا يوريك باس
منال : تفضلي عمتي هذا ورد ب 43 جني من مكتبة الأوقاف
نور : 🤦🏻‍♀️🤭😬 قصدها الوفاق تعرفي انتي منال دمها عسل
ام حسام : تجنن العسولة . حسام نعرفك هذي نور
حسام : أهلين يا نور
نور : أهلين 🙂
ام حسام : عرفتها نور التواتي يلي كانت تقراء معاك
حسام : نور التواتي
نور : ايه 🙂
حسام : اتغيرتي
نور : حتي انت اتغيرت
ام حسام : نور هي كانت دكتورتك و هي سبب علاجك
حسام : شكرا نور علي كل شي
نور : هذا واجبي 😌
ام حسام : يا نور ديري حسابك انتي و منال معزمين علي محضر بمناسبة شفي ولدي و هذا الكرت
نور : ان شاء الله شكرا  . أمانا وين نور
حسام : يا نور
الطفلة : ها بابا
نور : أهلا نور
الطفلة : هاي
نور : استحشتك
الطفلة : حتي اني استحشتك
نور : عرفك بابا
حسام : اكيد و هوا في حد ينسي عيون نور
شافلي حسام 😌
نور : ايه اكيد . هي اني نستادنكم هيا منال
ام حسام : خيركم توا كيف جيتوا
نور : المهم اطمنا علي حسام
اني طلعت لحقتني أمه
ام حسام : يا نور يا نور
نور : تفضلي عمتي
ام حسام : هذا مبلغ بسيط مكافاء علي درتيه مع ولدي
نور : أولا هذا عيب هلبا لان تعرفي معزة ولدك عندي و تانيا هذا شغلي و حقي يوصلني كل شهر من الدولة و مش من حقي اني ناخد اي مبلغ كا لما نعالج حد 😌❤️
و طلعت و رجعت لحياتي الطبيعية و بديت انحضر في رسالتي متع الدكتوراه بعد مرور فترة جئ وقت المحضر يلي مدايراته أمه
نور : الو منال وينك
منال : هاني كيف طلعت من الكوافير
نور : باهي نستنا فيك . رويدة المفروض مشيتي معانا غيرتي جو
رويدة : لا يا وخيتي بعدين نحسابه محضر غدي للمساوين و غدي للرجالة لكن علي قولك انتي هادي ندواء
نور : هما ناس كبار في المجتمع مش جو غدي و عزومات امدايرا حفلة في الجردينة متع الحوش فيها النساوين و الرجالة
رويدة : ويح بيني نلبس قفطان قدام الرجالة
نور : هاني لابسة اني قفطان
رويدة : هديكا انتي أما اني لا
نور : ولا ميخليكش ايهم
رويدة : 🤭
نور : 😂
طق الباب
نور : بري افتحي اكيد منال
خشت منال و كانت لابسة قفطان وردي طويل و مدايرا مكياج و تسريحة
منال : هاي
نور : 😱 هذا شني
منال : شني شني
نور : هذا شني اللون
منال : هذا بنك
نور : شني
منال : بنك يعني زهري
نور : 😂 باهي عندك علم الحفلة جماعية
منال : كيف يعني جمعية
نور : جماعية مش جمعية و جماعية يعني رجالة و نساوين
منال : ومن قالك 😒
نور : في البطاقة مكتوبة
منال : و يح بيني يح رافعتيني هكي يتفرجوا عليا الرجالة
نور : 😂
منال : و كان اشبحني عبد الرووف ولد عمي ميلاد شن بيكون موقفي
رويدة : 😂
منال : اضحكوا اني قعدت مضحكة تعرفي التسريحة هادي قداش حقها
نور : اطلعي يعطك سخطة
منال : لا يا وخيتي ما عاد قاستها خطوة و كان اشبحني عاشور ولد خال عمتي تهاني
نور : من تهاني
منال : 😒 معرفتيش خالتي تهاني تي يلي حماتها انحرقت السنة يلي فاتت
نور : لألا مسمعتش
منال : باهي اسمعتي  بخوها يلي غرق في البحر
نور : خلاص خلاص خلاص عندي فرو توا نعطيك تلبيسه و اسكتي عليا
منال : باهي كان اشبحني وليد ولد عمي خويلدي
نور : واللهي كان ما سكتي الا ما نمشي نسكر علي روحي الباب و ما عاد فاتحاته سنة
منال : خلاص نطلع و امري لربي و كان اشبحني امجد انقوله طلعتني نور بسيف
نور : من امجد
منال : يلي بوه طاح من الدور السابع في العمارات التشاركية
نور : خلاص خلاص يعطيني سخطاء ياريتني ماسالت
ركبنا السيارة و طلعنا علي الحفلة
الحفلة كانت في الجردينة الخلفية متع الحوش
منال : هذا شني تقول عرس في مسلسل تركي
نور : 😂 خشي خشي
اول ما خشيت قعد يشبحلي حسام
نور : ☺️
شبحتنا أمه جتنا ...يتبع