"امتلكتي فؤادي" بقلمي / يارا اسامه

الفصل العاشر

اللهم صل وسلم على سيدنا محمد صلاةً تنحل بها العقد وينفرج بها الكرب ويفتح الله لنا بها ابواب الفرج 💛

😍الفصل العاشر 😍

(امتلكتي فؤادي) 🌸

وجاء اليوم المنتظر استعد الجميع لتلك المناسبه السعيده ... حضر يوسف ووالدته وكذلك عمران وسهر رحب بهم ادهم ووالدته وكذلك والدة زهره

كانت الفتيات يجلسن بغرفة زهره حيث حضرت شهد عندما دعتها زهره لحضور تلك المناسبه السعيده كانوا يساعدن زهره في ارتداء حجابها فقد ارتدت فستان من اللون اللبني الفاتح مزين بالورود البيضاء وارتدت حجابآ من اللون الابيض كان متناسق مع بشرتها تمامآ ولم تضع اي نوع من ادوات التجميل فاصبحت كالحوريه حقآ

هتفت زينه : ماشاء الله عليكي يا زهره قمر يا اخواتي

زهره بابتسامه: بجد يا زينه حلوه

زينه: زي القمر ياروحي ثم تابعت بتساؤل: بس قوليلي يازهره انا عارفه ان الاوقات دي بيبقي ليها شعور كدا مختلف انتي بقا حاسه بإيه

فأجابتها زهره: مش عارفه احدد بالظبط لاني حاسه بحاجات ونقيضها يعني فرحانه وخايفه في نفس الوقت بس اللي متأكده منه ان انا متوتره اوي

شهد بمرح: فعلا شكلك متوتر اوي انا قولت انتي الكبيره العاقله اللي فينا اهدي كدا الله يخليكي

زينه: كبيره ايه بقا دا احنا اللي عمالين ننصحها

فهتفت زهره: اتلمي انتي وهي ليكوا يوم وهاتبقوا قاعدين نفس قعدتي ومش هابطل تريقه عليكوا

وهنا دلفت والدة زهره وعلي ثغرها ابتسامه واسعه صوبت نظرها تجاه زهره هاتفه: بسم الله ماشاء الله عليكي يا بنتي

اقتربت زهره منها ووضعت قبله حانيه علي جبينها قائله: ربنا يخليكي ليا ياماما

فهتفت فاطمه: يالا طيب الناس مستنياكي برا

زهره بتوتر: يعني لازم اخرج

فاطمه بتاكيد: ايوه طبعا اومال هانتفق من غيرك ولا افضي الموضوع واقولهم يمشوا

زهره بنبره سريعه : لا لا خلاص انا خارجه معاكي اهو

قهقهت شهد قائله: علي طول كدا غيرتي رأيك

زينه: يابت ياشهد فكرتني بالمثل اللي بيقول عيني فيه واقول إخيه

شهد وهي تضرب علي كف زينه ببطئ: صح فعلا

زهره بغضب: اصبروا عليا لما افوق ليكم والله لأوريكوا

خرجت زهره من الحجره بتوتر ثم القت السلام علي الجميع وما إن رأتها والدة يوسف حتي انبهرت بجمالها هاتفه: الله اكبر عليكي زي القمر تعالي اقعدي جمبي هنا