هلاووو حبايبي شلونكم
وصلنه البارت ال10 من القصه
تابعو الاحداث
ولأول مرةٍ في حياتي
أرى قمراً بـ لونٍ عسّلي
لا بل قمرآن من لونٍ عسّلي
وهذِه ظاهرة نادرة ، والأندر من ذلك !
قمرآن من لونٍ عسّلي إجتمعا في وجهٍ أسمر .
كيف أخبرها بطريقة منمَقة إنها داخلي رغم كل البعد وقِلة الكلام وإزدحام الامور السيئة كيف اخبرها إنها ثابتة في قلبي ؟
اليوم حسيت روحي بأعلى مراحل الخيبه واعلى مراحل الخذلان اعلى مراحل الالم جاي اجبر روحي واحاول اتأقلم وياهم وتحمل كلامهم وتذيتهم في سبيل ارتاح بس مصرين على اذيتي رغم بنيه مثلي كلش صعب تتقبل وتعيش عادي بنيه ابوهه عيشهه بقمه الدلال اخونهه طول الوقت يحاولن ميخلوهه تحس هيه وحيده ماعدهه خوات امهه ام حنونه مصدر امان وحنان العالم بعيونهه خلوني احس اني البنيه الوحيده بهذا الكوكب ابويه جان كل مايتقدملي شخص يكول ولائي مانطيهه لاي شخص اريد انطيهه لرجال يدللهه فوك دلالي بقاطات اريد انطيهه لرجال ميعاملهه كأي مره عاديه ولاء مو عاديه
جنت اي شي اسوي حتلو شي بسيط يكول من بعدج لحد يطبخ بس اخاف تطبخين وهاي اديج الحلوات يتأذن لو يلوحن النار امي جانت مرات متقبل على دلال ابويه الزايد
ابويه يجاوبهه
_ماعندي غيرهه المن ادلل اذا ما ادللهه...
مفتقده هذا الحب والاهتمام والدلال لو يدري بهذا حالي ابويه لو يدري من الصبح لليل اشتغل وبالأخير اسمع بس الذم والسب
لو يدري بهذا حال بنتهه المدلله صايره خدامه
ومر الليل كله بحسرات واللام واحلام ظايعه وذكريات احلم ارجعلهم جانت امنيتي اوكف الايام الحلوه بحياتي واضل عايشتهه لحضه بلحضه وما ارجع للواقع المر جنت يوميه اكول اليوم ينتهي هل كابوس اليوم يوم جديد عسى وان يتغير شي بحياتي لاكن محمد
بكل يوم يرجعني لنقطه الصفر وكأنما يكلي اني كابوسج الابدي ماراح تخلصين مني
نهايتج على ايدي محمد شخص صعب ولا راح ينفهم تقريبآ راح يصير الي سنه يمهم وياه بنفس البيت وبنفس الغرفه بس الى هاي اللحضه ما اعرف شخصيته ما اعرف شيريد
شخص غريب الى درجه ساعه اشوف كل حنيه العالم بي يتفقد ابسط التفاصيل . اكلتي، ليش ضايجه، ليش ماتعشيتي ،شبيج وجهج اصفر،
تفاصيل حلو نشوف شخص يهتم بيهه حتلو كانت بسيطه
وساعه يتحول الى شخص ما اعرفه يصيح على ابسط الاشياء ويضرب ولا كأنو كدامه بشر يحسسني جاي يتعارك ويه صديقه
مو بنيه صغيره وهوه اكبر مني بقرن
محمد شخص متناقض الى ابعد الحدود
ومرت الايام واليوم هوه اول يوم محرم
جان الهم عادات خاصه بهذا الشهر يعلكون رايات سود ويلبسون اسود ويطبخون للحسين عليه السلام بالعاشر وبالاربعين الصراحه يم اهلي ماجنه نسوي كل هاي الاشياء بس نلبس اسود بأيام الوفيات بس بابا لا يروح للمواكب ويخدم
