هلوووو حبايب كلبي
رجع محمد لحالة اليأس واكثر وبعد محد يكدر يسيطر ع وضعه وكام يشرب اكثر وميرجع لبيت قرر رضا يروح لبيت ولاء حتى يسولفلها ع وضع رضا وع غلطه السواها بحقها بس جان اكو شي يمنع رضا يروح وهو الخجل لان يستحي يكول السواه بيها مو قليل بس رضا راح وسولف السالفه كولها لابوه وكاله الصار بي ويا ولاء وسناء جانت السبب الجبير بهذا الموضوع اتصلو ع سناء نكرة سناء هذا الشي بس ابو رضا كالها من اليوم انتي مو بتي وبيتي مدخليله لان انتي ضلمتي انسانه بريه اتحملت منه ضنب هي مسويته ظلت تبجي سناء وتحاول تعتذر من ابوها بس ابواها مقبل لعتذر وطردها طلعت سناء وبكلبه بركان من النار لان اهلها طردوها راحت سناء لبيتها وهي مقهوره حاولات تصلح الامور قررت تروح لبيت ولاء وتعذر منها بس محد وياه تروح وحده سئلت ع لبيت اهل سناء واندلتهم ونوت باجر تروح اجها تلفون بليل ابوها متخربط وضعه كولش صعب وبلمستشفى جان الاتصال من رضا راحت سناء لبيت اهلها وهي كولش خايفه ع ابوها وع وضعه وانتظرت يرجع ابوها من المستشفى بس خابرو وكالو الاب حالته كولش خطره صار عنده نزيف بلدماغ وفاقد الوعي واتطو بي نسبة ٧٢ ساعه لو يصحه لو يموت ظلت سناء تبجي وتكول بسبي صار هذا الشي بابويه وهاي الي دا يصير بينه هو السويناه بولاء استمر وضع العائله بجدل وخوف وقلق لحد ماعدت نسبة الخطر عن ابوهم وطلعو من غرفة الانعاش بس جانت الزياره ممنوعه عليه بس الولد جانو يدخلون لابوهم يغيرولة ملابس ويوكلو
الحمدللة اتحسن وضعة وطلعو بالردهة
وخلونة نفوت نشوفة بس واحد واحد يفوتون
محمد
طبعآ تغيرت اوضاع البيت كلة من تمرض ابوية
ولا واحد بالبيت ياكل ولا ينامون مكضية بس بجي لان ميذكر عائلتة بقى بالمستشفى ٢٠ يوم
بس عبالك مرت علينة سنة
رحت للدكتور اريد اشوف وضع ابوية شنو
محمد ... سلام عليكم دكتور
الدكتور ... وعليكم السلام ابني تفضل خو ما بي شي الحجي
محمد ... لا دكتور الحمدللة ما بي شي
بس دكتور شنو وضعة هسة
الدكتور ... وضعة زين هسة بس شوية نسيان بسيط والضغط مرات يصعد بس صعود قوي
وخايفين من الضغط شوية
محمد ... زين دكتور شوكت نكدر انطلعة
الدكتور ... واللة يا ابني بس يستقر الضغط نكدر انطلعة يعني هل يومين ان شاللة ولتخافون ان شاللة وضعة زين
محمد ... شوية طمني الدكتور لان جنت خايف خاف النزيف سبب توقف برجلية لان جان يحركهة كلش قليلفحصهة الدكتور كال لا ما بيهة شي بس شوية خمول عنده من وره النوم
رحت الابوية اشوفة سولفت وياه شوية وبدلتلة وكلتة بس ابوية صافن كتلة بوية رايد شي كال بوية اريد تجيبلي ولاء خاف اموت وما مسامحتني كتلة لا بوية ان شاللة عمرك طويل وان شاللة اجيبهة بس ارتاح هل جم يوم مو زين على صحتك التفكير اجة الممرض يلااا اخوية بل استراحة اكعد لان خلص الوقت الزياره لازم يرناح المريض طلعت بوست ابوية وطلعت كعدت بره جاي افكر بولاء كلت لازم اروح احاجيهة وهاي حجة بلكت اقنعهة ترجع وياي.....
صباح يوم جديد
لولو .. كعدت ساعة ب العشره ونص طبعآ من رجعت الاهلي لحد الان اكعد بالعشره
كمت سبحت وبدلت ورحت للمطبخ شفت امي مكملة كلشي حتى الغده كتلة ماما ليش ما كعدتيني اساعدج كالت لايمة ارتاحي تعبناج هوواي احنة رحت تريكت بعدين رحت فتحت تليفوني راسلت صديقاتي اتفقنة اليوم يجن يمي كمت كلت لاخوية حسن كتلة وره الغده نطلع محتاجة كم شغلة كالي اوكي تددللين
رحت شفت ماما جاي تصلي وبابا همات كتلهة اصب الغده كالت اي
رحت صبيت الغده امي مكملة كلشي الزلاطة واللبن والطرشي كلة محضرتة فرشت السفره وخليت الاكل اجوي اخواني وامي اتغدينة ورحت غسلت الاماعين ورحت لغرفتي تمددت شوية بعدين كمت خابرت صديقتي مريم الي اعتبرهه مثل اختي مريم ضلينة نسولف اني وياهة تقريبآ ساعتبن اكثر انسانة احبهة بحياتي لمن رجعت من بيت محمد جنت اني بحالة مو طبيعية ما اتمناهة لاي بشر لان تعبت كلش بيت محمد بس انضف وانضرب ما اجذب عليكم ارتاحيت يمهم قبل ليرجع رضا شهر اوشهرين تقريبآ بس من رجع رضا كل حياتي تغيرت تمنيت الموت بذيج الايام العشتهة يمهم صح اني احب محمد بس ما اكدر ارجع الهم مستحيل على الي سوا وعدم ثقتة بية ابد ما عافتني بذيج الايام 👆 خطية جانت تجي يمي شوكت ميصيرلهة فراغ اختي هسة حامل كلش فرحت الهة من كالتلي
صارت ساعة ٢ الضهر كمت سويت كيكة وزينتهة وخليتهة بالثلاجة ورحت لحسن اخوية كتلة ابدل نطلع هسة كال يلاا بس بسرعة لان عندي شغل
رحت بدلت لبست بنطرون كابوي وتشيرت ماروني وشال اسود وحذاء ماروني رحنة للسوبر ماركت اشتريت جباس ونساتل ......
شتريت كوومة شغلات ورجعت للبيت سبحت ولبست تراكسود رياضي لون بنفسجي بنفسجي طوووخ كلش اني بيضة يلوكلي هذا الون وشلت شعري عالي وجهزت الاكل وكعدت انتضر البنات وره شوية اندكت الباب فتحتهة طلعن البنات فتنة بالاستقبال كعدنة وحدنة كلت علمود البنات ياخذن راحتهن سولفنة وركصنة واكلنة .... كلش تونست وية البنات لان جنت حيل ضايجة
عبير ... (صديقة لولو) لولو شصار على سالفت محمد
لولو ....عبير انتهة الموضوع كلمن راح الطريقة هوه ما رادني وما ثق بية اني هم كذالك
فاطمة ... يعني اذا رجع محمد واعتذر منج تسامحي
لولو ... لا ما ارجع السوو بية مو قليل ذلوني هووواي ما اتصور اكو بنية تتحمل الي تحملتة اني كلش اذوني
زينب ... زين منو من البيت جان واكف وياج او يساعدج
لولو ... بس ساره ونور ساره نور اختة لمحمد وساره مرت حماي بس هم اخر فتره منعتهن عمتي يحجن وياي او يساعدني بالبيت دكوللهن الفصلية تشتغل اني واحجي وية البنات كلش ختنكت من اذكرت ذيج الايام كمت ابجي
فاطمة ... يلااا حبيبتي الفات مات ان شاللة منتضرتج ايام سعيده عوفي لدموع
شبكني صديقاتي ضلن يسولف ويشاقن يردن يغيرن علية شوية وره ساعة تقريبآ راحن البنات
عزلت الاستقبال ورحت يم اهلي ضلينة نسولف شوية وبعدين صعدت لغرفتي صفنت شوية اذكرت محمد كلش مشتاقتلة معقولة ليهسة ما حجولة الحقيقة او حجولة وما راد يجي يعتذر او شافلة وحد غيري ونساني اصلا ضليت افكر ودايخة بعدين نزلت ساعدت امي بالعشة اتعشينة شوية راحت الضوجة لان اجوي اخوني وضلينة واحد يتعارك وية الثاني ونشاقة كلش اتونس من اكعد وياهم صارت ساعة ١١ كلمن راح لغرفتة اني هم رحت نمت لان جنت نعسانة
استمر وضعي هكذا 👆 بس نوم واكل ومرات اشتغل وية ماما بس قليل
٠٠٠...٠٠٠...٠٠٠...٠٠٠...٠٠٠...٠٠٠...٠٠٠...
تصويت حبايب كلبي البارت الجاي حيكون مفاجئة❤❤❤
