حب بين دفاتر المرض ( روايات ليبية )

حلقة 5

حلقة 5
طلعت ركبت لحسام خشيت ملقيتاش 😨😰
نور : لو سمحت وين الحالة يلي كانت هني
شخص : اخذها دكتور عماد لقسم جلسة الكهرباء
نور : انهار احرف 😱🤬للللللللاااااا
.
قعدت نجري نجري في الممرات و المشكلة ان جلسة الكهرباء في برج 3 و اني في واحد و الاسنسير واحد يخدم عشرة لا
نجري بكل طاقتي لما وصلت دمعي تقول نهر و دمي نحس فيه بيفور
في الممر
نور : عمممممماااااددد " بصوت عالي "
خشيت لقيته مولع الجهاز و حسام يفرفط
نور : " بصوت عالي " ووووووووااااا وواااققفففف
شديت الجهاز و طفيته
نور : يا حيوان يا فاسد يا حقير هذي الحالة متعي اني  شن دخلك انت
دكتور عماد : اني دكتور زيني زيك هني و قلت خلي انديرله جلسه كهرباء بالك يرجع عقله
من كتر ما عصبني شديته ضربته و بديت نعيط لميت المستشفي كلها و رأسه دم و ضربني كف و عركة لسمي
شدوه و شدوني الأمن و رفعونا لمدير المستشفي
مدير المستشفي : هذا شن العار هي اختاروا يا فصل يا نقل
بدينا نتكلموا في نفس الوقت
مدير المستشفي : اس بلواحد نسمع اتكلمي نور
نور : الحالة حالتي و خلاص ولت متقبلة العلاج و بدينا في الخطوات الأولي يمشي هوا ياخد الحالة و يدخلها لجلسة الكهربائية
عماد : حتي اني دكتور زيني زيك
رئيس المستشفي : اسكت خليها تهدرز
نور : كل مرة يقولها اني دكتور زيك لكن هدي حالتي و اني ادري بيها و بعدين انت عارفة جلسة الكهرباء للحالات العقلية و حالتي شيزوفرينيا خفيفة
عماد : عادي اني نتكلم
رئيس المستشفي : لا متتكلمش كل شي واضح اتفضلي نور كملي شغلك و توا نجيبلك الجهاز يلي طلبتيه أما عماد فا عقاب ليه اخد الترقية منه و نزول رتبته الي 3.1 و هذا يعني ان راتبه بينقص و تفضلوا إنتوا الزوز
طلعت من الإدارة نبكي مشيت طول لحسام لقيته راقد المشكلة حتي الامية ميقدرش يشربها الا بعد وقت لان جسمه كله كهرباء
نحيتله الفنيلية يلي كان لابسها و رقته علي الفراش و قعدت جنبه
طق الباب
نور : مني
دكتور عماد : عماد
نور : مهناش حد
افتح الباب
نور : هوا اني قتلك افتح الباب
دكتور عماد : نور اني اسف
نور : علي شني اسف علي الشخص هذا يلي قريب قتلته حرام عليك
دكتور عماد : سامحيني نور نور اني الحق معجب فيك
نور : معجب فيا  ☹️
دكتور عماد : ايه ليش لا
نور : شن رأيك اني عندي لا
دكتور عماد : شني تحبي حد تاني
نور : مرديتش
دكتور عماد : صار هكي 😕
نور : كان عاجبك
دكتور عماد : ليش لا
و طلع و سكر الباب بلقوة ناض حسام
نور : ارجع ارقد حسام باش جسمك يرتاح
حسام : انتي شن اديري هني
نور : ارقد توا تولي كويس
اني كيف بنوخر المخدة شوي تحت رأسه طحت جت عيني في عينه و خشمي في خشمه و فمي في فمه و يشبحلي و عيونه قريب يطلعوا 👀
حسام : فمك حلو دكتورة
نور : اني أسفة 😨🤭
تحشمت و وخرت و هوا رجع رقد
مقدرتش انروح و نخلي حسام بروحه الحق قعدت معاه
كلمني بوي
بابا : الو بنتي وينك الساعة 8 المغرب
نور : لا اني اليوم عندي توكا
بابا : ومن أمتا تاخدي في توكات
نور : المرة هادي بس
بابا : باهي بنتي ردي بالك علي روحك
نور : حاضر بابا
بابا : تصبحي علي خير
نور : و انت من أهله يا روحي
قعدت مقعمزة بحداه هوا علي السرير و اني علي كرسي في جنبه منعرفش كيف النوم خداني لقيت روحي راقدة علي رجليه
نضت علي غفلة لقيتها الساعة 5 الفجر طلعت من الغرفة نسمع في عياط من قسم النساء برج 2
مشيت قلت خلي نشبح و يلي شفته ما ينقالش
الممرضات شادين المرضات من شعروهم و المشكلة ان المرضات كلهم كبار في السن و كان اهلهم جابولهم حاجة مكياج و لا كريمة او ماكلة يأخذوها و يحرقوا فيهم بلنار
حاجة ماساء 😢😭 و الحق وجعتني بنت اسمها آيات عمرها 24 سنة غزالة البنت بس عندها خلل عصبي يضربوا فيها و المشكلة المرضات تعبير وجوههم كانهم قطاطيس خايفين يسخفوا رجعت لبرج 1 و اني نبكي علي شفته و تاكدت ان يلي يخش المكان هذا معش يطلع 😰😢
خشيت لقيت حسام نايض يا ناس علي عيونه و لحيته
نور : صباح الخير حسام خليك خليك ما تتحركش
خليته يرتاح شوي طلعت شوي لجردينة متع المستشفي لقيت البنت آيات يلي كانوا قبل شوي يضربوا فيها و يعدبوا فيها ياناس عليها عيون و فم كأنها باربي و شعر كستلي و جسم ما شاء الله عيني باردة عليها
نور : هاي آيات
آيات : ها وار يو
نور : واو تتكلمي إنجليزي
آيات : ايه أصلا اني عندي بكالوريوس إنجليزي من لندن
نور : واو يعني انتي كنتي تقري في لندن
آيات : ايه اني بابا مسفرني كل العالم
نور : واو ومن بابا
آيات : بابا اوباما
نور 🤭🤨😐
آيات : ايه و زوجي جمال عبد الناصر
نور : 😢
آيات : خيرك مش مصدقتيني
نور : لألا مصدقاتك حبيبتي 
آيات : انتي شن اسمك
نور : نور
آيات : اسمك حلو
نور : سلمك حبيبتي
آيات : ممكن نطلب منك طلب
نور : اتفضلي حبيبتي
آيات : ممكن اتجيبيلي بنبلة و قفطان
نور : من عين هادي قبل هادي و نجيبهملك لمكانك
آيات : لألا ناديني و اعطيهملي
نور : ليش
آيات : ماهي تشوفهم أبلة سعاد تاخذهم مني و تعطيهم لبنتها
نور : باهي حاضر 😢
📍للعلم أبلة سعاد تجي و تجيب بنتها معاها يلي عمرها 11 سنة و تاخد في الألعاب و الألوان و حاجات المرضي و اللهي حرام عليها
سخفتني هلبا آيات و باين ان حالتها شيزوفرينيا درجة عالية 😢 الله يشفيها
رجعت لحسام و جبت معاي فطور باش يفطر و فطر و قتله شوي ونرجع مشيت جبت حبوب VBi متع تهدئة الأعصاب عطيتهمله و طلعت باش بنروح كلمت منال
نور : الو منال
منال : الو نور
نور : تعاليلي في المستشفي
منال : تواني
وصلت منال ركبنا
منال : وين تبي
نور : اي مكان نبي نهدرز عليك في موضوع إذا معندكش شغل لأني قريب نطربق
منال : لألا ما عنديش شغل عندي مكان مناسب
نور : وين
منال : مطعم علي البحر حلو هلبا نستجموا فيه
نور : باهي
وصلنا المطعم قعمزنا
منال : هي احكي فضفضي
نور : اسمعي الموضوع هذا سر و انتي اول وحدة نحكيلها
منال : عيب نور
نور : تعرفي زمان كان عندي حبيب اسمه حسام
منال : ايه يلي جابلك تليفون و يديرلك في عيد ميلاداتك و الهدايا و الجو ما تقوليش شفته أكيد متزوج توا يا حسرة علي الايامات
نور : لا اني ما شفتاش
منال : أمانا شن ذكرك فيه
نور : اني نعالج فيه
منال :🤭😶😮 لألا
نور : ايه و ليا توا أسبوعين نعالج فيه
منال : و خيرك ماقلتيش
نور : هاني قتلك
منال : باهي هوا كيف مرض
نور : مرضه غريب شوي يعني يعرف روحه و مايعرفش روحه و هذا نتيجة الصدمة و قتلوا مرته و حالة 
منال :  🤨
نور : و معش عرفت كيف نعالجه الحق فهمتيني منال 
منال : ايه ايه فهمت 😐
نور : كدابة و لا مانك فاهمة 
منال : باهي هوا يخش في عالم تاني و عيونه حمر زي الأفلام
نور : أتفوه 😒 عليك اني حارقة دمي و خايفة و انتي اتقوليلي زي الأفلام
منال : باهي خلاص خلاص اعطيني اني نعالجه
نور : منال
منال : ها روحي
نور : اقلبي وجهك من بحداي
منال : خيرك اني نبي نساعدك
نور : سكري فمك و متتكلميش
منال : ها 🤭
نور : هوا تقريبا تذكر بنته و أمه يعرفها يعني تقبل للعلاج
منال : بنته
نور : ايه بنته و اسمها نور
منال : 😍😍🤭 امسميها نور
نور : توا اني نبيه يتذكرني معرفتش كيف
منال : سهلة
نور : كيف يا عالمة الذرة
منال : اتقوليله انك انتي نور 🙂
نور : أما انتي وحدة تافهة و اني الحيوانة يلي جاية و نحكيلك  😒
منال : خيرك نونو
نور : يا بهيمة هوا عارف اني نور و اسمي نور لكن مش متدكرني
منال : اها قولي هكي باهي انتي ارفعي صورك انتي و ياه و أساليه و بعدين مش ديمة كنتي اتشدي في ودنه شديهاله مرات يذكر
نور : وكان اتذكر
منال : مش انتي تبيه يذكر شن البنت المهبولة هادي
نور : باهي خلاص توا نحاول 📍وكان متذكرش
منال : خليه يحبك مرة تانية
نور :كيف 😕
منال : يعني كأنه بيحب نور تانية مش نور متع الجامعة
نور : ايه صح باهي توا نفكر و نقولك شن بندير
فطرنا و طلعنا من المطعم
منال : وين تبي
نور : الحوش من امس مرقتش
منال : حاضر
وصلت الحوش أرقدت طول نضت الساعة 4 فليل من كتر التعب فتحت قعدت نسمع في أغاني اليسا و منسجمة و نتذكر في ايامات عشتها اني و حسام عشق و حب و غرام و هدايا كيف هذا كله ضاع و المشكلة من شني معرفتش كيف صارله هكي معرفتش قريب نضرب راسي في الحيط
الساعة 7 الصبح نضت لبست و مشيت العمل بكري شوي و قررت اليوم اني انواجهه ركبت للغرفة يلي فيها حسام
نور : صباح الخير حسام
حسام : يشبحلي و حرك رأسه
نور : حسام اني أنكلم فيك 
حسام : يشبحلي
نور :🤕خخخخيرك
حسام : نور
نور : 😧 تفضل 
اسكت
وقف
نور : 😨خيرك قول
حسام : عيونك حلوات نور
نور : ششششكككراااا 😨🤭
و وصل لعند ما جئ خشمي بخشمه و اني قلبي قريب ايطيح...يتبع