هلووو متابعيني الحلوين شلونكم
وصلنه البارت ال11 اتمنى مستتمتعين بالاحداث وكتبولي شنو رئيكم بالقصه والسرد والشخصيات الابطال كلشي ابالكم كتبولي اريد اشوف كل ارائكم وراح اقره كل التعليقات مريم يعرب .....
الإحساس الأجمل في العالم أن يكون المرء مطمئنًا لا أكثر، لا يشعر بالخوف أو الريبة، لا تعتليه الشكوك أو الضيقة، لا يخوض معاركًا مع عقله كل ليلة، مطمئنٌ فحسب، اللهم ارزقنا طمأنينة القلب والنفس.
تعود إلى سريرك اليوم، تحت سقفك الآمن، وبين أشيائك التي تُحب، تسمع صوت حديث عائلتك، تتواصل مع أصدقائك، يوم سعيد آخر ممتلئ بالحُب، بالضحكات، بالعطاء.. لم تشكو الجوع، أو يخلع قلبك الفقد، ولم تطرق الأبواب طلبًا للمساعدة، يومًا آخر تنام فيه مُطمئن القلب، فالحمدلله.
#شر الانتقام
نمت ولاول مره اريد الليل يخلص ويجي الصبح بسرعه هيج فرحه بداخلي ما اعرف شلون اوصفهه اليوم جان كلش حلو
محمد اكيد بدون نقاش مبدليهه مو نفسه
عمتي كذالك الحمدلله على كلشي
غفيت واني كل ساعه افز خاف صار الصبح وعافوني فزيت بال5 ضبط الشمس ستوهه بدت تطلع ضوه خفيف من الشباك الغرفه بارده ثلج اديه ورجليه متجمدات كمت شفت محمد متكشف غطيته وطلعت جواريب لبست ورجعت نمت
هنا جنه بداية شهر الواحد جان الجو كلش بارد يمكن لاول مره بالعراق يجينه هيج برد
ادور اني ابرد بسرعه بس رغم كلشي الجو يجنن
حسيت ساعه ب8 ونص صوت محمد يكعدني فتحت عيني على ازعاجاته ستوه طالع من الحمام وينفض من شعره مي على وجهي
_لا محمددددد حباب محممممددد بارده
_ولاء يالا كومي تأخرنه والله
_راح تجي ويانه
_هسه غير تفضني اي اجي
_مو كلت عندي شغله
_تأجلت
كمت لميت لفراش بسرعه ونزلت سويت لعمي وعمتي ريوك وعفتهم يتريكون وصعدت اخذ هدومي اريد اسبح فتحت الدوش وصفنت بردانه ونعسانه ومحمد مخلص المي الحار بحيث المي بي اسم دفو
مديت راسي واصيح
محمممممد محمددد
اجه يركض
_هاااا شبيج شكووو
_ليش مخلص المي الحار
_وسم عبالي نتلتي بيج شي ومن اصيحلج فاهيه تضوجين
_محمممممد هسه احجي شلون
_اكو مي بس فتحو جوه وصار بارد
فضينه عاد صار الضهر
_طبيت افتح المي واحجي ياضهر هذا ساعه ب9
صاح محمد
_يل فاهيه لدردمين لا اجيج
طلعت من الحمام بدلت لبست بنطرون كابوي رصاصي وتشيرت سمائي فاتح
ونشفت شعري ولميته جاي البس الحجاب طب محمد ضل واكف كبالي منتجي على الميز الربطه اني ما اعرف البسهه بس نور دكول تلوكلج ومتعب ويه العبايه تثبت
واني لانو انثول بلعبايه كلت البس ربطه حته متعبني وتثبت وجاي احاول الفهه عدل متضبط محمد واكف ويضحك
ولاء هاي شجاي تسوين
_محمد شتشوف غير البس الحجاب
_بويه شبيج راح تبجين تعالي اني اسويلج يا
_عيني جويل وخر من يمي شمعرفك انت
_تستهزئين حضرة جنابج دتعالي
اخذ الربطه مني طبكهه ودنك عليه يلفهه اني واكفه على اطراف رجلي حته ابين طويله شويه
_ولاء ادري بيج طويله تره ميحتاج تطولين اكثر
_محمدددد شبيك والله مو كصيره اني
_يابه منو كال كصيره سكتي خل اكمل
_خلصت شوفيهه
باوعت بالمرايه اخترعت مغطي حته حواجبي
وجهي كلشي مامبين منه بس خشمي
_محمد صدك تحجي لو تضحك عليه
_ها والله ما اعرف شكلج يلا انتضرج بالسياره
قبل لا انشمر من الدرج
ها وقبل لاانزل هاي الخرابيط الي على الميز
(يقصد المكياج ) اذا شفت قطره على وجهج ماكو طلعه
_بعد اوامر ثانيه
_لا سلامتج
واصلآ محمد يدري بس شكل خالتهن جابتلياهم نور من زمان اني بطبيعتي ما اخلي مكياج بالبيت ادور من اروح للزياره
ورجعت فتحتهه ولفيته عدل واخيرآ ضبطت
نزلت جوه محمد وعمي بالباب وعمتي جاي توصي نور على البيت
طلعنه ساعه ب10 ونص
وصلنه للولايه طبينه للتفتيش وطلعنه صرنه بوسط الحضره جان شعور غير عن كل شعور الاجواء الامان الراحه ما اعرف شنو سر الراحه بهذا المكان فعلآ الواحد ينسى كل همومه هنا
خلصنه زياره وطلعنه تغدينه جان يوم كلش حلو
رجعنه لبيت ومرت الايام يوم اسؤ من يوم
ايام صعبة تحتاج شخص اقوه مني حتا تعدي لكن للاسف اني جنت مستسلمه للضرب والاهانه وكلشي جان يصير وياي
اليوم مرت 2 على زواجي من محمد ومثل مجان الاتفاق ان تخلص سنتين وارجع لاهلي
كعدت الصبح محمد نايم جنت خايفه كلش افتح وياه الموضوع فقررت احجي ويه عمو متفهم اكثر نزلت سويتريوك ونضفت ورحت للحديقه عمو كاعد يقرا قرأن صدق وكالي تفضلي بنتي خو مابيج شي
لا بويه مابيه شي بس ردت بوضوع وبلشت احجيله انو اني تعبت وبعدني صغيره وخلصن السنتين واريد اشوف حياتي وارجع ادرس
_ليش يابويه ترديت تعوفينه ادي بيج تعبتي وانتي بعدج صغيره بس هسه اتعدل الوضع واني ناوي اسويلكم احلى عرس
_عمو كلامك على راسي بس اني وممحمد مابيناتنه تفهام ماكعده سوه اذا ماصارت مشكله ماسويت شي اذا ماكام يصيح ويضرب
وحتلو بعد سنين اني ابقه فصليه بهذا البيت ياريت عمو تشوفلي حل وتحاجي محمد وان شاء الله يارب يرزقكم بمره لمحمد احسن مني وتناسب حياتكم
_والله قهرتيني يابويه بس هم حقج يصير خير ان شاء
عفت عمو وطلعت واني الدموع بطرف عيني ما اعرف الي جاي يصير صارلي سنتين ادعي اطلع من هذا البيت ليش من اجه اليوم تغير كلشي بس مهما يصير ماراح اغير رئي
نزل محمد من فوك باوعلى شاف عيوني حمر
اشرلي بيده بمعنى شكو
جاوبته ماكو شي من حرارة الطباخ
هز براسه وطلع صحت اسويلك ريوك كال لا عندي طلعه مستعجل بس صبيلي جاي
كضه عمره مستعجل يطلع الصبح ويجي تالي الليل صبيت الجاي
