هلاوووو حبايبي شلونكم
ولاء
كعدت الصبح سبحت وبدلت طلعت شفت ماما وبنين كاعدين والبيت نضيف باوعت للساعة شفتهة ١٢ تفاجئت كاعده هيج وكت كمت اكلت شوية ورحت صليت ورجعت شفتهم صابين غده تغديت وكمت غسلت الاماعين لان اليوم كلشي ما سويت كلتن الاماعين رحت لغرفتي ضلينة تحجي اني ومحمد وكالي اليوم راح ادز اهلي يجون يخطبوج حبيت اضوجة شوية كتلة اني ما موافقة لتجون وتعبون نفسكم صار عصبي محمد وكال مترديني مو خوش اني باجر اخطب وازوج سد الخط ضليت ادك عية ماكو صار العصر دزيت رسالة لمحمد هاي شبيك محمد جنت اشاقة وياك يلااا باجر نننضركم كلت لاهلي كالي تشاقين مووو واني اتوسل بيج حضرت جنابج يلااا باي
محمد
رحت حاجيت اهلي كتلهم ترحون باجر تخطبولي ولاء بيهم الفرح وبيهم الضاج بس محد اعترض وفنة اليعترض خربو حياتي مره مر الثانية ما انطيهم مجال يخربوهة
ولاء
كلت لاهلي وسلفتلخم عى تواصلي وية محمد وافقو اهلي وكالو هذا قرارج واحنة نريد الشي ليريحج بنتي
صباح جديد
محمد كعدت الصبح غسلت سيارتي ورحت زينت واجيت لكيت امي وابوية جاهزين وراح يجون ويانة ساره وحيدر رحنة البيت اهل ولاء
ولاء كعدت من الصبح اليوم ساعة ٨ سبحت وبدلت وشسورت شعري بعدين كلت هو اني لابسة حجاب عود ليش شسورت وخليت مكياج صار الضهر واني بعدني بالغرفة بعدين اجتي بنين كالت ها لولو بعدج نايمة صارت ساعة ١٢ هلو حبيبتي لاولج كاعده من ٨ اليوم بس ب
سبحت وسويت شعري كالت اليوم الشمس مين طالعة شنو هل تغيرات خاف علمود حمودي كتلة لا ولج غير صار ٦ اشهر مشايفيني غير ارتب نفسي كملت وره شوية اجو اهل محمد طبو بالاستقبال كعدت امي وبنين يمهم واني بالمطبخ اخذت صينية العصير وفتت قدمت الهم وسلمت كيفت بجية ساره وحيدر لان بس همة جانو يحبوني وسلمت على عمو وعمة عمو كلش متغير خطية اخذت ملوكة بحضني كبرانة صايره تخبل وسراج اجة كعد يمي كال حيدر شوفي ساره بس شافو ولاء عافوج كالتلة اي عادي لولو هم مثل امهم ضلينة نسولف ونضحك كلش فرحت بهذا اليوم احس الكاع ما شايلتني من كد ما فرحانة تمت الخطبة بنجاح ههههة 😂😂😂
وره بشم يوم عقدنة سولنة حفلة تجنن قبل الحفلة اجت سناء ورضا اعتذرو مني وسامحتهم
سوينة فترتة خطوبة شهرين اكثر ايام حلوة بحياتي هية هاي حيل تونست بيهة يومية يجينة محمد ومرات نطلع اني وياه
مره اخذنة ملوكة ويانة من طلعنة
سوينة الحنة واجن صديقاتي ودك وركص خلصناهة 💃💃💃وبليل اجة محمد طكينة صور يخبلن وضل شوية وطلع محمد
اليووووم العرس
كعدت الصبح اول ما فتحت عيني شفت محمد يدك علية فتحت الخط ضلينة ساعتين نسولف بعدين كتلة محمد كافي سوالف صارت ساعة عشره ونص كال يلاا روحي حياتي
كمت سبحت وبدلت واجت سناء بس جانت حيل متغيره وحبابة حيل صايره اخذتني للصالون واجن وياي اختي مريم وبنين مرت اخوية رحنة للصالون اختارتلي المكياج اختي مريم لان خبره بالمكياج وسوتلي تسريحة تجنن وفوتتني للغرفة لبست البدلة باوعت بالمراية شكلي يجننن صار كلهة صفنت علية سناء ضلت تصلي على محمد دكولي طالعة تخبلين كمل اجة اخوية حسين اخذنة للبيت وره شوية بدت الحفلة والهوسات وبعدين اجت الزفة فات محمد جان طالع يخبل هوه طويل حيل وجتوفة عراض القاط كاعد علية يخبل كشخة طالع وبعدين صعدنة بالسياره جان حيدر يسوق واحنة ليوره السياره جانت عالية ولون ابيض بس ما اعرف شنو اسمهة الزفة صارت تجنن سياراات كوووووومة وهوسات والاغاني فد شي يجنن بعدين فتنة للبيت وخلصت الزفة وصعدنة لغرفتنة اجة محمد كال حبيبتي الف مبروك النة ان شاللة نضل سوه طول العمر وان شاللة اخليج اسعد انسانة بالكووون
😍😍😍
مر على زواجنة ٣ اشهر وحبلت بأبني جود
عشنت يم عيالي ٣ اشهر وبعدين محمد كال اني جنت مقرر بس يصير عدنة طفل ننتقل لبيتنة بغداد اني شوية رفضت لفكره لان جنت صغيره خاف ما اكدر اقيد مسئولية بيت كامل بعدين اصر محمد ننتقل طبعآ بيت عيالي هم جنت مرتاحة ويحبوني ويحترموني مثل اي جنة نتقلنة لبيتنة وصارت ولاتي واجوي كلهم يمي وجبت ولد وسمينا جود وره ٣ ايام كلهم راحو بس ضلت يمي نور جانت عطلة بوكتهة ضلت يمي شهر اداريني خطية راحت نور واني رتبت روتيني وبعدين سوينة عزيمة واجوي اهلي واهل محمد طبخت بانية وبرياني
محمد ... ها ام جود كملتي الطبخ
لولو ... اي حبيبي كملت سويت برياني ودجاج وبانية وتمن وزلاطات وطرشي ولبن ... ومن هاي السوالف
محمد ... حبيبتي مو كتلج راح اجيب سمج شدعوه سويتي هلكد
لولو ... يلاا حبيبي همزين جبت سمج اني مشتهيتة يلااا حمودي خابر حيدر شو تأخرو
محمد ... يلاا ام جود هسة اخابرهم تدللين
كملت كل الطبخ رجعت مسحت البيت وعطرتة ورحت بدلت لجود وخليتة يم ابو ورحت سبحت لبست دشداشة تركوازي وشال اسود وخليت عطر ونزلت كعدت يم محمد جان يلعب وية جود وره شوية ندك الباب اجوي اهلي وعيالي جنت كلش فرحانة بلمتنة صبينة الغده اني والبنات وره الغده غسلنة الاماعين وسويت جاي وديتة كملنة كعدنة نسولف كلنة احلى يوم جان كلهم فرحانين
وره فترى صار عدنة بنية وسميتهة جنى وهسة ابني جود عمره ٤ سنوات وبنتي جناوي عمرهة سنتين جنى النسخة الثانية مالتي وجود النسخة الثانية مال محمد وهسة اني عمري ٢٣رضا خطب وازوج بنت عمة وهسة عدهم ولد واخوية حسن خطب نور اخت محمد وازوجو وهسة عدهم بنية رتبت روتيني بالبيت اكعد وية محمد من يطلع لدوام ساعة ٧ من يطلع محمد ارجع انام شوية اكعد ب٨ اريك جود وجنى واكعدهم يلعبون واكمل تنضيف واطبخ واسبح الجهال وابدللهم وانيمهم وبعدين اطب اسبح واصلي صايره ساعة ب٢ يجي محمد يبدل ويسبح ويروح يكعد الجهال واني اروح اصب غده نتغده ونكعد محمد يضل يلعب وية الجهال.... ويخلص اليوم هكذا ومرات نطلع بس مو يومية فد مره بالاسبوع ومرات نروح للبصره لبيت اهلي واهل محمد نشوفهم ونرجع وعشت اجمل ايام حياتي وية محمد وجهالي وصدك محمد خلاني اسعد انسانة بالكون
العبرة من القصة حبايبي مو كلشي نتمنى او نريدة يصير النة او مرات شي ولا حاطي ابالنة يصير بينة او مرات شي صعب علينة نتحملة لاكن بمرور الايام راح نتعيش وية الوضع ونشوفة شي طبيعي اكو ناس صار بيهة اكثر من الي جاي يصير بينة شلون ولاء ابد مجانت تفكر ان بيوم من الايام راح تروح فصلية لاكن بتعاملهة واسلوبهة خلت البيت كلة يحبة ومحمد كذالك .
للتوضيح . القصة صارت بسنة ٢٠١٢
تصويت حبايبي
اتمنة عجبتكم قصتي
انتضروني بقصة جديده ان شاللة
😘😘😘 ❤
