هلاااو حبايبي
محمد
من رجع رضا من سفره لحد الان احس ولاء متغيره ورضا يسولفي حجي عليهة ولا يتصدق مره كاعدين بالغرفة وسمعت صوت هزاز مال تليفون مره مرتي تلاثة طفرت روحي كلت لازم ادور بالغرفة يمكن اكو شي كلت لولاء انزلي جيبيلي مي نزلت ولاء جابتلي مي اني دورت بالغرفة كلبتهة كلاب لكيت بين الملابس تليفون فتحت التليفون شفت ارقام ومراسلات صفنت عليهة ولا توقعت ولاء هيج اتسوي صارلي وياهة ٨ اشهر ولاشفت عليهة شي كلش تفاجئت من الصار صعدت ولاء ولزمتهة كسرتهة تكسر .... الصار موجود بالبارت السابق
رجعت للبيت صعدت للغرفة شفتهة نايمة جانت ساعة ب ٣ الفجر كعدت على الجرباية كل ضربة ضربتهيا احس اعدالهة كلش انقهرت عليهة هية ناعمة كلش واني حيل ضربتهة وجهة صار ازرررك من الضرب بس كلت ماا راح ارحمهة على السوتة بس صح احبها بس لازم اقوي قلبي اذن كمت صليت
ولاء
وره شوية غفت بس حسيت على محمد من طب وراح صلة ومن رجع اجة كعدني كال مو كتلج من ارجع اتسولفيلي يلااا كومي كوه كمت ما اكدر احرك جسمي من الالم كتلة محمد واللة ما اعرف شنو الصار وشجاب التليفون هنا واللة ما اعرف اوداعت ابوية الي ما احلف بي جذب كالي طاح حضج وحض ابوج على هااي التربية ما ناوية تحجين الحقيقة ما شي من اليوم راح اراويج شلون ايعاملون الفصلية عدل يلااا بره من وهيج بالغرفة متنامين بالغرفة تنامين بالمطبخ وباجر احجي للكل حتة ايعرفون حقيقتج الي تمثلين كدامنة عود انتي خوش يلااا بره اخذت غطوه ومخده وطلعت رحت لغرفة نور جانت نايمة حست علية من فتت كامت كالت خو ما بيج شي لولو كتلة لا حبي ما بية شي رحت نمت بالكاع ما حسيت بنفسي من غفيت حسيت على نور من رادت تطلع للدوام ساعة سبعة كمت بس بعدني كلش نعسانة غسلت وجهي وبدلت دشداشتي ونزلت جوه شفت محمد كاعد علة ميز الطعام وعمة وعمو هم كا عدين كلت صباح الخير عمة وعمو ردو علية بس محمد ساكت رحت سويت ريوك وجبتة كعدو تريكو اني ما اشتهي اكل رحت كعدت بالهول كملو اكل اجة محمد كال لا عبالج سكتتلج مو اني الي تضحك علية مره صاح عمو وعمة وحجالهم الصار البارحة عرفو
رجع وضعي مثل قبل واسوء كام الكل بالبيت يغلط علية بالبيت ويهيني كمت انام بالمطبخ
اكعد من الساعة سبعة اكوم انضف واطبخ الغده واصبة اكل بالمطبخ محمد كام ميعبر يوم اذا ميضربني بي واستمرت هاي الاوضاع اكثر من سنه ونص كلش تعبت بهاي الفتره تمنيت اموت ولا اكمل باقي حياتي احس نفسي هووواي تحملت ماكو بنية بهذا العمر تتحمل بكدي اني تحتملت مسئولية اكبر من طاقتي كمت كل ما اصلي اندعي اموت احس الدنيا حملتني هموم هواي ولا بشر بالبيت يصدقني شكد احجي واحلف محد ميعبرني اصلا احس روحي مذلولة
تصويت حبايب كلبي
انشاللة ما ضل شي واختم القصة
