"امتلكتي فؤادي" بقلمي / يارا اسامه

الفصل التاسع

اللهم صلي وسلم وزد وبارك على سيدنا محمد وعلى آله وصحبه وسلم تسليما كثيرا 🌸🌸

الفصل التاسع ❤

(امتلكتي فؤادي)

وفي اليوم التالي...يوم الجمعة
استيقظت زهره من نومها مبكرا توضأت وأدت صلاة الضحي ثم جلست تقرأ في كتاب الله تعالي
شعرت بحركه بالخارج فادركت ان والدتها قد استيقظت خرجت من غرفتها فوجدتها تحضر الفطور
زهره: صباح الخير يا ست الكل

فاطمه: صباح الفل يا حبيبتي ثم تابعت : صاحيه من امتا

زهره: من ساعتين تقريباً

فاطمه: مصحتنيش ليه طيب

زهره بمزح: بصراحه دخلت اصحيكي بس لقيتك بتاكلي رز مع الملايكه ومندمجه خالص فسيبتك

فاطمه بإبتسامه: لا والله

زهره: بصراحه لقيتك نايمه قولت اسيبك ترتاحي شويه

فاطمه: تعالي ساعديني في الفطار وبعدين صخي اختك ثم تابعت بسخريه: دا لو صحيت اساسآ

ساعدتها زهره في تحضير الطعام وبعد انتهائهم   اتجهت لتيقظ زينه
دلفت زهره الي حجره زينه ثم صفقت الباب خلفها بقوه لعلها تستيقظ ولكن لا حياة لمن تنادي
هزتها زهره برفق قائله: زينه اصحي ياحبيبتي عشان تلحقي تصلي الضحي
ولكن لا يوجد رد
زهره: زينه...زينه....زينااااااااااااااااه

زينه بفزع: في ايه ماما حصلها حاجه

زهره: لا بعد الشر  😂

زينه: اومال البيت بيقع

زهره: لا باردوا 😂

زينه بغضب: المفروض اعمل ايه فيكي دلوقتي 

زهره ببرود:ولا حاجه قومي صلي الضحي وبعدين نفطر سوا

زينه : صليت يازهره ونمت تاني 

زهره: تمام قومي بقا عشان نفطر

اعتدلت زينه ثم نهضت عن فراشها قائله بامتعاض:  مافيش راحه ابدا حتي يوم الاجازه بصحي بدري

زهره: قومي يالمضه علي رأي ادهم

خرجت زهره من غرفه شقيقتها فوجدت والدتها تتحدث بالهاتف المنزلي
فاطمه:  ماشي ياادهم هستناك مع السلامه
ثم اغلقت الهاتف
فهتفت زهره: هو ادهم جاي ولا ايه
فاطمه: اه بيقول بعد صلاة الجمعه عشان فيه موضوع عايزنا فيه يالا بقا عشان نفطر....اختك صحيت

زهره: ايوه جايه ورايا
_____________________________
وبعد صلاة الجمعه حضر ادهم واخبر والدة زهره بأن يوسف تقدم لخطبتها..فرحت فاطمه كثيرا