هذا بارت ٢٢٥٠ كلمه لعيونكم حبيباتي
لا تحرموني تعليقاتكم الحلوه وتصويتكم 😍❤
البنات الي يسئلون شوكت تخلص القصه
بعد ٣ بارت وتخلص يعني ٤٠ بارت
اذا يعجبكم نضيف دردشه للقصه من تخلص او يوميات علقو هنا وتدللون ❤
ضبابك..!
جاسني مرايه
وگلتله أكبر
ولك يا شوف أحبك للعمى و اكثر..!
🥀🥀🥀🥀🥀🥀🥀🥀
الدنيا صارت كد زرف الابره بعيني
حسيت نفسي مالي مكان ولا الي لزوم
واني امشي اريد اوصل للمطبخ حتى اشرب ماي بلكت تطفه نار كلبي
محسيت اله الدنيا افترت بيه ووكعت
مسمعت شي ولا انتبهت ع شي وماعرف شكد مر عليه وكت واني محاسه
زهراء ..
جنت متونسه وانه اسمع حجي بت خالت احمد كيفت يمكن لان هيه الوحيده الي ادعت انو هيه فرحانه اليٰـهہ وباركت وهللت ومرحبت
استغربت موقفهه شعجب هيج حجت يمكن بينها وببن غلا مشاكل او حزازيات اوووه هسه انه شلي دخل عسى نارهم تاكل حطبهم
ماكو اقل من ٥ دقايق على اسماء وياي
وسمعنه صوت ضربه بالكاع وصياح الحجيه ام احمد
شفت غلا طايحه بالكاع وام احمد تصيح على اسماء
ارتاحيتي هسه ارتاح كلبج
وعيونهه كلها خوف على غلا وكفت باوعت الها شون واكعه وفاقده متدري بالدنيا واجن البنات على صوت الحجيه
يردن يصحن غلا ماكو
ركضت مرت اخو احمد جابت تلفون الحجيه وطلعت رقم احمد الها وكالت الها خابريلي عليه بساعج
احمد ...
جنت حاب انسى كلشي وارجع بذاكرتي بس انه وغلا وعلاقتنه شلون جانت وشلون خليتها تحبني وعيشتني بدنيا خاصه بيني وبينها
وانه عايش بذكرياتي وياهه
فززني صوت التلفون
شفت المتصل امي بلحظه من اللحظات تمنيت الاتصال يكون من غلا تمنيت اسمع صوته حتى لو تعتب حتى لو تزعل بس كون ما احس بنبره كرهه بصوته ماكدر اتحمل احساس انو غلا كارهتني
رجعت جاوبت
الو ها حجيه
يمه ابو فهد دخيل الله ودخيلك غلا راح تروح من ادينه الحك عليهه
جفلت بمجاني واحس الدم يبس بعروكي
يمه شـٰ۫ﹻـكـ͡ـوووو شبيهه غلااا
خايب يمه البت طاحت من طولهه وفاقده الحكنه
مادري شون سقت وشكد سرعه مشيت كل الي اريده اوصل
على غلا
دك التلفون اخوي سلمان ابو فهد خويه مريتك بالمستشفى انه وامي وياهه تعال النه غاد
...
سلمان جنت راجع من البستان تعبان دخلت للبيت واسمع حس امي والبنات يتصايحن ومريت احمد طايحه بالكاع
ترخصت من امي وشلتها وخليته وامي وياي طلعت بيها للمستشفى
وصلنه واخذوهه من عدنه وانه ضلبت بره طلعت امي تنبهني اخابر على ابو فهد حتى يجيه لهنا خاف يروح للبيت
انه هم ما كلت باطل وركضت خابرته وفهمته احنه وين
أنت تقرأ
عاشكته
ChickLitقصه باللهجه العراقيه الجنوبيه 🖤 🔞🔞جريئئه 🔞🔞 🔞🔞 غزل وعقاب جريئ 🔞🔞 🔞🔞 لمسات حب وغضب 🔞🔞 احداثهه تدور حول بنت تعجب ملازم اول ⭐⭐ يسوي المستحيل لخاطرهه والمفاجئه ............😱😱 .. ماريد اطول عليكم و احرك الاحداث تابعو وياي
