هلااااو حبايبي
محمد كلش نقهرت لان ابوهة كال ما اريدهة تشوفك تتئذه كال اني احاجيه واردلك خبر رجعت للبيت وكلش ضايج وره يومين خابرني ابوهة وكال ابني انسة ولاء لان متريدك دكول لشفته من محمد مو قليل وما اريد ارجع بنتي للعذاب سديت الخط منة واني كلش مختنك ما متحمل اي شي ضليت افكر ....
ولاء
بعد ما استقرينة بالبيت الجديد ارتاحيت شوية لان ذاك البيت اضوج منة حيللل لان طلعت منة فصلية وره فتره جنة كاعدين على العشة ابوية كال ولاء بنتي وره العشة عندي موضوع وياج
كمل العشة وغسلت الاماعين ورحت لابوية شفتة بالاسقبال جان كاعد وحده كتلة تفضل بوية
الاب ... بنتي ولاء اني ما اريد اجبرج على شي انتي ما رايدتة ولا اريد تفكرين انو اني ضايج منج بتي انتي بس شوفتج بالبيت تسوه عندي الدنيا وما بيهة هسة الموضوع لراح احجي وياج اريد دجاوبيني بصراحة اي او لا واذا جان جوابج لا ينسد الموضوع و مينفتح بعد
ولاء ... كتلة كول بوية واذا شي اكدرلة تدري بية ما اقصر
الاب ... بنتي محمد رجلج القديم صارلة فتره يخابرني واجة مره هنا يريد يحاجيج كتلة لا ما اريد اضوج بنتي كول الشي لتريد دكولة واني احاجيهة كال اريد ترجع وياي واللة انسيهة الصار ومن هذا الحجي ..... بنتي هسة كوليلي انتي تردين ترجعين لمحمد
ولاء ... لا بوية ما اريد ارجعلة لان تلشفتة منه مو قليل
الاب ... هاهية بنتي منا وينسد الموضوع هذا القرار قرارج ميحتاج احد يفتحة وياج بعد
ولاء ... كتلت لابوية تصبح على خير ورحت لغرفتي تمددت شوية بس كلش ضايجة لان اني اريد محمد بس من اذكر عيشتي وياهم ما اريده ضليت افكر بس كلت القرار الصحيح لازم اعوف محمد وارجع لدراستي
محمد ... ما كطعت الامل ضليت اتصل على اخوهة واصريت علية ينطيني رقمهة بس ما قبل كلش ضجت
ولاء
اليوم عرس اخوية حسين نضفت البيت من الصبح وطبخنة اني وامي العرس بالبيت لان بيتنة جبير اجن عماتي وخالاتي والبنات كلهم اجوي كعدت يمهم شوية صار الضهر صبينة الغده تغدينة وكلمن كام صلة وراح يحضر نفسة اني رحت سبحت وسويت شعري ومكيجت خفيف ما لبست فستان لان اني وحدي بالبيت وية امي خاف اتضايق بالفستان لبست تيشيرت احمر وبنطرون كابوي وشلت شعري عالي كلش حلوه طلعت لان اني كلش يلوكلي الاحمر لان بيضة ونزلت كلهم مبدلين وجاهزين وصوت لاغاني يرج البيت وكلهة جاي تركص وفرحانة بس اني احس اكو نقص بية ما اعرف ليش
كعدت شفت امي اجت من الغرفة طالعة تخبل لابسة جبة خليجية وامي صاحبة جتوف عراض وطولهة حلو لا طويلة ولا كصيره وذابة الشال على راسهة شوية وطلعو كلهم للزفة اني ما رحت للزفة ضليت بالبيت لان ادوخ من الهوسة وعمود احضر قبل ليجون خالتي الصغيرة ضلت يمي لان جانت مريضة بوكتهة طبعآ خالتي مو جبيره كلش عمرهة ٣٠وره ما طلعو بساعة ندك الباب كلت لخالتي رايحة افتح لباب
