حلقة 10
نور : هيا منال اتاخرنا
ركبت في السيارة
منال : وين تبي
نور : قسم الشرطة
منال : بتسلميني يا معفنة
نور : هذا شني هذا و اللهي مريضة نفسية
منال : باهي شن تبي في قسم الشرطة
نور : بري و توا تعرفي
..
وصلنا قسم الشرطة خشيت للإدارة
نور : سالم عليكم اني الدكتورة نور سالم التواتي دكتورة أمراض نفسية
منال : و اني الممرضة منال علي سالم عزباء
ضربت أيد منال
رئيس قسم الشرطة : تفضلي بشني نخدموك
نور : نبي اندير محضر علي وحدة شباحة تسكن في منطقة بير سالم أدير في أعمال السحر و الشعوذة و خانبة مني 1800 دينار و رافضة اتقابلني
مدير قسم الشرطة : عسكري حضر السيارة
منال 🤭
نور 🙂
وصلت اني و سيارة الشرطة و وصلنا للشقة خشينا شدينة المراة و النساوين يلي يخدموا عندها
منال : اقتلوهم قبل ان يتكاتفوا
نور : يتكاتروا
منال : يتكاتروا
شديناهم و وصلنا لقسم الشرطة
مدير قسم الشرطة : الدكتورة هادي متهماتك بلسرقة منها و اتهماتك بانك اتزاولي في السحر و الشعوذة
المراة : يا سيدي اني وحدة علي باب الله و عمري ما شفتها
منال : كذابة بإمارة لما قتلك علي نادر
نور : سكري فمك 🤦🏻♀️
مدير قسم الشرطة : سكوت .. هادي يلي سرقت منك او لا
نور : ااااااا
مدير قسم الشرطة : استني شوي و جاي
نور : خود راحتك . اسمعي اني نبيك تقوليلي كل شي ( واني هذيكا اللحظة مش عارفة بس قلتها هكي وخلاص ) و لو مقلتيش اني عندي يلي يخليك تقولي
المراة : علي شني يا بنتي
منال : اسمعي انتي مراه كبيرة مش خرج حبوس قولي
المراة : اني مش عارفة علي شني تحكوا
نور : ابتحكي و لا أنقول علي الخواتم و السلاسل الروحانية و من غير اني عرفت عليك حاجات من جيرانك ادخلك إعدام
منال : تقي تقولي
المراة : دكتور عماد
نور : 😱 استني
فتحت الكاميرا
نور : توا قولي
المراة : دكتور عماد زبون عندي من قبل ياخد مني في الخواتم الروحانية و المرة هادي قالي اني بنبعتلك وحدة و نبيك اتقوليلها الكلام يلي قلتهولك و أعطاني 2000 جني
نور : كلام ان حسام ساحراته مرته صح
المراة : ايواه
منال : ويح بيني يح
نور : باهي تتوقعي علاش يدير هكي
المراة : واللهي ما نعرف
مدير قسم الشرطة : شن صار هيا
نور : لا لا اني آسفة و حرام نضلمها و يخلق من الشبه أربعين
مدير قسم الشرطة : ويخلق حتي من المكان أربعين صح يا دكتورة
نور : لا اني قالولي انها حولت لمكان تاني لكن مش نفس المراه الحق
منال : ياما في السجن مضاليم
نور : 🤦🏻♀️
مدير قسم الشرطة : باهي انتي اتزاولي في أعمال السحر
المراة : لا يا سيدي اني يادوب انعالج في الصغار و انداري بلقران و انبيع في السلاسل
منال : 😒
مدير قسم الشرطة : باهي خلاص سجلي بيناتك انتي و صديقتك و المراه و تفضلوا
....
طلعت من قسم الشرطة
منال : 😭😭
نور : خيرك
منال : كله منك سجلوني سوابق
نور :و اللهي الا مهبولة
ركبنا السيارة
منال : وين تبي
نور : حوش حسام و بسرعة
منال : فريرة
وصلت لحوش حسام
منال : ننزل معاك
نور : شدي مكانك
منال : نعتبرها إهانة
نور : باهي
طقيت فتحتلي الشغالة خشيت
ام حسام : ان شاء الله خير
نور : لا خير
ام حسام : تفضلي
نور : اني نبيك في موضوع مهم
ام حسام قولي
نور : لا في دار حسام نقولك
ام حسام : 😕
خشينا الدار
نور : هادي سلسلة لمني
ام حسام : ابتهال الله يرحمها
نور : و من جايبهالها
ام حسام : قالت اختي بس كانت ديما لابستها
نور : و أهي محطوطة اهنئ
ام حسام : ماهي اخر ايماتها نحتها بحجة انها أدير حساسية في رقبتها
نور :اها . باهي علي حسب ما سمعت ان ابتهال اتوفت بحادث
ام حسام : ايه حادت في سيارة حسام
نور : وشن سببه
ام حسام : الله اعلم يا بنتي
نور : ممكن نسألك سؤال خاص شوي
ام حسام : اتفضلي
نور : كيف كانت العلاقة بين حسام و ابتهال
و اني نهدرز مع ام حسام جت الشغالة يلي تفتحلي في الباب
ام حسام : شن تبي تشربي نور
الشغالة : لا اني جاية لشئ تاني
ام حسام : شن تبي
الشغالة : يا دكتورة اني نبي انقولك حاجة
نور : 🙁
و حكتلي و ياريتها ما حكت
ام حسام : يا حيوانة يا حقيرة حرام عليك هانت عليك العشرة تي انتي حسام أيقولك يا أمي
الخدامة : سامحوني و اللهي كنت محتاجة الفلوس
نور : خلاص خلاص يلي صار صار
للاسف عرفت كل شي و هدرزت معاها شوي و طلعت و دمعتي في عيني
مسحت دمعتي بحدا منال
منال : ساعة نور
نور : اطلعي طول لوزارة الصحة
منال : و اللهي و ليش
نور : واااك قداش تسالي
منال : و اللهي اني في هل القصة رجل كرسي
نور : بري بري
وصلت لوزارة الصحة خشيت طول نقابة الأطباء
الموضف : تفضلي
نور : نبي تعريف لدكتور عماد الرتيمي
الموضف : 😕
نور : لان مقدم في شغل في مصحتنا و نبوا نبذة عليه تعرف انت التزوير مرات يجيب تعريف ليه و يطلع مزور
الموضف : اها حاضر
نور : وياريت تعريف لدكتور حسام التاجوري
الموضف : حاضر
خديت التعريف و طلعت
منال : وين تبي توا 😫
نور : خلاص الحوش سامحيني تعبتك معاي
منال : لألا عادي
وصلت الحوش خشيت لداري و قعدت انقلب في الأوراق و نسترجع في الاحدات و استنتجت كل شي و صدمتي كانت كبيرة لين وليت نبكي
خش عليا بوي
بابا : خيرك يا نور تبكي
نور : بابا اني نبي مساعتك
بابا : تفضلي
نور : نبي اي حد في الشرطة ايساعدني
بابا : ليش ان شاء الله خير
نور : يعني انت ظابط اكيد تعرف حد كبير في الشرطة
بابا : ايه نعرف لكن ليش
نور : نبيه في موضوع مهم جدا
بابا : في شغلك
نور : ايه في شغلي
بابا : بري لي عمك رضا يساعدك
نور : من رضا
بابا :رضا ولد عمي عميد في الشرطة توا نعطيك مكانه
نور : متاكد يساعدني
بابا : علي ضمانتي
🔥 اليوم التأني 🔥
طلعت من الحوش خديت تاكسي و مشيت لمكان ولد عم بوي عمي رضا و خشيت و قعدت نحكيله
العميد رضا : هذا شني يلي تقولي فيه هذا يمشي فيها إعدام
نور : اني متاكدة و كله بلدليل وهادي الأوراق
العميد رضا : باهي خلاص خلي الأوراق و غدوا
نور : لا ورأس بؤك في حد بين الحياة و الموت لازم أدير حل اليوم
العميد رضا : تعرفي يا نور لو اني طلعت معاك سيارات و ناس كبار في الدولة و يطلع كل هذا كذب اني بنحطك في الحبس و بؤك يتفرج
نور : اني نبيك حتي انت تجي معاي
العميد رضا : باهي اني خاطري نعرف كيف عرفتي هذا كله
نور : لو تمشي معاي رح تعرف
العميد رضا : اني قتلك لو طلع كذب رح اندخلك الحبس و ما علي الرسول الا البلاغ 🙁
نور : و اني موافقة
شد التليفون و جاب سيارتين و ركبت معاه في السيارة و مشينة للمستشفي و اني في الطريق كلمتني منال
منال : نور وينك
نور : انتي يلي وينك
منال : اني في العمل
نور : مية مية خليكي غادي باي
منال : 🙁
وصلنا المستشفي و خشينا للإدارة
مدير المستشفي : خير خير ان شاء الله خير
نور : لا خير
العميد رضا : رضا رفيق التواتي عميد في الشرطة
مدير المستشفي : ان شاء شاء الله خيييير
نور : ما فيه الا الخير نبيك اتنادي دكتور عماد
مدير المستشفي : دار معاك حاجة توا يتم فصله
نور : لا مادار معاي شي
العميد رضا : طبق لو سمحت عندنا مشاغل
مدير المستشفي ؛ حححاااضضضر
شد التليفون و ناداء دكتور عماد
دكتور عماد : السلام عليكم
نور : وعليكم تعالا حسام قعمز شوي نبيك في موضوع
و نشوف في عمي رضا مركز معاي
العميد رضا : قولي يا نور هي
نور : لا نبيه ينادي جميع دكاترا القسم
مدير المستشفي : و ليش
عميد رضا : طبق لو سمحت
مدير المستشفي : حححاااضضرر
مشوا نادوا كل دكاترا القسم خشوا الدار و كان فيه كل الممرضات و الممرضين يتفرجوا
🔥 انتقال الاحدات الي منال في الاستعلامات 🔥
ممرضة : يا منال صاحبتك جايبة جيش و هادا علي المدير
منال : من صاحبتي
ممرضة : نور
منال : اه نور يح بيني خيرها
ممرضة : جايبة الشرطة للإدارة و باين عليها مشكلة كبيرة
منال : و اني نقول الممرضين من بكري يجروا
اجرررررررييييييييي 🏃🏻♀️🏃🏻♀️ يا ربي سترك
🔥 الرجوع الي نور 🔥
لو سمحتو ركزوا معاي علي بنقوله
العميد رضا : قولي
نور : يلي بنقوله ان في حالة في المستشفي مش مريضة نفسية
مدير المستشفي : اي حالة
نور : حسام
عماد : هذي شن تقول
مدير المستشفي : حسام
نور : اي حسام يلي ما ليشي اي صلة بمرض النفسي
مدير المستشفي : انتي شن تقولي يا دكتورة و باهي كيف عرفتي
نور : اها سؤال حلو كيف عرفت . توا بنبداء نحكي 🙂
عماد : 👀
العميد رضا : قولي ...يتبع
أنت تقرأ
حب بين دفاتر المرض ( روايات ليبية )
Romansaتدور الاحدات الرواية علي دكتورة أمراض نفسية ( نور سالم التواتي ) التي تعرضت الي ماساء عائلية توقفها عن العمل وهي موت زوجها و ابنها و تدخل في عزلة تامة فتقرر بعد سنة من العزلة الرجوع الي العمل و تحضير الدكتوراه في مرض الشيزوفرينيا او الانفصام و تختا...
