حبيباتي تعليقاتكم الحلوه والتصويت ❤🙊
يا خوفي من تكعد غلا شراح احجي شراح اكول شلون اخليهه تسامحني هه تسامحني شتسامح كتلت فرحتي ببطنه
كتلت روح بدون ذنب اذيت الي احبه اوف ربي صبرني
ثاني يوم الصبح ساعه ٧ كعدت غلا تون من الالم
شافت امي يمها كالت الها _______
عمه بطني توجعني ..
ام احمد .. عمت عيني عليج يمه
غلا .. عمه ليش تبجين احمد وين والله مسويت شي عمه مادري ليش هيج سوه
ام احمد .. اسكتي يبعد كلبي يروحلج فدوه احمد ع هاي عملته لا ابني ولا اريده ولا اريد كاع التريده
غلا .. دمعت عيني ..
دخلت الدكتوره هلاو مريضتنه الحلوه
لبسي شال ع راسج حبيبتي راح يجي شرطي يسئلج منو سوا هيج وضربج وخلاج تسقطين الطفل
غلا ..شنو !! اسقط الطفل ؟؟ ضليت ارجف واصرخ شنو اني جنت حامل
ابجي واحس روحي ماتت ويا فرحتي راحت
.. حبيبتي بعدج زغيره ورحمج نظيف يصير عندج حمل
غلا .. حسيت بحقد ل احمد حقد وكرهه والم ونار بكلبي
الدموع توكع تجوي روحي والله
انظلمت بدون سبب اهانه وضرب وقتل روح بريئه
ليششش شسويتله شنو ذنبي ويا
ابجي وعمتي تصبر بيه ودمعته موكفت وياي تبجي
دخل شرطي واحمد ويا
احمد .. ما الي عين اباوع بوجهه ع الي سويته مال الي عين اشوف نضره حقد وعتب
مادري شصار بيه وليش هيج صار بس ماعندي كل عذر
انه كتلت ابني وضربت الي احبه وغلطت وسبيت
اجه شرطي راد يدخل غرفه غلا تقدم عليه
.. حضرتك زوجهه ؟؟
احمد .. نعم تفضل هاي هويتي ( طلعت اله هويه الشغل بصفتي ملازم اول )
ضربلي تحيه وكال سيدي اجراء روتيني
حسيت بنضراته يكلي انت ضاربهه مو
دخلنا للغرفه وجانت لابسه شال وايد بيهه مغذي والايد الثانيه مخليتهه ع عينهه
حسيتهه تريد تضم روحهه مني حسيت بخوفهه من رفعت ايدهه تحمي نفسهه من ضرباتي
.. اختي منو ضربج ؟؟ ( الشرطي )
غلا ..بدون ما اباوع جاوبت .. محد ضربني وكعت من الدرج
.. متأكده ؟
غلا .. اي نعم
طلع الشرطي وحبست دمعتي بس كلشي بيه انهدم حب احمد راح انهدم خوفي ولهفته اله راحن
عمه بلا زحمه عليج انطيني تلفوني
احمد .. واكف اباوع عليهه ابد ما خلت عينها بعيني جاي تعاقبني بكرهه وجفاهه
أنت تقرأ
عاشكته
Literatura Femininaقصه باللهجه العراقيه الجنوبيه 🖤 🔞🔞جريئئه 🔞🔞 🔞🔞 غزل وعقاب جريئ 🔞🔞 🔞🔞 لمسات حب وغضب 🔞🔞 احداثهه تدور حول بنت تعجب ملازم اول ⭐⭐ يسوي المستحيل لخاطرهه والمفاجئه ............😱😱 .. ماريد اطول عليكم و احرك الاحداث تابعو وياي
