هلاوووو حبايبي 😘
كملو كلهم ونزلت ساره و حيدر و الجهال و نور
الجهال طالعين يخبلون ملوكة لابسة ثوب وردي يجنن عليهة وطلع رضا و وعمو وعمة انطيت الكدور لحيدر صعدهن بالسياره ورجعت تمددت اجو كلهم بلمطبخ كملو يردون يرحون اجت عمتي دفرتي برجليهة كالت كومي قفلي الباب ورانة شكد نقهرت بهاي اللحضة كلهة تباوعلي بأستصغار ظليت بس ابجي واحس الدنيا اسودت بعيني كمت قفلت الباب وراهم واحس البيت يريد ياكلني وخايفه وحدي كملت شغل البيت وطفيت الاضويه كلهن ورحت صعد اريد اشوف غرفتي صعدت لكيت الغرفه مكلوبه كلاب والملابس مالت محمد مطشره بلكاع فبديت انظف بلغرفه وابجي لميت الغرفه وبديت امسح بلغراض مال الغرفه لان كولهن تراب لكيت بميز الجربايه دفتر مذكرات لمحمد يكتب بي ع حياته وياي ومتندم لان حبني وكاتب اني خنته وعندي علاقات هواااي نمت ع الجربايه وظليت بس ابجي ماادري بروحي غفيت واني ابجي كعدت المغرب ع صوت دكت الباب بس الدكه جانت كولش قويه خفت نزلت بسرعه وكلت منو محمد كال افتحي الباب اني فتحت الباب ولطيت ملابس محمد كولها دم تخبلت من شفته كتله شبيك كال كوله من سوالف رضا سكران واخذ السياره هو يسوق وسواه حادث وهس حالاتهم كولش خطره هو وملوكه كتله وتلبقيه كال لا مابيهم شي بس شويه جروح باوعت ع محمد ايده مورمه والدم يكت منها اخذ فلوس وطلع يركض ركضت وراه حته ياخذني كام يعيط عليه وطبك الباب بوجهي حيل وطلع ظليت كولش خايفه ومااعرف شنو اسوي ماكو كدامي غير حل واحد هو اخابر ع ابويه يجي عليه بس مين اخابره اخاف اطلع ويعرفون العالم اني وحدي ظليت بحيره كولش جبيره بس بعدين كلت اتوكل ع الله واليصير يصير رحت ع جيرانه دكيت الباب طلع رجال جبير وكتله عمو اريد تلفون اتصل بي ع اهلي وسولفتله الي صار ويا بيت عمو انطاني التلفون اتصلت ع بابا بس سمعت صوت ابويه ظليت بس ابجي كولش مشتاقتلة كتلة بوية اريد تجيني للبيت كال ابوي شبيج بنيتي خو ما كو شي كتلة لا بوية بس تعال وره ساعة اجة ابوية اول ما طب بس شفت ما تحملت نزلن دموعي وحدهن طب ابوية شبكتة وفرفحت من البجي وهوه هم يبجي وياي كتلة شلونهم امي واخواني كال الحمدللة بس بوية ليش هيج ضعفانة رايحة كتلة لا بوية ما بية شي بس اريد تا خذني للمستشفى كال ليش بنيتي شكو شعدج وينهم اعيالج
بابا ....... سولفتلة الصار كتله يالله بابا وديني كال بابا وتعرفين باي مستشفى هم هس كتله لا مااعرف كتله بابا اتصل ع محمد وكله احنا جيرانكم بيت ابو تحسين وسمعه من المنطقه ونريد نجي فتصل بابا وحجه ويا محمد وانطه محمد العنوان ورحنا لمستشفى اول ماطبينا لمستشفى محمد وعمو تخبلو من شافونه وكامو بس يعيطون ع بابا واني حيل نقهرت وبس ابجي وعمو يكول من شفتكم ماشفت الراحه ابني مات وهس واحد حالته خطره كمت بس ابجي وبابا بس صافن الحجيهم بهاي الاثناء طلع الدكتور من غرفة العمليات وكال حالات رضا كولش خطره وهس كلياته واكفات وحالات خطره ويحتاج متبرع خلال اربعه وعشرين ساعه واذ مالكيتو احنا مامسولين انخبصو عيالي كولهم وراحو كلهم يسون تحليل حتى يشوفون من يطابق نفس الكله طلعن التحاليل بس محد طابق كلية رضا كتلهم اني اريد اسوي تحليل بلكي يطلع نفس الكلى بابا مقبل بس عمو كيف واخذني ورحنا نسوي التحليل طلع نسبة التطابق ٨٨بلميه ودينه التحاليل لدكتور كال يصير بس العمليه خطره ع الطرفين ونسبة النجاح ٧٠ بلميه واني مااتحمل المسوليه بس كلت لدكتور اني اوقع ع مسوليتي كال هذا الشي بعد راجع الج كملنه التحاليل وعمليتي الساعه ٩ بليل اشوف الكل تباوعلي الاه محمد بس يبجي من سالته كتله ليش تبجي كال انتي متهميني بس خايف ع حيات اخويه اني حيل انقهرت من حجي محمد وظليت بس ابجي قرب وقت العمليه سلمة ع بابا وكتله خاف مااطلع بوسلي امي واخوتي واني احبكم هواي جنت منتظره اسمع حجايه حلوه من محمد بس محمد اجه تقرب عليه وكال هذا السويتي ترى ميغير شي ظليت بس ابجي دخلت لغرفة العمليات واني ابجي سالني الدكتور كال شبيج هس ينزل الضغط ومنكدر انسوي العمليه كتله امانه بركبتك اذ متت اني بلعمليه كول لزوجي مرتك مخانتك انطوني ابرت المخدر وكامت الدنيا تغوش بيه بس اكول محمد اسمر وضع العمليه خمس ساعات كملو العمليه ونجت بس اني جانت وضعي كولش صعب صارت عندي مضاعفات من العمليه وره اسبوع كال الدكتور اليوم اوقعلكم ع الخروج اجه عمو لغرفتي واشكر مني وكال نقذتي حيات ابني كتله عمو اني نقذت حيات رضا اني مارجع وياكم لبيت صح ابنكم مات بسب اخويه بس هس نقذت حيات رضا واني ماارجع لبيت كاافي اتحملت هواي ظل ساكت عمو كتله ها عمو كال بعد بكيفج لان انتي ومحمد هم وضعكم مو شي روحي شوفي حياتج ومحمد هم يشوف حياته بس اظل ممنون الج طول العمر
....................................
تصويت حبايب كلبي
واللة تعبت بكتابت البارت
انطوني رئيكم بالاحداث 👆
