حب بين دفاتر المرض ( روايات ليبية )

حلقة 3

حلقة  3
نور : باهي وين بنته
ام حسام : يا نور تعالي
نور : 😧
...
جت بنت زي العسل تشبه حسام تبق الأصل نفس لون الشعر و العيون نفس الضحكة
ام حسام : هذي نور بنت حسام عمرها 4 سنوات
نور : وأنتي كيف عايشة تربي في البنت بروحك
ام حسام : الحمد الله الصحة قاعدة موجودة و الفلوس موجودة و الشغالات قائمين بلواجب
مشيت للبنوتة
نور : شن اسمك يا حلوة
البنت : اسمي نور
نور : محلاه اسمك
البنت : شكرا
نور : تعرفي اني شن اسمي
البنت : شني
نور : اسمي نور
البنت : 😊 نولوا صحاب
نور : 😂😂😂 احني صحاب أصلا
نور : انتي تقري
البنت : ايه كي جئ ون
نور : ما شاء الله
البنت : وأنتي
نور : اني مزال منقراش 😂
......
ام حسام : تعالي نوريك داره
نور : حاضر
خشيت الدار كانت دار نوم زوجية و فخمة الحق
نور : اني نسيت نسألك علي زوجته
ام حسام : زوجته مديرة أعمال كبيرة و من عائلة كبيرة و للاسف دارت حادت بالسيارة قبل سنة بس كان عمد
نور : الله يرحمها باهي الحالة بعد ما ماتت زوجته
ام حسام : ايه علي ما أظن
نور : باهي مرته كانت متواترة عليه قبل ما يقتلوها
ام حسام : لا يا بنتي مرته مكانتش معدلة عليه جملة كانت لاهيا في شغلها بس و أصلا ما كنتش بيناتهم علاقة هوا بوه بعد ما تخرج و بيسافر جبر عليه ان ياخد بنت من قبيلته بس توا الله يرحمها
نور : و مرته شن اسمها
ام حسام : ابتهال . اني من بكري نهدرز و نسيت نسألك علي حياتك شن صار فيها
نور : حتي اني شبيها من حسام بس للاسف اني مهبلتش
قعمزنا في الدار قعدت نحكيلها علي قصتي
ام حسام : الله يعينك يا بنتي خليني نجيبلك حاجة تشربيها يا جودي ( الخدامة )
نور : لألا خليها مرة تانية ويكون معاي حسام
لفت نضري سلاسل حلوة هلبا الباين متع ابتهال مرت حسام
ام حسام :ان شاء الله يا بنتي بس ياريت موضوع حسام يكون سري
نور : 🤭😕 أكيد 🙃
ام حسام : باهي بنتي
نور : هي مع السلامة
ام حسام : مع السلامة بنتي
...
طلعت منها كلمت منال جتني
نور : طول للحوش
منال : خيرك
نور : اليوم طاح جهدي الحق
منال : المهم كل شي كويس معاك
نور : ايه الحمد الله
اليوم التأني
لبست و مشيت للعمل
وصلت للمستشفي مشيت للغرفة يلي فاها حسام خشيت لقيته مقعمز لكن المرة هادي حسيته كأنه طبيعي لكن معصب منعرفش ليش قعمزت علي الطاولة و هوا ناض من السرير و قعمز قدامي في الكرسي
نور :كيف حالك اليوم يا حسام
حسام : كويس الحمد الله
نور : وكيف العلاج ماشي معاك
حسام : اي علاج
نور : علاجك
حسام :لا اني كويس منتعالجش من شي
نور : اها باهي يا حسام تسلم عليك بنتك
حسام : اني معنديش بنت
نور : كيف بنتك نور
حسام : لألا انتي غالطة في الشخص يا دكتورة
نور : باهي تسلم عليك مرتك ابتهال ( نبي نشوف رده )
حسام : اني معنديش مرآة
نور : يعني انت مش متجوز
حسام : ايه
نور : كويس . اوكي تقدر ترجع لسريرك
طلعت من الدار و اني طالعة قالي
حسام : يا دكتورة اسمك حلو "نور"
نور : اااااشكرا 😨
طلعت نزلت طول للمدير
نور : السلام عليكم
رئيس المستشفي : تفضلي نور ان شاء الله بديتي في تشخيص الحالة
نور : ايه بديت و تقريبا شخصتها كاملة
رئيس المستشفي : بسرعة هادي و شن اتضحلك
نور : اتضحلي غير يلي مكتوب في الملف بتاتا و هو ان الحالة عندها شيزوفرينيا الصدمة و هي غالبة او دائما تجي من الصدمة الكبيرة من شخص قريب ليك و نتائجها الإنكار يعني هوا عارف نفسه و اسمه و ممكن حتي وين يسكن بس الزمن او العمر يلي صارت في الصدمة ينساه
رئيس المستشفي : كيف يعني
نور : يعني لو شاف الصدمة في عمر العشرين لو تساله يقولك عمري 9 سنوات
رئيس المستشفي : لدرجة هادي
نور : ايه و اكتر . و علاجه غالبآ يكون اهون من أنواع الشيزوفرينيا التانية يلي تصل للموت
رئيس المستشفي : و كيف علاجه
نور : علاجه بسيط جدا و اني عاملة عليه بحت كامل
رئيس المستشفي : و شن هوا
نور : عكس الإنكار التذكار
رئيس المستشفي : خلي كلامك واضح نور
نور : حاضر 😶 يعني انه يشوف أمه بنته صورة مرته و أصحابه و حتي حبيبته كان لقيناها
رئيس المستشفي : و كم احتمالية العلاج
نور : اليوم منقدرش نجاوبك بس غدوا نقولك
رئيس المستشفي : نور كل يوم يزيد إعجابي بيك اكتر و ياريت بعد ما تحضري الدكتوراه متعك تكوني معانة لان رح نفقدوك
نور : ان شاء الله شكرا ليك ❤️❤️
و اني طالعة من المكتب لقيت دكتور عماد
دكتور عماد : شني يا دكتورة مرتين اتروحي بكري تقعدي دقيقة و تطلعي شكلك نسيتي المهنة
معدلتش عليه و طلعت
كلمت منال جتني وصلتني للحوش خشينا اتغدينا و قعمزنا نهدرزوا و شربنا القهوة
منال : اسمعي دكتور عماد جاني
نور : وبه 😒
منال : يسال عليك
نور : 🤨 شن يسال عليا و هوا كان معاي من شوي
منال : قالي نسال علي نور ما شفتهاش و الحق مشغول عليها لو تقدري تعطيني رقمها
نور : و اعطيتيه 😐
منال : ايه 🤭
نور : يا نهارك مسود سالتيني
منال : وين نندري عليك نحسابه صديقك
نور : الله يعطك سخطة يا منال
منال : خلاص ما صار شي
نور : صح ما صار شي تو نحرق الشفرة
منال : ايه صح
نور : واللهي 🤬 عارفة الشفرة هادي عزيزة عليا من راجلي الله يرحمه
منال : باهي خلاص سماح
نور : باهي باهي
منال : هي أمانا بسلامة
نور : تعالي خيرك زعلتي
منال : لألا بس خلاص عندي ما ندير
نور : غير قعمزي قعمزي نونو يلي صار صار
منال : و بعدين دكتور عماد عسل ماشي علي الوطا
نور : منااااااااااااللللللللل🤬
منال : خلاص خلاص خيرك 🤣
......
بعد ما كلينا و شربنا و هدرزنا خشيت لداري باش نزيد نبحت علي المرض اكتر و كانت تعبر علي نفس الحالة وهي الإنكار او نسيان الحاضر و تاكدت ان العلاج هو روئية الحاضر يعني يشوف الحاضر متعه و اني نقراء جاني اتصال من رقم غريب و عرفته انه الدكتور عماد سكرت تعشيت و رقدت بس و اني بنرقد تذكرت لما قالي حسام اسمك حلو و المشكلة ان مقتلاش علي اسمي 🙀😱🤭
🔥اليوم التأني🔥
نضت و مشيت للمستشفي طول خشيت المدير
نور:صباح الخير
مدير المستشفي : صباح الورد
نور : لقيت العلاج المضمون
مدير المستشفي : قولي
نور : انه يشوف عيلته و عمله و اغراضه و بنته و الأشياء يلي يحبها
مدير المستشفي : و وين الغريزة في الموضوع
نور : الغريزة ان يكون محاصر في الحاضر فا يكون الإنكار صعب
مدير المستشفي : وكم نسبة العلاج
نور : تقريبا 80 ‎%‎
مدير المستشفي :ما شاء الله عليك يا نور
نور : باهي كيف بنعالجه
مدير المستشفي : كيف يعني
نور : الحق قاعدة غصة في قلبي
مدير المستشفي : قولي نور
نور : ممكن انطلعه من المستشفي ساعة او اقل و انرجعه 😰🥶
مدير المستشفي : وليش 🤨
نور : باش نقدر انعالجه و إذا لا عادي
مدير المستشفي : تبي الحق
نور : قول عادي
مدير المستشفي : للاسف لا
نور : اوكي عادي توا لنحاول انعالجه حتي في المستشفي و شكرا دكتور ❤️❤️❤️
مدير المستشفي : مش زعلانه
نور : واللهي و حيات عيونك ماني زعلانه ☺️😢
هي بسلامه و اني طالعة قالي
مدير المستشفي : نور
نور : نعم دكتور
مدير المستشفي : تقدري اتطلعيه
نور : قول والله 😱😍🤩😍🤩😭 شكرا شكرا شكرا دكتور
مدير المستشفي : باش تعرفي معزتك عندي
طلعت من المدير و طول مشيت لغرفة حسام لقيته راقد قعدت سرحانه و اني نشوف في الرجولة يلي راقدة جنبي يا ناس حتي و هوا مريض يجنن 😍
تحركت شوي برجلي سمع الصوت ناض قعد يشوفلي.....يتبع