بلشنا دوام بس بالسياره واحنه بالطريق ابو الخط كال .... عمو اني ماكدر التزم بعد عندي ظروف اليوم اخر يوم اوديكم .. بقيت محتاره منو بعد يجيبني للمدرسه وهيه اصلا بغير منطقه حظي الفكر مبقيت بمدرسه منطقتنه لا شون غير اعاند 🤦🏻♀️🤦🏻♀️ خلص الدوام طبعا ب الحله مال المدارس كلشش نتضايق من نطلع ب الباب ننتظر الخط لان يم مدرستنه مركز شرطه 🤨 حله بنات اعداديه ومتوسطه والمركز مليان زواحف وانتو قيسو 🙄 مدا احجي عليهم بس تره هواي شباب ف ها الشي لا اراديا يصير يطلعون يباوعون رجعت للبيت واني ضايجه شون منين اجيب خط ... بنات خالي جلبن ويا خط بنات صفهن بقيت انيـہَ بدلت وشمرت الكتب ههههه وكتلهه ماما راح انام شويه صدك عاد نمت وراه ساعتين كعدتني ماما كالت تغدي ويا اخوتج رجعو من الشغل كعدت تغديت وكلت ل اخوي الي اكبر مني فضولي حبيبي فضل - هااا شكو اليوم حبيبج 🤨
غلا - غير اخوي واحبك المهم اريد منك شغله فضل - هو هنا الحجي عندج سالفه كولي بله ست غلا شتردين ؟؟
غلا - والله ابو الخط عافنه وكال ماكدر استمر وهذني العوبات راحن ويا بنات صفهن عدهن خط واني دحت 🥺🥺🥺🥺 فضل - نجبي لج شنو دحت عدلي حجيج 🤨 اوك عود اني اذبج ع المدرسه قبل لا اروح للشغل واطلع مناك ع وكت ممنوع تصعدين عبريه لو تكسي وحدج غلا والحسن اسحلج سحل تره هاي كدام امي فهمتي ؟؟ حتى لو اتاخر عليج تلزمين كاعج لحد ما اجيج . غلا - يبوو ع حظي المصخم هو اني شحجيت اوك يابه اعصابك هاي بعدك ما وصلتني وهيج انذليت 🤦🏻♀️🤦🏻♀️🤦🏻♀️
صار العصر كملت واجب عندي وغسلت ملابسي ساعدت ماما وهيه خطيه متقبل تكلي عندج دوامج كافي عليج انوب تجين تنظفين
بالليل دا احظر الجدول وعدنه رياضه ف كمت عندي تراك بجامته سوده والبدي وردي وبي قلب ع الصدر اسود وبي كرستال ويصير ربع ردن اني عادي البس هيج كدام اهلي كلتت ايـي هو ده هههههه وضحكت لان احب درس الرياضه احس افرغ الطاقه السلبيه بي نمت وكعدني صوت امي يله غلاتي اكعدي
عاد بقت تسولف وياي هاا حبيبتي غلا شها الشعر وين ضامته ههههه
ضخكت كتلهه ست تسلمين بقت تكمل شغلهه واني واكفه يمكن ١٠ د
كملت طلعت لكيت الدنيا كلها طالعه واني باقيه 🤐🤦🏻♀️🤦🏻♀️
والحيوانه بطه طالعه وملابسي وياهه 😥😭😭
هنا حسيت راسي طلع منه دخان من كد الحراره هههههه والخوف احتاريت شسوي رجعت لل الاداره لكيت المديره والمعاونع هم طالعات وكته والله رجليه صارن خيوط من الخوف والم ببطني
فضل - هاي وين صارت المدرسه كلها طلعت وهيه ماكو
غلا - ياربي شسوي لازم اصير قويه واطلع قابل شمسوي والله يا الله 😒
