حلقة 6
حسام : نور
نور : 😧 تفضل
اسكت
وقف
نور : 😨خيرك
حسام : عيونك حلوات نور
نور : ششششكككراااا 😨🤭
و وصل لعند ما جئ خشمي بخشمه و اني قلبي قريب ايطيح و بعدين وخر
نور : حسام انت تعرفني
حسام : ايه
نور : مني
حسام : دكتورة نور
نور : اها اوكي قعمز حسام شوي و نجيك
طلعت و كل الطريق نرعش طول مشيت للإدارة و فتحت الباب بلقوة
مدير المستشفي : بسم الله خير نور
نور : لا خير بس نبي جهاز الأشعة السينية
مدير المستشفي : حاضر حالا يكون عندك
نور : اوكي شكرا
مدير المستشفي : خيرك قعمزي اشربي شي
نور : لا لا مرة تانية
مدير المستشفي : علي راحتك
طلعت من الإدارة و المستشفي قعمزت في الجردينة و اني نفكر هذا شني يلي شفته وكنت متاكدة ان هوا عارفني و اني مقعمزة و سرحانة جاني دكتور عماد
دكتور عماد : ممكن نقعمز
نور : تبي الحق لا
دكتور عماد : نبي الكذب
و قعمز و جاب معاه نسكافي و يهدرز و اني كنت لاهيا في موضوع حسام
دكتور عماد : نور نور
نور : ها
دكتور عماد : وين كنتي
نور : لألا شي
دكتور عماد : نور انتي زعلانة مني
نور : لا
دكتور عماد : بلحقاء
نور : ايه
دكتور عماد : نور انتي تحبي حسام او ردة فعل ليا
نور : مش عارفة
دكتور عماد : كيف يعني
نور : يعني مش عارفة و خلاص
دكتور عماد : اها
نور : دكتور عماد أنت لما شخصت حالة حسام كيف شخصتها
دكتور عماد : الحقيقة حالة حسام صعبة حسام دكتور نفسي يا نور مش مريض عادي
نور : 😢😢 عارفة لكن كيف صارله هكي
دكتور عماد : و اللهي علي حسب ما عرفت ان مرته ممكن مديرتله
نور : شن مديرتله 🤭
دكتور عماد : حاجة مخلياته هكي
نور : قصدك سحر و حاجات هكي
دكتور عماد : ايه ايه و نعرف حتي المكان
نور : و كيف عرفت انت
دكتور عماد : اختي كانت صديقة مرت حسام و قتلي في مكان كانت ديمة ابتهال تمشيله انتي بري و مرات تلقي حاجة تساعدك في علاجه
نور : لألا اني الموضوع مخشش دماغي
دكتور عماد : بري انتي مش خاصرة شي
نور : توا نفكر و خلاص
دكتور عماد : نوعدك انك رح تلقي شي بيساعدك
نور : ان شاء الله خير . عماد تعال معاي شوي
مشيت لغرفة حسام جبت الجهاز و دارهولي دكتور عماد علي حسام لأني منعرفش نستخدمه و جابلي التحاليل و الحمد الله ما فيش اي شي وراتي او نتيجة إصابة او ما شابه و كله نتيجة أوردة دماغية
خديت التحاليل و طلعت من المستشفي
دكتور عماد : انوصلك
نور : اه اوكي عادي
اول ما وصلت الحوش طول رقدت معش قدرت نضت اليوم التأني و درت عهد علي نفسي من الان بنبداء بلعلاج اتجهت لحوشه خديت ادن من أمه و خديت بنته و رفعتها معاي للمستشفي و دخلتها للدار يلي هوا فيها ما تتوصفش نضرته ليها اول ما خشت كيف قعمزنا و لعب هو و ياها و تسلينا و هوا كان ساكت ميتكلمش بكل بعدها تاقلم علي الجو
تاخر الوقت قلت للبنت سلمي علي بابا سلمت عليه و طلعت بيها ووصلتها اني و منال للحوش
منال : هي وين تبي توا
نور : اسوق
منال : و ليش ان شاء الله ابتشريله لبسة جديدة فلوسه تغرقك تغريق
نور : سكري فمك و انتي مش دافعة من جيبك و بعدين الحاجات مش لي حسام
وصلنا للمول خشيت لقسم الملابس النسائية
منال : شني بتلبسيه قفطان
نور : منال
منال : عيوني
نور : ممكن تستنيني لوطة يا ز💩
منال : نعتبرها إهانة اوكي
نور : امشي امشي
خشيت شريت قفاطين و ألعاب بنات و نزلت لوطة نسمع في صوت منال
منال : نور نور
نور : شن اديري فوق
منال : تعالي فيه بيتزا هني روعة
نور : البنت هادي الكرامة معندهاش وين تركب
ركبت كلينا لين شبعنا و روحنا
منال : وين تبي
نور : المستشفي شوي و نجيك انروحوا للحوش
منال : استغفر الله بصوت واطي
نور : شني
منال : لا نقول يارب فرجها عليك ندعيلك باش تشبحي بس
نور : اها نحسابك
منال : شني ألعاب هادي كلها شن بتفتحي روضة
نور : هاهاها نضحك و لا شني وبعدين مخصكش
منال : اني في الحياة كلها زي الكلبة
نور : واللهي أهلا و سهلا كلبة
منال : نعتبرها إهانة
نور : امشي امشي
خشيت المستشفي طول مشيت لقسم النساء
نور : لو سمحتي عنبر زويدة وين
ممرضة : غرفة 8 في الممر
نور : شكرا
فتحت الباب لقيت الحالات و منهم البنت آيات
نور : آيات هاي
آيات : نور ها وار يؤ
نور : اذكرتيني
آيات : أكيد تذكرتك دكتورة نور
نور : اها و جبتلك يلي تبيه
آيات : شن نبي
نور : القفطان و اللعاب
آيات : بلحقاء
نور : ايه هي تفضلي
آيات : شكرا
نور : حلوات
آيات : ايه
و عطيت لكل القسم لبسة و ألعاب
نور : 😍 عجبوكم
كل القسم : شكرا استاذة
طلعت و اني قريب نبكي ناس طيبة لدرجة زي اللمية
طلعت من المستشفي و وصلت للسيارة ملقيتش منال خديت التليفون و بنتصل و قلبي قريب يطيح نسمع في صوت التليفون قريب قعدت نلحق في الصوت نشبح في منال واقفة
نور : منال خيرك
منال : أتفوه عليك اخلعتيني
نور : شن اديري هني
منال : لقيت دكتور عماد يمشي قلت نلحقه كنت نبيه في موضوع
نور : و اللهي ما تتحشمي و بعدين دكتور عماد شن يدير هني
منال : لقيته رافع كيس الباين يبيع في دويات
نور : مدخلناش فيه لكن انتي لاش لحقاته
منال : يا نور خشيت في 32 و مزال قاعدة هكي
نور : أتفوه أتفوه أتفوه عليك و ني نحسابك خطفوك
منال : يسمع منك ربي
نور : مهبولة و اللهي مهبولة اركبي خلينا نمشوا
منال : و اللهي الا ما ننتحر
نور : ياريت
منال : نعتبرها
نور : إهانة
منال : ميرسي
نور : بوكوا
وصلت للحوش و اني معصبة من منال لان طيحت قلبي من جد خشيت كيف امتديت علي الفراش جئ اتصال من رقم مجهول بس كنت عارفة انه عماد لانه عنده رقمي
نور : الو
دكتور عماد : الو نور
نور : دكتور عماد
دكتور عماد : ايه نور
نور : اتفضل ان شاء الله خير
دكتور عماد : اليوم كنت عند حسام و شخصت حالته
نور : باه وشن بانلك
دكتور عماد : حسام حالته بديت تتعالج من لما شاف بنته
نور : حتي انت حسيت
دكتور عماد : ايه و نفكر ان يشوف صورت مرته و حياته زمان
نور : حسستني عنده زهايمر
دكتور : لا باش يكون عارف كل شي لو كان ناسي و يذكر حاجات عليه و يكون قدام الأمر الواقع إذا كان ناكر نفسه
نور : يلي تشوفه ديره من الان الحالة حالتك
دكتور عماد : اوكي
نور : هي تصبح علي خير
دكتور عماد : خيرك بترقدي
نور : ايه تعبانة شوي
دكتور عماد : خسارة كنت نبي نهدرز شوي
نور : و انت من أهله دكتور عماد
و سكرت لان هذا كان لصق معش يتنحي رقدت
نضت الصبح فطرت مع بابا و اختي و طلعت وصلت للمستشفي
دكتور عماد : صباح العسل
نور : صباح الخير و ان شاء الله خير
دكتور عماد : خيرك كل ما تشبحيني تقولي ان شاء الله خير
نور : لا كنت نحساب فيه شي
دكتور عماد : لا ما فيه الا الخير و للعلم من الان حسام حالة من حالاتي
نور : اوكي تعرف كيف شن رأيك نختار حالة تانية و نحضر عليها و حسام نعالجه و اكيد بمساعدتك
دكتور عماد : تبي الحق هذا أفضل قرار لان إذا تعالج من رح تقولي من عالجه في المشروع
نور : ايه اكيد 🙄😷صح يعني رح ننكرك
دكتور عماد : لألا مقلتش هكي
نور : من غير ما تقول اني رح نختار حالة من الحالات التانية و بنحضر عليها
دكتور عماد :رح بندل كل جهدي باش حسام يتعالج
نور : يارب
طلعت مشيت لحسام خشيت اول ما خشيت لقيته مش طبيعي المرة هادي
نور : حسام
حسام : اطلعي برا
نور : شني
ناضلي و وقف جنبي : قتلك اطلعي برا
نور : جديدة هادي
حسام : قتلك اطلعي برا
نور : خلاص خلاص اهدي
حسام : اطلعي برا
طلعت طول مشيت لدكتور عماد
نور : خيره حسام اول ما خشيت قالي اطلعي برا
دكتور عماد : ....يتبع
أنت تقرأ
حب بين دفاتر المرض ( روايات ليبية )
Romantikتدور الاحدات الرواية علي دكتورة أمراض نفسية ( نور سالم التواتي ) التي تعرضت الي ماساء عائلية توقفها عن العمل وهي موت زوجها و ابنها و تدخل في عزلة تامة فتقرر بعد سنة من العزلة الرجوع الي العمل و تحضير الدكتوراه في مرض الشيزوفرينيا او الانفصام و تختا...
