"امتلكتي فؤادي" بقلمي / يارا اسامه

الفصل الثاني

اللهمَّ صل وسلم وبارك على سيدنا محمد 🌸

الفصل الثاني❤

(امتلكتي فؤادي)

-ايوه بقا ياشهد اخوكي اللي هايدرسلك الماده..... يعني الماده معاكي جاهزه
هتفت بها زينه بعد انتهاء يومهم الدراسي وهم في طريق العوده الي المنزل

فهتفت شهد بجديه: لا طبعآ اخويا جد في شغله يعني هايعاملني زيي زيكوا اسكتي انتي ماتعرفهوش

هتفت زينه بابتسامه: ماشي ياشهد اما نشوف بس ماتبقيش تنسي اختك وصاحبتك
_________________________
(في مكتب استاذ عمران)

هتف يوسف وهو يرتشف فنجان القهوة خاصته:بس براڤو عليك يا عمران الشركه هنا علي مستوي متميز زي ماكنت بتحكيلي واكتر كمان

عمران بفخر:عيب عليك يا صاحبي الشغل ماشي هنا كأنك موجود واكتر

يوسف بامتنان: ودا عشمي فيك يا ابن عمي بس انت غيرت استايلك خالص ف الموظفين بتوعك

رمقه بتعجب قائلآ: مش فاهم!

يوسف بتوضيح: يعني استايل الموظفين كان الاول بناطيل وقصير...انما دلوقتي معظمهم محجبين وواسع مش كدا ولا انا بيتهيألي

نهض عمران من علي مكتبه ليجلس قبالته قائلآ بابتسامه: لا خلاص توبنا الي الله... بصراحه اما عينت زهره هنا ولقيتها مجتهده في شغلها ولبسها واسع ومحجبه بدأت اختار الموظفين اللي يشبهوها في لبسها ..عارف كمان لما عملت كدا لقيت ربنا فتحها عليا في الشغل دا عن الاول بكتير

فهتف يوسف بمكر : زهره دي غيرت كتيير اوي في الشركه علي كدا

اجابه عمران: كتييير.... غيرت تفكيري انا شخصيآ

فهتف يوسف : كمان... لا انا لازم اشوف تصاميمها واتابع شغلها انا كمان.... ثم تابع بخبث: يمكن تفكيري يتغير زيك

عمران بمرح:سيبك بقا من الشغل وقولي مرات عمي طبخلنا ايه النهارده

هتف يوسف بامتعاض :مش عارف اما تروح هاتعرف...ياساتر علي طول كدا همك علي بطنك

عمران بمرح: انا بطمن بس هي عملت اللي سهر نفسها فيه ولا نسيت

فهتف يوسف بغيظ : سهر باردوا اللي نفسها فيه
_______________________________
اثناء خروجهم من مقر الشركه بعد انتهاء يوم العمل هتفت ريم بهيام : شوفتي يابت يا زهره استاذ يوسف دا طلع مز خالص

زهره بغضب: ايه اللي بتقوليه دا يا ريم حرام علي فكره....معني كدا بقا انك قعدتي تبصيله وسرحتي في ملامحه

ريم بهيام: ايوه طبعآ

زهره: هو ايه اللي ايوه طبعاً...ربنا سبحانه وتعالى في كتابه العزيز قال ﴿قل للمؤمنين يغضوا من ابصارهم ويحفظوا فروجهم ذلك اذكي لهم ان الله خبير بما يصنعون وقل للمؤمنات يغضضن من ابصارهن ويحفظن فروجهن ولا يبدين زينتهن الا ما ظهر منها ﴾
يعني غض البصر دا مش للولاد بس لا وكمان للنساء ويقصد هنا النظر اللي بشهوه زي حضرتك كدا انما النظر العابر اللي بتبصي بيه علي الطريق او علي الناس في الطريق من غير قصد دا مش حرام فهمتي