عاشكته

البارت الخامس ( مابين الماضي والحاضر)

تعاليلي وافرغلج شكو بروحي
وانام وياچ حد ماتخدر الرجلين
واريدن اخ تجرح اخ عَ چرچف ماده الچفين . 🤤🖤

فضل .. ضابط ؟؟ ليش جريمه مسويه ولج ؟؟

غلا .. لااا والله كلشي ممسويه بس يمكن لان يمنا المركز 🤷🏻‍♀️

فضل .. هاا ان شاء الله خير .

سكتنا وصلنا للبيت ...

مرت الايام عاديه .. يوم ورا يوم وشهر ورا شهر .

الى ان وصلت امتحانات اخير السنه ..

جنت خايفه كلشش امنيتي اجيب معدل زين

وادخل كليه زينه واتخرج .. واحقق كلشي اتمناا

جنت اتمنى هوااي اشياء مجنت ادري القدر محضرلي مفاجئات تصدمني 🤷🏻‍♀️

و بيوم اعلان نتائج السادس ........

ابحث اني واخواني بموقع النتائج ولازمه كلبي بيدي

صاح اخوي واني جفلت من الخوف 😱

غلااااا ولج غلااااا ناجحه معدلج ٩٢ 😂

من سمعت هيج مادري شسوي اركص اهلهل اكمز 😂😂

فرحت اني واهلي وحسيت هذا نجاحي بدايه حياه جديده ومستقبل جديد ..

قدمت الانسيابيه والحمد لله طلع الي هندسه

واني الفرحه مسايعتني ..

احمد ⭐⭐  طلعت من المدرسه والنار تاكل بيه حسيت بهضيمه جبيره انا ابن مضيف قبل لا اصير بالدوله وحسيت زحمه بحقي بنت زعطوطه هيج تحجي وياي بس ارجع اصفن واكول حرمه خو ما امد ايدي ع حرمع قررت اعوفهه فتره بلكت انساهه ..

فعلا رجعت للعماره بين اهلي وناسي بس غلا بقت تدك براسي اووف يا غلا كلبي شسويتي بيه ولج 🤦🏻‍♂️

مرت ايام هواي ما شفته بس بقيت مراقب كل خطواتهه .. لحد يوم نتيجته ... 

جنت ع اعصابي شفت اسمها ناجحه وبمعدل عالي
احس روحي فرفحت .. مادري افرح لو انقهر

افرح لان نجحت وهسه هيه فرحانه
لو
انقهر لان راح تدخل كليه وبالكليه ولد وخاف واحد ياخذهه مني 🤦🏻‍♂️

استجمعت قوتي وكلت لازم اسوي حل لنفسي

غلا ... بلشت اداوم كليه وجنت طايره من الفرح
ويوميه البس شكل واطلع انيقهه كلش ومهتمه بنفسي
احس بيه عروس مو طالبه ع كد الفرحه الي جنت بيهه 😂🙊

يوميه واحد من اخوتي يوصلني وبالرجعه فضل يجيني
جنت اتجنب الولد الي وياي بداخلي مخليه فكره انو احترم نفسي واني داخله كليه بس حتى ادرس ..

وفعلا خلص اول شهر من الدوام وبيوم جنت طالعه من وكت انتضر فضل .. طلعت من وكت لان اخر محاضره الدكتور طلع ف اني مااحب ابقى بالكليه كلت انتضره بالحديقه الي قريبه ع مدخل الكليه ..

احمد ⭐⭐ يمه رايح للبصره عندي شغل لا يضل بالكم  ..
ولك يمه ابو شهاب شغليش شو انت تغط تغط وتطلع ب البصره شعندك يمه ؟؟
⭐⭐ ماكو شي شغل وخابروني يا يمه شبيدي .
ميخالف يمه الله وياك وانتبه ع نفسك مالي خلك شوغات يحميد يمه.
⭐⭐ هههه صار بعد كلبي .. في امان الله

طلعت المغرب من العماره وصلت بالليل للبصره واحس انفاس غلا بهوا البصره .. ساعه اختنك ساعه اطير من الفرح ..مادري شلون نمت ليلي صبح الصبح قررت اروح الها للكليه واحجي وياهه

ماردت اروح عسكري لبست مدني واكدر ادخل للكليه لان هويتي عسكريه ..

كشخت والي يشوفني يكول عريس اليوم



وصلت لكليتهه ع وكت حتى من تطلع اشوفهه وكفت سيارتي بداخل الكليه اكو كراج لل الاساتذه ويمه حديقه انتضار نزلت وبقيت منتجي ع سيارتي ..

وشفتهه من بعيد تمشي وكعدت ع مسطبه بالحديقه
متغيررررره هوااااي صايره عروس طيرت عقلي بلحضه حسيت شفتي ترجف وايدي اريدهه شسوي يا علي ااااخ اااخ

تحركت الها وكفت هيه جانت منزله راسه وتكلب ب الملازم ممنتبه للي داير مدايرهه ..

⭐⭐ مرحبا غلا

غلا .. مرحبا .. واني منزله راسي .. باوعت ب الارض رجلين ولد ولابس رسمي .. يمه سترك ربي منو هذا ؟؟

⭐⭐ مشتاقلج غلا كلبي

غلا .. عفوأ ورفعت راسي .. شنو مشتاقلج ؟؟
باوعت شفت شاب بس مو زغير بالعمر شويه جبير لابس قاط ونضاره .. مربي شوارب طويلات نازلات بين شفايفه حواحبه من ورا النضاره معكودات وسوود
مرجع شعره ليوره وطويلل والجسم مرتب .. صفنت بي 🤤🤤 ايـيييي صفنت بي شسوي اذا هو يخبل 😭
بس بقيت اباوع هذا منو وشلون هيج يحجي ومنين عرف اسمي 🤷🏻‍♀️

احمد .. اووف ناسيتني

غلا .. اخويه منو انت وشنو رايد ؟؟

احمد .. احسسس كلبي انخمش من كالت اخويه 🤦🏻‍♂️
انا مو اخوج رجعي بذاكرتج ليوم طلعتج من المدرسه بتراك .. حجيت هيج وانا شويه مبتسم ☺️

غلا .. شنووو شمدريك ؟؟

🧚🏻‍♀️🖤

يتبع

*$*$*