مرحبا حبايبي اليوم نبدي اول بارت من القصه
ان شاء الله يعجبكم بما ان هذا البارت الاول من القصه لذالك راح يكون مجرد تعريف عن الابطال وعائلتهم بدون احداث
لمذا اشاهدك في الممرات وعلى الطرقات
وفي بالي وفي منامي
لماذا لا تغادرين؟
"اريدك ان تعرف جيدآ
ان وجودك يشكل فارقآ عضيمآ في قلبي وفي توازني وفي خطواتي وفي استقامتي واستقراري ، وليس يومي فقط وانا معك استطيع ان اتحدث عن اتفه فكره تخطر ببالي ، وان اتحدث في كل شئ فعليآ في كل شئ حتى في اقل الامور شأنآ
دك المنبه ساعه ب7 كلعاده بعدني نعسانه والنومه بطرف عيني كمت غسلت وبدلت
نزلت جوه ابويه جاي يتريك ضل يتوسل اتريك وياه بس هذا طبعي ما احب اكل الصبح سوالي لفه وجبرني اكلهه طلعت الدفتر عود اراجع غفيت على التخم
شويه وصاحني بابا اجه الخط كمت عدلت حجابي شلت الجنطي وبوست بابا وطلعت
من اكثر الاشياء الي اكرهه الدرس الاول بالدوام الصبحي اكون كوه فاتحه عيوني ومالي خلك اي شي والوقت الدقيقه بسنه خلص الدوام ورجعت للبيت وياي كومه واجبات وامتحانات
طبيت سلمت وصعدت لغرفتي بدلت ونزلت اتغده
_يمه يلا صبي متت الجوع
_سوده عليه يابنيتي بس خل يجي اخوج راح يجيب خبز
لولو باجر خو ماعندج امتحان
_ ليش شكو
_خابرت بنت خالتي عرس ابنهه
_هسه وكتهه والله يمه عندي امتحان واحد ومالي واهس اروح
_ يلا كيفج مو لازم نروح
امي مو دائمآ تطلع
حته اغلب طلعاتنه بس اني واخوتي بس هل مره اصرت نروح دكول عيب المره خابرتني شفتهه ضاجت من كتلهه عندي امتحان
كتلهه
_ ها لو لا خل نروح نغير اروح الصبح بس امتحن وحسن يجيبني وعود من ارجع نطلع
_ها خوش لعد
تغدينه وصعدت انام وكلعاده قبل لا اوصل غرفتي صاحت امي
_ولاء يمه قبل لتنامين صلي
_يمه والله نعسانه
_ولاء والله اذا متصلين ما اخليج تنامين
_اي يمه اييي
نزلت توضيت
_ اي عفيه بنيتي فدوه لطولج ، انتي هل وحده عندي اريد اشوفج متوفقه بكل حياتج والي ميذكر ربه ميشوف الراحه والله يا يمه هل 10 دقايق ما راح تأثر عليج
رحت بوستهه وصعدت صليت ونمت لل6 العصر يالا كعدت نزلت كعدت يم ابويه واخواني شويه وحضرت العشه ويه امي وصعدت اشوف شنو البس باجر طلعت ضليت اكلب بالهدوم بالاخير نخبصن خبص وماعرفت شلبس عفت الملابس وطلعت كتبي وكعدت اقره الامتحان اني اصلآ قاريته كعدت اراجع خلصت نزلت تعشيت وكفيت هوسه المطبخ وصعدت اسرح شعري لان باجر ما الحك رغم هوه سرح بس طويل كلش يتأخر
خلصت وانتضرته يبرد ونمت
صار الصبح رحتت للامتحان امتحنت واجه بابا اخذني رجعنه للبيت اني واكفه بعدني بهدوم المدرسه تغديت وغسلت وجهي وصعدت ابدل هذا كله وركض ركض اروح منا واجي منا وامي كل ساع صايحه يالا وينج تأخرنه وهوه بعد 3 ساعات ليش اكرهه اطلع من وره هل خبصه هاي لان من ارجع اني الاوكع بيهه اضل انضف
