"امتلكتي فؤادي" بقلمي / يارا اسامه

الفصل الحادي عشر

اللهم صلي وسلم وبارك على سيدنا محمد وعلى آله وصحبه وسلم 🌸

الفصل الحادي عشر 💙

(امتلكتي فؤادي)

اشرقت شمس يوم جديد مليئ بالاحداث السعيده

(في الجامعه)

شهد: بقولك ايه تعالي نشرب حاجه ساقعه في الكافيتيريا 

زينه: يالا فعلا الجو حر ومحتاج حاجه ساقعه

ذهبت الفتاتان الي كافتريا الكليه ...طلبا عصير فريش للارتواء من حراره الشمس واثناء جلوسهم ارتفع رنين هاتف شهد

شهد: الو ايوه يا ابيه
سيف: ازيك ياحبيبتي عامله ايه
شهد: الحمد لله يا اليه
سيف: انتي نزلتي الصبح ونسيتي المفتاح وهو معايا دلوقتي وعاوز اديهولك
شهد: انا جايالك المكتب أخده
سيف: ماشي حبيبتي هاستناكي

زينه بتساؤل: في حاجه ولا ايه؟

شهد: ايوه نسيت المفتاح ومع سيف دلوقتي هانخلص ونطلع اجيبه منه

زينه: تمام خلصي واطلعي هاتيه وانا هستناكي عقبال ماتخلصي

شهد: لا طبعا هاتيجي معايا

زينه: لا مش هاجي معاكي انتي روحي وانا هاستناكي هنا

شهد: طب ممكن اعرف السبب

زينه بعصبيه: مافيش سبب انا اللي مش عاوزه اطلع معاكي

شهد بهدوء: لا في سبب وسيف حكالي علي كل حاجه

زينه: حكالك قالك ايه

شهد: حكالي علي حكايه الاسانسير وانه مخلكيش تتطلعي الاسانسير ..وقالي انه مايقصدش

زينه: يعني ايه مايقصدش هو يعمل العامله  ويقول مقصدش..انا مش فاهمه هو بيعاملني ليه كدا...نفسي افهم

شهد بمكر: والله مش عارفه ليه بيعمل كدا

زينه بعدم فهم: لا مش عارفه فعلا...في ايه يا شهد!!

شهد: تمام انا هاحكيلك هو حكالي علي اللي حصل وقالي انه مكانش يقصد خالص بس هو فعلا لو حد غيرك كان عمل كدا مش عشان انتي اللي واقفه انما هو طيب والله ومش زي مانتي فاكره خالص

زينه: علي فكره اخوكي متكبر خالص بقا

شهد بمكر : ماشي يا زينه وانا متأكدة ان هايجيي اليوم اللي هايثبتلك عكس كدا

              ********************

وفي المساء ذهبت زهره ويوسف لشراء دبل الخطوبه كانت زههره في قمه سعادتها وفرحتها وهي تختار الدبله التي ستتوج اصابعها كل ذلك تحت نظراته السعيده بها
وبعدما انتهت من اختيار ما اعجبها طلب منها يوسف بأن تختار له ايضآ دبله علي ذوقها
وبعدها اعطي يوسف ما اختاروه للصائغ
ولكن اوقفته زهره قائله: لو سمحت ممكن تكتب اسم زهره علي الدبله الرجالي دي واسم يوسف علي الدبله الذهب
الصائغ:  حاضر ...