مرحبا حبايبي
البارت ال6 من قصه
تابعو الاحداث
للمحكمة انحاليت وشهودي شمات
شنهو الحجي الاحجيه واطلع سلامات
"كل يوم يزداد إيماني بعائلتي، وأنها الظّل والجناح والأرض الثابتة، وأنَّ لا شيء يؤمّن لي الحماية كالسياج العائلي، وأنَّ ترابطنا من مقوّمات الحياة، وأنَّ الأمان هو أبي، والدفء أمي، والسلام أختي، والمَدَد إخوتي، وأنَّ الانتماء الأقوى إليهم، والحب المطلق لهم. العائلة أولًا وأخيرًا."
اتفقو من الليل باجر العصر يودوني
لميت غراضي وملابسي العصر حسن جابلي
خطيه كومه ملابس وغراض غير الي اني كاتبتهم اخويه وجابلي ملابس وغراض محتاجتهم ليش حاطتهم كبالي وابجي
هاي الايام خانكتني كلش وكوه لازمه روحي بس يحاجوني ابجي ردت بس اسوي شي التهي بي كمت نضفت غرفتي ورتبتهه وبدال ما التهي وانسه فتحت لكنتور شفت ملابسي وكتبي مال مدرسه ختنكت خنكه تمنت بهل لحضه اموت تعبت كلش عفت كلشي وكابلت هدومي وكتبي وشبعت بجي صعدتلي امي وسوده عليه شافتني وهم ضلت ساعه تبجي ساعه تواسي بيه وتصبرني ساعه تعلمني شسوي شتصرف هناك سار العصر واني
لحد الان اوهم نفسي هذا حلم لا اني جاي اتخيل ماراح اعوف اهلي واخوتي ما راح اروح فصليه
وبعدني بصفنتي وللاسف الوقع الي نعيشه كل دقيه صدمه اندكت اندكت الباب اخويه حسن فات شبكني وضل يسولف وياي وختمهه حضري نفسج راح نروح
نزل حسن واني غسلت وجهي ولميت شعري ولبست ثوب اسود طويل وحجاب اسود
لميت غرفتي وقفلت الباب ونزلت
واجه وقت الوداع اودع جزء من روحي واعوفهم واروح بهاي اللحضه تمنيت يخرب كلشي وترجع حياتي القديمه كوه واكفه واسلم واجامل صدك اشكر نفسي تحملت هذا اليوم الصعب حسن جان واكف يمي ولازم ايدي حسيت بي ختنك كام يشهك عافني وطلع للطارمه ابويه كوه واكف لازمي منا ومنا منتهي وامي دموعه تجري واني حساسي بهاي اللحضه ماراح توصف الاف الكلمات هيج الم صعب يبكتب الم بروحي ما اريد اعوف اهلي ولا دراستي وحياتي ليش انجبر اسوي شي ما اريده شنو ذنبي بكل ركن بالبيت اباوعله بنضره وداع هاهيه خلصت حياتي بهذا المكان الدافي بين اطيب ناس وبين احن اخوه خلص كلشي وجه الوقت الي اودع احلامي وكلشي يخصني بوست اهلي وطلعت امي شبكتي وتصيح حسن عوفه بس اليوم والله بس اليوم وباجر وديهه بس اليوم يمه خل اشبع من ريحتهه
كوه سحبت روحي من حضن امي لا اني اريد اعوفهم ولاهمه بس مجبورين واعرف اذا طولت اكثر راح يتأذون بزايد طلعنه اني واخويه حسن وعمي ورجال يمكن شيخ او كرايبهم لان ما اعرفه ابويه لان تخربط كلش ماكدر يجي وياي
صعدنه بالسياره سلمت على عمي وهم خطيه الطريق كله يحجي وياي احنه وياج ويري بالج ومن هذا الحجي
كعدنه اني وحسن ليوره الطريق كله شابكني وعيونه حمر اعرف بي يبجي يدير وجهه عني ويمسح دموعه ضلينه ساعه تقريبآ بالطريق طبينه للبيت المنطقه حلوه وراقيه وبيت جبير نزلنه زلم هواي بالباب سلمت على اخويه واجه رجال جبير اشرلي افوت طبيت
