شلون بيه ..؟..من اشتهيك
شلون بيه ..؟..من ارد أكرهك واعتنيك
شرد اراوي عيوني لو رادت تِشوفك..؟
شرد أحط بچفي من يعطش چِفوفك..؟
شرد اسويلك واعوفك..!
ردلي سويني اعله عرفك
چا ششم ؟ لو شح هوه الله بلايه زلفك!
چفه ما لايگ عليك
چفي تفصال اعله گدرك
شگد معزتك..؟..دمي بچفوفك واعذرك
🍃💔
تعشينا بيتزا وكنتاكي وتمشينه بالمول فتت من يم محل ملابس اطفال حديثي الولاده
خليت ايدي ع بطني وحجيت بكلبي لو بعدني حامل جان فتت اشتري منا
حسيت بخنكه والم بكلبي
صعبه كلشش نرفض شخص ويخلينه نحبه بكل قوتنا تالي يخذلنه
بها الاثناء دك تلفوني .......
ماما جاي تتصل مادري ليش كلبي نغزني
.. الو هلو ماما
.. هلا امي شنو حبيبتي رجعتو لو بعدكم
.. لا ماما بعدنه ليش صاير شي ؟
.. ماكو شي حبيبتي تونسي
.... حسيت اكو شي كملنا ورجعنا للبيت فتنا لكراج بيتنا انصدمت بسياره احمد حسيت بطني مغصتني مادري ليش كومه مشاعر انمزجن
باوعلي اخوي خله ايده ع خدي ركصه بالشقا وكال .. حبيبتي صيري سباعيه ع شنو خايفه احنا وياج
ابتسمت اله ودخلنا للبيت هو راح لل الاستقبال واني كبل لغرفتي
اريد اوكف ع حيلي ماكدر رجليه ترجف احمدطول ها الايام لا اتصل ولا دز مسج توقعت هذا هدوء قبل العاصفه
صعدت ماما يمي ..
.. غلا يوم بدلي ونزلي زوجج يريد يحجي وياج
غلا .. ماما الله يخليج ماريد اشوفه وماعندي طاقه اشوفه
.. شلون تبقين تنهزمين منه ؟ باوعي غلا اني لحد هسه محجيت ل ابوج واخوتج ع سالفه الخنكه والسحر الي صارت بيج تدرين ب ابوج بس يعرف يحلف يمين ما يرجعج
يمه عقلي وانزلي احجي ويا تفاهمو هو هم خطيه والله حالته تكسر الخاطر عيب امي اول وتالي هو رجلج مو غريب
غلا .. كاعده ع طرف جرباتي ومدنكه راسي ودموعي توكع صدت عيني ع طرف اصبعي شون لونه ازرك ومحتصر بي الدم تذكرت نفسي من احمي روحي ب اديه من ضربات الحزام وضربه منهن اجت ع طرف اصبعي
شاغت روحي وصحت مـَـــامااا الله يخليج ماريد اشوفه والله نارر بكلبي ليش متفهميني
حضنتني وكالت ميخالف اهدي كومي غسلي وجهج وتعوذي من الشيطان هاي هيه لا تشوفينه
احمد .. رجعت للبصره احس روحي هنا بالعماره انه بس جسد دوامي عفته طلبت اجازه بدون راتب الديوان هملته
مالي خلك لشي
وصلت بيت اهلها جانو اخوتهه مو ب البيت استقبلتني امها
كتلها عمه اريد احجي وياهه كالت اخوهه مطلعه لان نفسيته تعبانه ولا تاكل ولا تشرب ساعتين واجه اخوهه الجبير
كلش احترمه سلم عليه وحاول يفهمني غلا هسه مكسوره اول وتالي ترجع الي
أنت تقرأ
عاشكته
ChickLitقصه باللهجه العراقيه الجنوبيه 🖤 🔞🔞جريئئه 🔞🔞 🔞🔞 غزل وعقاب جريئ 🔞🔞 🔞🔞 لمسات حب وغضب 🔞🔞 احداثهه تدور حول بنت تعجب ملازم اول ⭐⭐ يسوي المستحيل لخاطرهه والمفاجئه ............😱😱 .. ماريد اطول عليكم و احرك الاحداث تابعو وياي
