هلاووو حبايب كلبي
لولو
قبل لا اطلع من المستشفى شفت محمد وجان ميقبل يباوعلي وكتله محمد راح اروح لبيت اهلي كال احسن اخلص من وحده خاينه بس لاتفكرين تتصلين عليه واني راح اغير ارقامي لان مااريد اسمع صوتج كتله محمد ترى ظلمتني هواااي انته والشي الصار ترى جان يردون يخربون بينا كال هذا الحجي ميفيد هس روحي وخلصيني منج كتلة محمد واللة تتندم لان ضلمتني هوااي وما ثقيت بية وراح تجي تتوسل بية لمن تكشف الحقيقة بس محمد انساني لتفكر بعد ارجعلك هاذا اخر كلام بيناتنة كال روحي اللة وياج شوفي حياتج وية الخنتيني علموده طلعت من المستشفى والدموع تارسه عيني ماادري دموع فراك محمد لو دموع الفرح راح اشوف اهلي قبل لنروح للبيت كلت لبوية وديني للبيت بس عند كم شغلة اريد اجيبهن رحنة للبيت ضل بابا بالسياره نزلت اني رحت لغرفتي اخذت الكلاده مالتي الجابتلياهية امي صارلهة عندي ٥ سنوات من نجحت للمتوسطة انطتنياهة اخذتهة وطلعت وكفت اباب الغرفة صفنت على الغرفة اكثر مكان اتعذبت بي هية اذكر محمد من جان يضربني هنا متت من البجي ومختنكة كلش احس شعور غريب اريد اروح وماريد ما اعرف شنو الاسوي طلعت من الغرفة باوعت على البيت كلة ولا مكان ارتاحيت بي وين ما جنت اكعد يجون يضربوني ويهينوني وصلت للمطبخ فراشي بعده على بمكانة ضليت صافنة وبس ابجي اكول شكد اتحملت عذاب اني طلعت من البيت سديت الباب ورحت لبابا شبكتة حيل وصعدت بالسياره وصلنه لبيت اهلي وشفت امي وظليت بس شابكتها وابجي وشفت اخواني وكيفو برجعتي الهم بابا كال باجر راح اسوي عزيمه لاقاربنه ع سلامة ولاء ورجعتها النه بدات الاوضاع تغير عندي اشتاق لمحمد هواي واليوم ميخلص الاه تطلع روحي ردت بس اسمع صوته اتصلت لكيت تلفونه مغلق فكلت يمكن محمد غير خطوطه كمت احاول انسى وكلت لبابا اريد ارجع لمدرستي كال ان شاء الله ع السنه الجديده شكد ما جنت اريد اغير حياتي بس ما اكد بكل لحضة جنت اذكر ايامي هناك اذكر الضلم والعذاب الشفتة
كمت اغير بحياتي وتحاول انسه
واستمر هذا الشي خمس اشهر
بيت محمد
ظل محمد دوم ظايج ويطلع من الصبح وميرجع اله بليل وكره كول النسوان وميختلط باحد واهله يردوه يزوج حتى يطلع من حالت الكابه بس هو جان رافض هذا الشي
رضا ظل يحس بتأنيب الضمير من يوم العرف ولاء نقذت حياته وينقهر رضا بداخله ع اخو محمد ويشوفه حياته تدمر كدامه لان محمد كام يشرب ويتاخر بليل وميروح ع شغله بنتظام
رضاااا......رحت لسناء وسولفتلها وكتلها اني راح اسولف لمحمد ع الشي السوينا اني وياج وظلمنه ولاء سناء تخبلت تريد يخلي يحن الها مكيفنا ينسى ويعوفها
رضا....بس حالت اخوج داسوء اكثر واكثر واخاف يسوي شي بنفسه لان محمد بعده يحب ولاء سناء كافي الله حرام الجاي نسوي
سناء...اذ كلت لمحمد اني مو اختك انسى عندك اخت واني احسبك متت ويا علي اخوية
رضا ظل بحيره استمر رضا بتانيب الظمير محمد وضعه بداه يسوء اكثر واكثر محمد بعد ميروح لدوامه ويقفل باب الغرفه عليه هوااي رضا ينقهر ع اخواه رضا قرر يسولف لمحمد بس منتظر يرجع تاخر محمد بليل صارت الساعه ٣ ومحمد ماكو طلعت ادور ع محمد وخايف عليه كولش دورت ومالكيت محمد وخفت عليه كولش كلت ارجع لبيت بلكي الله رجع لبيت محمد رجعت بس سيارته ماكو بلباب وظليت بحيره ع محمد صارت الساعه ٥ الصبح اجه محمد وجان كولش سكران وبس يبجي اتاذيت ع محمد هو يسولف بولاء يكولاء مامتوقع ولاء تخوني واني حبيتها من كل كلبي
رضااا...محمد كوم اسبح ونام وباجر اسولفلك شغله كولش مهمه
محمد..ماكو شي مهم بحياتي حياتي انتهت اني
رضااا...كوم محمد يالله اخذت محمد فوته لحمام سبح وماقبل يصعد اجه نام يمي بلصاله بس حسيت بيه هو كولش يحبها كوه لزمت نفسي وماسولفتله انتظرته لحد مانام وكعد الساعه ١١ الصبح من كعد ميذكر اي شي كام تريك وسبح وبدل وراد يطلع كتله محمد مو متفقين عندي موضوع وياك
محمد...اي موضعو عندك احجي بسرعه اريد اطلع
رضااا....كوم نطلع سوه
محمد...يوووووو احجي مالي خلك سوالفك
رضاااا. محمد اني عندي موضوع يخص ولاء
محمد....شنو هاي وجيب اسمها مااريد اسمع اسم وحده مو شريفه هنا بلبيت
رضاا.....كافي محمد ولاء شريفه وبت اوادم بس سالفة التلفون دبرناها اني وسناء الها سنا لهتها بلمطبخ واني صعدت وظميت التلفون بلغرفه
محمد...تحجي هيج لان نقذت حياتك
رضاااا....لا والله محمد احجي الصدك اني احلفلك بروح علي والمحادثات الي لكيتهن والرسائل سويتهن اني وصديقتي واذ تحب انطيك نسخه من المحادثات
فقد محمد من سمع هذا الشي
رضااا.. واذ مامصدك راح اخليك اصدك اتصلت ع سناء الوووو سناء شلونج هلو رضا سناء اليوم راح اسولف لمحمد ع كولشي تعبت صدوك تحجي رضا اذ حجيت الدوك محمد راح يرجع ولاء لبيت سناء احنا ظلمنا البنيه بهيج شي سناء بس هي اهلها كتلو اخويه سناء اني راح اسولف لمحمد والي يصير يصير
محمد ... صدوك انتو اخوتي هيج اسون بيه وتخلوني اعيشها بعذاب سنه ونص واسمعها اشكال الحجي وهي من ردت اتموت رضا نقذت حياتك
رضااا. اني من كعدت وكلتو ولاء تبرعت بكلى الك مااعرف شنو صار بيه كمت اخجل حتى من نفسي ع الشي الوسخ السويته وياها
فقد محمد وظرب رضاء ع وجها وطلع من البيت بسيارته
محمد
كلش تأذيت من سمعت الصار ب ولاء لان ضلمتهة هواي اذكر من جانت تحلف دكلي وداعت ابوية ما خنتك كمت ما اكعد وية اي احد كرهت العالم كلهة فكرت اروح لاهلهة واحاجيهة بس مالي وجه كدامهة على الي سويتة بيهة اكثر شي اتندمت علية بحياتي هوه لان ما صدكت ولاء من جانت تحجيلي وما اصدك بيهة غراضهة كلهن بالغرفة ما اخذت اي شي اباوع على غراضهة ملابسهة كلش اشتاقيتله اتمنة موجوده وياي بهاي الفتره كل ما اطب للغرفة اختنك اذكر سوالفهة ضحكتهة
افكر اذا رجعت وياي واللة الة اخليهة اسعد انسان بالدنيا بس ما راح اكطع الامل ان شاللة احاول ارجعهة الية
من عافتني حتة شرب كمت اشرب للبيت ما اجي تالي اليل اجي انام وارجع اطلع الصبح اي واحد بالبيت ما احاجي
تصويت حبايبي 😘😘
